ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴱⴷⴰ ⵡⴻⵙⵍⴻⵖⵎⴰⵢ ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ ⴰⵅⴻⴷⴷⵉⵎ-ⵏⵏⴻⵙ ⴷⴻⴳ ⴻⵙ ⵙⴹⵉⴼ

ⵙⴹⵉⴼ– ⵢⴻⴱⴷⴰ ⵡⴻⵙⵍⴻⵖⵎⴰⵢ ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ ⴰⵅⴻⴷⴷⵉⵎ-ⵏⵏⴻⵙ ⴷⴻⴳ ⵜⴻⵖⵍⴰⵎⵜ ⵏ ⵡⴻⵎⵙⴻⴼⵀⴰⵎ ⴰⴷⴷⴰⵍⴰⵏ ⵏ ⵙⴹⵉⴼ (ⴻⵙⵙ) ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ 8 ⵎⴰⵢⵓ 1945, ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⵎⵙⴻⴼⵀⴰⵎ ⴷ ⵜⴻⵖⵍⴰⵎⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵙ ⵡⴰⵢⴰ, ⵢⴻⴱⴷⴰ ⵡⴻⵙⵍⴻⵖⵎⴰⵢ-ⴰ ⴰⵇⴱⵓⵔ ⵏ ⵎⵧ ⴱⴳⴰⵢⴻⵜ ⴰⵅⴻⴷⴷⵉⵎ-ⵏⵏⴻⵙ ⴷⴻⴳ ⵜⴻⵖⵍⴰⵎⵜ ⵏ ⵙⴹⵉⴼ ⵉ ⵜⴰⵍⵍⵉⵜ ⵏ ⵓⵙⴻⴳⴳⴰⵙ, ⵙ ⵍⴻⵄⵇⴻⴷ ⴰⵢ ⵉⵣⴻⵎⵔⴻⵏ ⴰⴷ ⵢⴻⵜⵜⵡⴰⵄⴰⵡⴻⴷ, ⴷ ⴰⵛⵓ ⴽⴰⵏ, ⵢⴻⵜⵜⵡⴰⵛⵔⴻⴹ ⴼⴻⵍⵍ-ⴰⵙ ⴰⴷ ⵢⴻⴹⵎⴻⵏ ⵉⴳⵎⴰⴹ ⵢⴻⵍⵀⴰⵏ ⵉ ⵜⴻⵖⵍⴰⵎⵜ-ⴰ.

ⵜⴻⵏⵏⴰ-ⴷ ⴷⴰⵖ ⵜⵎⴻⵀⵍⴰ (ⵉⴷⴰⵔⴰ) ⵏ ⵜⴻⵖⵍⴰⵎⵜ ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⵖⵍⴰⵎⵜ-ⴰ, ⵀⴰⵛⴻⵏⴻ ⵀⴻⵎⵎⴰⵔ, ⵉⴳⴰ ⵜⵉⵎⵍⵉⵍⵉⵜ ⵏ ⵓⵅⴻⴷⴷⵉⵎ, ⵜⴰⵚⴻⴱⵃⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ, ⴷ ⴰⴱⴷⴻⵍⴽⴰⵅⴻⵔ ⴰⵎⵔⴰⵏⵉ, ⴷ ⵜⵉⵏ ⴰⵢⴷⴻⴳ ⵢⴻⴼⵔⴰ ⴰⴽⴽ ⵜⵉⵎⵙⴰⵍ ⴷ ⴰⵎⵔⴰⵏⵉ ⴰⴽⴽⴻⵏ ⴰⴷ ⵢⴻⴱⴷⵓ ⴰⵅⴻⴷⴷⵉⵎ-ⵏⵏⴻⵙ .

ⴷ ⴰⵛⵓ ⴽⴰⵏ, ⴰⵛⴻⵎⵎⴰ ⵓⵔ ⴷ-ⵢⴻⵜⵜⵡⴰⴽⵛⴻⴼ ⵖⴻⴼ ⵜⵜⴼⴰⵚⵉⵍ ⵏ ⵍⴻⵄⵇⴻⴷ-ⴰ ⴰⴷ ⵢⴻⵜⵜⵡⴰⵙⵜⴻⵏⵢⵉⵏ ⴰⵙⵙ ⵏ ⵍⴰⵕⴻⴱⵄⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵛⵛⵖⴻⵍ ⵢⴻⴳⴳⵓⵏⵉⵏ, ⵢⴻⵜⵜⵡⴰⴽⴻⵍⵍⴻⴼ ⵎⴰⵙⵙ ⴰⵎⵔⴰⵏⵉ ⴰⴷ ⵢⴻⵙⵙⵉⵡⴻⴹ ⵜⴰⵖⵍⴰⵎⵜ ⵏ ⴻⵙ ⵙⴹⵉⴼ ⴰⴷ ⵜⵄⴻⴷⴷⵉ ⵖⴻⵔ ⵡⴻⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵎⵖⵓⵏⵜ (ⵔⴰⴱⵉⵟⴰ) ⵏ ⵢⴻⵍⵖⵓⵖⴻⵏ ⵏ ⵜⴻⴼⵔⵉⵇⵜ. ⴻⵙ ⵙⴹⵉⴼ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⴷⴻⴳ ⵡⴻⵎⵙⵉⵣⵡⴻⵔ-ⴰ ⴰⵙⵙ ⵏ 19 ⵢⵓⵏⵢⵓ ⴷⴻⴳ ⵓⵙⴰⵔⵉⵔ-ⵏⵏⴻⵙ ⵎⴳⴰⵍ ⵜⴻⵖⵍⴰⵎⵜ ⵏ ⵙⵓⵏ ⴷⵧⵡⵏⵙ ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ.