ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵄⴻⵡⵡⴻⵍ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⴷ ⵜⴽⴻⵎⵎⴻⵍ ⵉⵎⴻⵏⵖⵉ ⴰⵔⵎⴰ ⴷ ⵔⵔⴱⴻⵃ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵜⵄⴻⵡⵡⴻⵍ ⵜⵎⴰⵔⵉⵜ (ⴰⵎⴰⵏⴰ) ⵜⴰⵎⴰⵜⵓⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⴷ ⵜⴽⴻⵎⵎⴻⵍ ⵉⵎⴻⵏⵖⵉ ⵢⴻⵔⵏⵓ ⴰⴷ ⵜⴻⵙⵙⴻⵊⵀⴻⴷ ⵜⴰⴷⵓⴽⵍⵉ ⴰⵔⵎⴰ ⴷ ⴰⵙⵎⵉ ⴰⴷ ⵢⴻⵙⵙⵉⵡⴻⴹ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵖⴻⵔ ⵢⴻⵙⵡⵉ-ⵏⵏⴻⵙ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴼⴼⵉⵔ ⵜⵎⴻⵜⵜⴰⵏⵜ, ⴰⵙⵙ ⵏ ⵜⵜⵍⴰⵜⴰ, ⵏ ⵓⵙⴻⵍⵡⴰⵢ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ ⵖⴻⵔ 68 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵢⵉⵡⴻⵏ ⵏ ⵡⴰⴹⴹⴰⵏ ⵖⴻⵣⵣⵉⴼⴻⵏ.
« ⵉⵔⴰⴷ ⵍⵎⴻⴽⵜⵓⴱ ⴰⴷ ⴰⵖ-ⵢⴻⴵⴵ ⵓⵎⴻⴷⴷⴰⴽⴻⵍ-ⵏⵏⴻⵖ ⴷ ⵢⴻⵎⴹⴻⴱⴱⴻⵔ, ⴰⵎⴻⵖⵔⵓⵙ (ⵛⴰⵀⵉⴷ) ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⵡⵡⴹⴻⵏ 43 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵢⴻⵔⵏⵓ ⵢⴻⴱⴷⴰ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ ⴷ ⵓⵎⵓⵍⵍⵉ ⵡⵉⵙ 40 ⵏ ⵡⴰⵙⵙ ⵏ ⵢⵉⵎⴻⵖⵔⵓⵙⴻⵏ, ⴷ ⴰⵣⴻⵎⵣ (ⵜⴰⵔⵉⵅ) ⴰⵢⴷⴻⴳ ⴻⵍ ⵧⵓⴰⵍⵉ ⵎⵓⵙⵜⴰⵒⵀⴰ ⵙⴰⵢⴻⴷ ⵢⴻⵖⵍⵉ ⴷⴻⴳ ⵢⵉⴳⴻⵔ ⵏ ⵢⵉⵙⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ ⴰⵢ ⴷ-ⵜⴻⴹⴹⴻⴼ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
«ⵢⴻⴵⴵⴰ-ⴰⵖ-ⴷ ⵓⵎⴻⵕⵃⵓⵎ ⵜⵉⴳⴻⵎⵎⵉ ⴷ ⵜⴰⵎⴻⵇⵔⴰⵏⵜ ⵏ ⵢⴻⴽⵙⴰⴱⴻⵏ ⴷ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ, ⴷ ⵍⴻⴱⵖⵉ ⴷ ⵓⵄⴻⵡⵡⴻⵍ ⵉⵊⴻⵀⴷⴻⵏ ⵉ ⵓⴽⴻⵎⵎⴻⵍ ⵏ ⵢⵉⵎⴻⵏⵖⵉ ⴰⵔⵎⴰ ⴷ ⵔⵔⴱⴻⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.
« ⵎⴻⵖⵖⵔⴻⵜ ⵜⵓⵇⵔⵉⵃⵜ-ⵏⵏⴻⵖ, ⵉⵡⴻⵜ ⵍⵊⴻⵔⵃ ⴷ ⴰⵎⴻⵇⵔⴰⵏ ⴷⴻⴳ ⵡⵓⵍ-ⵏⵏⴻⵖ, ⵎⴰⵛⴰ ⵢⴻⵙⵙⴻⴼⴽ ⴰⴷ ⵏⴻⴷⴷⴻⵎ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ), ⴰⴷ ⵏⴻⵔⵏⵓ ⴰⴷ ⵏⴻⴼⴽ ⵉⵙⴻⴼⵍⴰⵏ, ⴰⴷ ⵏⴻⵙⴷⵓⴽⴽⴻⵍ ⵉⵖⴰⵍⵍⴻⵏ-ⵏⵏⴻⵖ ⵢⴻⵔⵏⵓ ⴰⴷ ⵏⴻⵇⵇⵉⵎ ⴷ ⵉⵎⴻⴽⴷⵉⵢⴻⵏ (ⴰⵡⴼⵉⵢⴰ’) ⵉ ⵍⵉⵎⵉⵏ ⵏ ⵢⵉⵎⴻⵖⵔⵓⵙⴻⵏ-ⵏⵏⴻⵖ ⵉⴱⵖⴰⵙⴻⵏ ⴰⴽⴽⴻⵏ ⴰⴷ ⵏⴻⵔⴳⴻⵍ ⴰⴱⵔⵉⴷ ⵉ ⵢⵉⵛⴻⵏⴳⴰ ⵏ ⵡⴻⵖⵔⴻⴼ-ⵏⵏⴻⵖ. ⵎⴰⵣⴰⵍ-ⴰⵖ ⵏⴻⵜⵜⵡⴰⵙⵙⴻⵇⵏⴻⵄ ⴷⴰⴽⴽⴻⵏ ⴰⵖⵔⴻⴼ-ⵏⵏⴻⵖ ⵓⵔ ⵉⵅⴻⴷⴷⴻⵄ ⵉⵎⴻⵖⵔⵓⵙⴻⵏ-ⵏⵏⴻⵙ, ⵓⵔ ⵢⴻⵜⵜⴰⴵⴵⴰ ⵍⵄⴰⵀⴻⴷ-ⵏⵏⴻⵙ ⵢⴻⵔⵏⵓ ⴰⴷ ⵢⴰⵡⴻⴹ ⵖⴻⵔ ⵔⵔⴱⴻⵃ, ⵓⵔ ⴷⵉⵏ ⵛⵛⴻⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵡⴻⵍⵖⵓ-ⵏⵏⵉ.
« ⴷⴻⴳ ⵜⴻⵙⵡⵉⵄⵜ-ⴰ ⵜⵓⵇⵔⵉⵃⵜ ⴰⵢ ⵉⵃⵓⵣⴰⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵢⵉⵎⴻⵏⵖⵉ ⴰⵖⴻⵍⵏⴰⵡ, ⵜⴻⵜⵜⵄⴻⵣⵣⵉ ⵜⵎⴰⵔⵉⵜ ⵜⴰⵎⴰⵜⵓⵜ ⴰⵖⵔⴻⴼ ⴰⵚⴻⵃⵔⴰⵡⵉ ⵙⴻⴳ ⵡⵓⵍ ⴷⴻⴼⴼⵉⵔ ⵜⵎⴻⵜⵜⴰⵏⵜ ⵏ ⵡⴻⵔⴳⴰⵣ-ⴰ ⴰⵎⴻⵇⵔⴰⵏ ⴰⵢ ⵢⴻⴼⴽⴰⵏ ⵜⵓⴷⴻⵔⵜ-ⵏⵏⴻⵙ ⵉ ⵓⵃⵓⴷⴷⵓ ⵏ ⵓⴳⴻⵎⵎⵉⵔ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴷ ⵢⵉⵎⴻⵏⵖⵉ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⵔⵔ ⵉⵣⴻⵔⴼⴰⵏ-ⵏⵏⴻⵙ, ⵍⴰⴷⵖⴰ ⴰⵣⵔⴻⴼ ⵏ ⵜⵓⴷⴻⵔⵜ ⴷⴻⴳ ⵓⵡⴰⵏⴰⴽ (ⴷⴰⵡⵍⴰ) ⵉⵍⴻⵍⵍⵉ, ⴰⵏⴰⵢⴰⵏ (ⴷⵓ ⵙⵉⵢⴰⴷⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵡⴻⵍⵖⵓ-ⴰ.
