ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴱⴷⴻⴷ ⵏ ⵜⵎⴰⴳⵍⴰ ⵜⴰⵖⴻⵍⵏⴰⵡⵜ ⵉ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵉⵅⴻⴱⴱⴻⵔ-ⴷ ⵢⵉⵖⴻⴼ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵃⴻⵣⵣⴻⴱ ⴷ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ, ⴰⵀⵎⴻⴷ ⵏⴰⵉⵜ ⴻⵍ ⵀⵧⵛⵉⵏⴻ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⵎⴰⴳⵍⴰ (ⵡⴰⴼⴷ) ⵜⴰⵖⴻⵍⵏⴰⵡⵜ ⵉ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ. ⵜⴰⵎⴰⴳⵍⴰ-ⴰ ⴰⴷ ⵜⵅⴻⴷⴷⴻⵎ ⴷⴻⴳ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⵏ ⵡⴻⴱⵔⵉⴷ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ, ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵓⵃⴻⵣⵣⴻⴱ ⴷ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵡⴰⵎⵎⴰⵙ-ⴰ ⴷⴰⴽⴽⴻⵏ ⵜⴰⵎⴰⴳⵍⴰ-ⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴷⴻⴳ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⴰⴷ ⴷ-ⵍⵀⵓⵏ ⵙ « ⵓⵙⵙⴻⴼⵄⴻⵍ ⵏ ⵢⵉⵡⴻⵀⵀⵉⵢⴻⵏ ⵉⵙⵓⴷⴷⵙⴰⵏⴻⵏ ⵏ ⵓⵏⴰⴱⴰⴹ ⴷⴻⴳ ⵡⴻⵏⵔⴰⵔ ⵏ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ ». ⴰⴷ ⴷ-ⵜⴻⵍⵀⵓ ⴷⴰⵖ ⵜⵎⴰⴳⵍⴰ-ⴰ ⵙ « ⵡⴻⴹⵎⴰⵏ ⵏ ⵜⵎⴻⵍⵍⵉⵍⵜ (ⵏⴰⴵⴰⵄⴰ) ⵏ ⵜⵙⴻⵔⵜⵉⵜ ⵏ ⵢⴻⴱⵔⵉⴷⴻⵏ ⵙ ⵓⵜⵜⴻⴽⴽⵉ ⵏ ⵡⴰⴽⴽ ⵡⵉⴷ ⵢⴻⵔⵣⴰ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ. » ⵜⴰⵎⴰⴳⵍⴰ-ⴰ « ⴰⴷ ⵢⴻⵜⵜⵡⴰⵙⵙⴻⵡⵙⴻⵄ ⵛⵛⵖⴻⵍ-ⵏⵏⴻⵙ ⵖⴻⵔ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⵉ ⵓⵙⵙⴻⴼⵄⴻⵍ ⵏ ⵜⵙⴻⵔⵜⵉⵜ ⵏ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⵙⵙⵓⵎⴻⵔ-ⴷ ⵢⴰⴳⵉ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ « ⴰⵙⵙⴻⴱⴷⴻⴷ ⵏ ⵜⵙⵓⴷⵓⵜ (ⵀⴰⵢ’ⴰ) ⵏ ⵓⵛⵉⵡⴻⵕ ⴷⴷⴰⵡ ⵓⵙⵉⴳⴳⵉ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴷ ⵜⵉⵏ ⴰⴷ ⴷ-ⵢⴻⵍⵀⵓⵏ ⵙ ⵓⵙⵙⴻⴼⵔⵓ ⵏ ⵢⵉⵡⴻⵀⵀⵉⵢⴻⵏ ⵉⵙⵓⴷⴷⵙⴰⵏⴻⵏ (ⵉⵙⵜⵔⴰⵜⵉⴵⵉⵢⵢⴰ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ ⴷⴻⴳ ⵓⴽⴰⵜⴰⵔ ⵏ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵍⵇⴰⵏⵓⵏ ⵏ ⵜⵉⴷⴷⵉⵜ ⴷⴻⴳ ⵡⴻⴱⵔⵉⴷ.

ⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵜⴻⵙⵔⵉⵃ ⵏ ⵜⴻⵏⵀⴰⵕⵜ ⵙ ⵜⴻⵏⵇⵉⴹⵉⵏ, ⵢⴻⵏⵏⴰ-ⴷ ⵉⵡⴻⴽⴽⴻⴷ-ⴷ ⵎⴰⵙⵙ ⵏⴰⵉⵜ ⴻⵍ ⵀⵧⵛⵉⵏⴻ ⵖⴻⴼ « ⵡⴰⵣⴰⵍ ⴰⵢ ⵢⴻⵙⵄⴰ ⵓⵏⴰⴳⵔⴰⵡ-ⴰ (ⵏⵉⴹⴰⵎ) ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵢⵉⵙⴻⵀⵡⴰ ⵏ ⵡⴻⴱⵔⵉⴷ ».