Asebter amenzawi

Assebded n tmagla taɣelnawt i tɣellist n yebriden

LDZAYER TAMANEɣT– Ixebber-d yiɣef n Wammas Aɣelnaw n Uḥezzeb d Tɣellist n Yebriden, Ahmed Nait El Hocine, ass n ttlata deg Ldzayer Tamaneɣt, dakken ur tettɛeḍḍil ad d-tettwassebded tmagla (wafd) taɣelnawt i tɣellist n yebriden. Tamagla-a ad txeddem deg weɣlif n tɣawsiwin n daxel i lmend n ussenqes n yisehwa (ḥawadit) n webrid.

Deg yiwet n tseɣrut (taṣriḥ) i tɣemsa, deg yijifeṛ n yiwen n usarag ɣef uḥezzeb d tɣellist n yebriden, yenna-d uselway n wammas-a dakken tamagla-a ad ttekkin deg-s yimazzagen (muxtaṣṣin) deg yeḥricen yemgerraden yernu ad d-lhun s « ussefɛel n yiwehhiyen isuddsanen n unabaḍ deg wenrar n tɣellist n yebriden ». Ad d-telhu daɣ tmagla-a s « weḍman n tmellilt (naǧaɛa) n tsertit n yebriden s uttekki n wakk wid yerza temsalt n tɣellist n yebriden. » Tamagla-a « ad yettwassewseɛ ccɣel-nnes ɣer temnaḍin yemgerraden n tmurt i ussefɛel n tsertit n tɣellist n yebriden », ɣef wakken ay d-yenna.

Yessumer-d yagi weɣlif n tɣawsiwin n daxel « assebded n tsudut (hay’a) n uciweṛ ddaw usiggi n uneɣlaf amenzu, d tin ad d-yelhun s ussefru n yiwehhiyen isuddsanen (istratiǧiyya) deg wayen yerzan taɣellist n yebriden deg ukatar n uɛawed n tmuɣli deg lqanun n tiddit deg webrid.

Ma deg wayen yerzan ttesriḥ n tenhaṛt s tenqiḍin, yenna-d iwekked-d Mass Nait El Hocine ɣef « wazal ay yesɛa unagraw-a (niḍam) ay d-yellan i lmend n ussenqes n yisehwa n webrid ».