Asebter amenzawi

Axtam n Tmugert Tagraɣlant Tis 49 n Lezzayer

LEZZAYER TAMANEɣT – Tfuk Tmugert Tagraɣlant tis 49 n Lezzayer ass n lexmis deffir 6 n wussan n tzikkent. Tamugert-a tella-d d tagnit i teṛmisin (carikat) tidzayriyin d twerdaniyin ad d-ssersent sselɛa-nsent yernu ad d-ssukkent tiṭ ɣef ticcurkiwin d leɛqudat ay zemrent ad ten-stenyint gar-asent.

S ujemmal, 810 n teṛmisin, gar-asent 405 n twerdaniyin seg 33 n tmura, ay yettekkan deg tedyant tadamsant tameqrant akk ay d-yettilin deg Lezzayer, yernu tella-d tmugert-a deg Leqṣer n Tzikknin (deg Uzumbi n Yilel, Lezzayer Tamaneɣt) s usentel n « Ussefti d Teṛmist deg wul n tdamsa tararayt ».

Yeḥdeṛ uneɣlaf n tnezzut (tiǧara), Bakhti Belaib, deg tfugla (ḥafl) n wextam yernu yenna-d dakken amaynu deg tmugert n useggas-a d attekki n Tbanka Taɛṛabt n Wesnefli Adamsan deg Tefriqt, d tin ay d-yewwin yid-s azal n 100 n teṛmisin tifriqiyin n waǧaw akken ad ten-tɛawen deg tmesɣiwt n sselɛa tadzayrit.

Imsuddsen n Tmugert-a tis 49 fkan amkan n yinebgi n yiseɣ i teṛmisin tifriqiyin timaǧawin (mustawrida) ay yerzan daɣ ɣef Tmesrit tis 5 n Ussiǧew Adzayri ay d-yellan deg yijifeṛ n Tmugert-a.

Tamesrit-a yemmuzzgen ttekkant deg-s daɣ azal n 180 n teṛmisin ixeddmen deg yeḥricen yemgerraden am tuččit, imeẓla (xadamat), tamguri takrurant, tamguri taɣrafant, lebni d yimahilen inagduden d tenḍi (ṣinaɛa taqlidiyya).