ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵟⴰⵙ ⵏ ⵢⵉⵅⴻⴷⴷⵉⵎⴻⵏ ⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ ⴰⵢ ⵢⴻⵜⵜⵡⴰⵚⴻⴳⴳⵎⴻⵏ ⵢⴻⵔⵏⵓ ⵜⵜⵡⴰⵙⵎⴻⴹⵏⴻⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵜⵜⵡⴰⵚⴻⴳⴳⵎⴻⵏ ⵢⴻⵔⵏⵓ ⵜⵜⵡⴰⵙⵎⴻⴹⵏⴻⵏ 15 ⵏ ⵢⵉⵙⵓⵔⴰ ⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵜⵜⵡⴰⴼⴰⵔⵙⴻⵏ (ⵓⵏⵜⵉⴵⵓ) ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1970 ⴷ 1980, ⵢⴻⵔⵏⵓ ⵜⵜⵡⴰⵇⴻⴷⴷⵎⴻⵏ-ⴷ ⴷⴻⴳ ⵜⵣⴻⵇⵇⴰ ⵏ ⴻⵍ-ⵎⵧⵓⴳⴳⴰⵔ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⵓⵇⴱⴻⵍ ⵎⴰ ⵙⵄⴻⴷⴷⴰⵏ-ⴷ ⵢⵉⵡⴻⵏ ⵙⴻⴳ-ⵙⴻⵏ, ⴰⵙⴰⵔⵓ ⵢⴻⵜⵜⵡⴰⵙⵎⴻⴹⵏⴻⵏ ⵏ « ⵧⵎⴰⵔ ⴳⴰⵜⵍⴰⵜⵧ » (1976) ⵏ ⵎⴻⵔⵣⴰⴽ ⴰⵍⵍⵧⵓⴰⵛⵀⴻ.

ⵛⵛⵖⴻⵍ ⵏ ⵓⵚⴻⴳⴳⴻⵎ ⴷ ⵓⵙⵙⴻⵎⴹⴻⵏ ⵏ ⵢⵉⵙⵓⵔⴰ-ⴰ ⵢⴻⴱⴷⴰ-ⵜ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵙⵙⵉⵏⵉⵎⴰ ⴷ ⵢⴻⵙⵍⵉⵥⵔⵉ ⴷⴻⴳ 2012 ⵢⴻⵔⵏⵓ ⵉⵃⵓⵣⴰ-ⴷ ⴰⵚⴻⴳⴳⴻⵎ ⵏ ⵜⴻⵙⴼⵉⴼⵉⵏ ⵏ 35 ⵏ ⵢⵉⵎⵉⵍⵉⵎⵉⵜⵔⴻⵏ ⴰⵢ ⵔⵔⴰⵏ ⴷ ⵉⵙⵓⵔⴰ ⵢⴻⵜⵜⵡⴰⵙⵎⴻⴹⵏⴻⵏ ⵙ ⵓⵎⴰⵙⴰⵍ ⵏ ⴷⵛⵒ (ⴷⵉⴳⵉⵜⴰⵍ ⵛⵉⵏⴻⵎⴰ ⵒⴰⵛⴽⴰⴳⴻ), ⴷ ⴰⵎⴰⵙⴰⵍ ⴰⵢ ⵢⴻⵜⵜⴰⴵⴵⴰⵏ ⴰⵖⴻⵍⵍⴻⵜ ⵏ ⵢⵉⵙⵓⵔⴰ-ⴰ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ⵢⴻⵔⵏⵓ ⵙ ⵡⴻⴹⵎⴰⵏ ⵏ ⵡⴻⵃⵔⴰⵣ-ⵏⵙⴻⵏ.

ⵎⴻⵏⵖⵉⵔ ⴰⵙⴰⵔⵓ ⵏ « ⵧⵎⴰⵔ ⴳⴰⵜⵍⴰⵜⵧ », ⵜⵜⵡⴰⵙⵎⴻⴹⵏⴻⵏ ⴷⴰⵖ ⵢⵉⵙⵓⵔⴰ ⵏ ⵀⴰⵙⵙⴰⵏ ⵜⴻⵔⵔⵧ » ⵏ ⵎⵧⵀⴰⵎⴻⴷ ⵍⴰⴽⵀⴷⴰⵔ ⵀⴰⵎⵉⵏⴰ, « ⵜⴰⵇⵍⵉⵄⵜ » (ⵍⴰ ⵛⵉⵜⴰⴷⴻⵍⵍⴻ) ⵏ ⵎⵧⵀⴰⵎⴻⴷ ⵛⵀⵧⵓⵉⴽⵀ, « ⵜⴰⵎⴻⵣⵣⴰⵢⵜ ⵏ ⵡⴻⴳⵎⵓⴹ » (ⵒⴰⵜⵔⵧⵓⵉⵍⵍⴻ ⴷⴻ ⵍ’ⴻⵙⵜ » ⵏ ⴰⵎⵎⴰⵔ ⵍⴰⵙⴽⵔⵉ, « ⴱⵏⵉ ⵀⴻⵏⴷⴻⵍ » ⵏ ⵍⴰⵎⵉⵏⴻ ⵎⴻⵔⴱⴰⵀ, « ⵜⴰⴼⴻⵊⵔⵉⵜ ⵏ ⵢⵉⵎⴻⵏⵄⵓⵍⴻⵏ » (ⵍ’ⴰⵓⴱⴻ ⴷⴻⵙ ⴷⴰⵎⵏéⵙ » ⵏ ⴰⵀⵎⴻⴷ ⵔⴰⵛⵀⴻⴷ ⴷ « ⵢⵉⵎⵓⵔⴰⵙ ⵏ ⵍⴰⵏⵙⵒⵉⴽⵜⵓⵔ ⵟⵟⴰⵀⴻⵔ » ⵏ ⵎⵧⵓⵙⵙⴰ ⵀⴰⴷⴷⴰⴷ.

ⵢⴻⵃⴷⴻⵕ, ⴷⴻⴳ ⵜⴼⵓⴳⵍⴰ-ⴰ (ⵃⴰⴼⵍ) ⵏ ⵓⵇⴻⴷⴷⴻⵎ, ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵢⴻⵔⵏⵓ ⵢⴻⵛⴽⴻⵕ-ⴷ « ⴰⵅⴻⴷⴷⵉⵎ-ⴰ ⵏ ⵡⵉⴷ ⴰⵢ ⵜ-ⵢⴻⵣⵡⴰⵔⴻⵏ » ⵉⵎⵉ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵙⵓⵔⴰ-ⴰ ⴰⴷ ⴷⴷⵔⴻⵏ « ⵜⵉⴽⴽⴻⵍⵜ ⵜⵉⵙ ⵙⵏⴰⵜ » ⵢⴻⵔⵏⵓ « ⴰⴷ ⵔⵔⴻⵏ ⵜⴰⵊⵎⵉⵍⵜ » ⵉ ⵢⴻⵎⵙⴻⴹⵔⴰ (ⵎⵓⵅⵔⵉⴵⵉⵏ), ⵉⵏⴰⵥⵓⵔⴻⵏ ⴷ ⵢⵉⵎⴰⵜⵡⵉⵍⴻⵏ ⴰⵢ ⵢⴻⴵⴵⴰⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ ⴰⴷ ⵜⴻⴷⴷⴻⵔ ⵜⴰⵍⵍⵉⵜ-ⵏⵏⴻⵙ ⵏ ⵡⵓⵔⴻⵖ.

ⵉⴳⴰ ⴷⴰⵖ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⵉⴼⴰⴷⴷⴻⵏ ⵉ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵙⵙⵉⵏⵉⵎⴰ ⴷ ⵡⴻⵙⵍⵉⵥⵔⵉ ⴰⴽⴽⴻⵏ « ⴰⴷ ⵉⴽⴻⵎⵎⴻⵍ » ⵛⵛⵖⴻⵍ-ⴰ ⵏ ⵓⵚⴻⴳⴳⴻⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵖⵍⵉⴼ ⵏ ⵢⴻⴷⵍⴻⵙ ⴰⴷ ⴷ-ⵢⴻⵍⵀⵓ ⴷⴰⵖ ⵙ « ⵡⴰⵔⵔⴰⵢ (ⵉⵙⵜⵉⵔⴵⴰⵄ) ⵏ ⵜⴻⵕⵛⵉⴱⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵙⵙⵉⵏⵉⵎⴰ » ⵢⴻⵍⵍⴰⵏ ⴷⴻⴳ ⵢⵉⵏⴻⴳⵎⵉⵢⴻⵏ (ⵎⴰⵅⴰⴱⵉⵔ) ⵏ ⵡⴰⵛⵃⴰⵍ ⵏ ⵜⵎⵓⵔⴰ ⵏ ⵜⵓⵕⵓⴼⵜ.

ⵢⴻⵔⵔⴰ ⴷⴰⵖ, ⵎⴰⵙⵙ ⵎⵉⵀⵧⵓⴱⵉ, ⵜⴰⵊⵎⵉⵍⵜ ⵉ ⵢⵉⵙⴻⴳⴱⴰⵔⴻⵏ (ⵎⵓⵎⴰⵜⵜⵉⵍⵉⵏ) ⵉⴳⴻⵊⴷⴰⵏⴻⵏ ⵏ ⵓⵙⴰⵔⵓ ⵏ « ⵧⵎⴰⵔ ⴳⴰⵜⵍⴰⵜⵧ », ⴱⵧⵓⴰⵍⴻⵎ ⴱⴻⵏⵏⴰⵏⵉ ⴷ ⴰⵣⵉⵣ ⴷⴻⴳⴳⴰ, 40 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵓⵙⴰⵔⵓ-ⴰ, ⵢⴻⵔⵏⵓ ⵜⴻⵍⵍⴰ-ⴷ ⵜⴻⵊⵎⵉⵍⵜ-ⴰ ⵙ ⵡⴻⵃⴷⴰⵕ ⵏ ⵡⴰⵛⵃⴰⵍ ⵙⴻⴳ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ.