ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴰⵎⴰⵍⵉ ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ

ⴱⴰⵎⴰⴽⵧ – ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴰⵎⴰⵍⵉ, ⵉⴱⵔⴰⵀⵉⵎ ⴱⵧⵓⴱⴰⵛⴰⵔ ⴽⴻⵉⵜⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴱⴰⵎⴰⴽⵧ, ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ.

ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⴰⵎⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⴰⴱⴷⵧⵓⵍⴰⵢⴻ ⴷⵉⵧⵒ, ⴰⵏⴻⵖⵍⴰⴼ ⵏ ⵜⴻⴷⴱⴻⵍⵜ ⵜⴰⵎⵏⴰⴹⴰⵏⵜ, ⴷⵔⵉⵙⵙ ⵎⴰⵉⴳⴰ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⵍⴷⵣⴰⵢⴻⵔ ⴷⴻⴳ ⵎⴰⵍⵉ, ⴱⵧⵓⴰⵍⴻⵎ ⵛⵀⴻⴱⵉⵀⵉ, ⴷ ⵡⴻⵏⵎⴰⵀⴰⵍ ⴰⵎⴰⵍⵉ ⴷⴻⴳ ⵍⴻⵣⵣⴰⵢⴻⵔ, ⵏⴰⵉⵏⵢ ⵜⵧⵓⵔⴻ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵡⴻⵎⵢⴰⴳⴻⵔ-ⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ « ⵢⴻⵙⵙⴰⵡⴻⴹ-ⴷ » ⵉ ⵓⵙⴻⵍⵡⴰⵢ ⴰⵎⴰⵍⵉ ⵙⵙⵍⴰⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ « ⵍⴻⴱⵖⵉ ⴷ ⵓⵄⴻⵡⵡⴻⵍ-ⵏⵏⴻⵙ ⵉⵊⴻⵀⴷⴻⵏ » ⵉ ⵓⴽⴻⵎⵎⴻⵍ ⵏ ⵡⴻⴱⴷⴰⴷ ⵉ ⵍⵎⴻⵏⴷ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴷ ⵡⴻⵖⵔⴻⴼ ⵉⵎⴰⵍⵉⵢⴻⵏ ⴷⴻⴳ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵢ ⵙⵜⴻⵏⵢⴰⵏ ⴰⴽⴽ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ, ⴷⴻⴳ ⵓⵙⵓⵔⵉⴼ ⴰⵎⴻⵣⵡⴰⵔⵓ ⴷⴻⴳ ⵎⴰⵢⵓ ⵏ 2015, ⵙⴰⴽⴽⵉⵏ, ⴷⴻⴳ ⵓⵙⵓⵔⵉⴼ ⵡⵉⵙ ⵙⵉⵏ, ⴷⴻⴳ ⵢⵓⵏⵢⵓ ⵏ ⵓⵙⴻⴳⴳⴰⵙ-ⵏⵏⵉ. ⴰⵎⵜⴰⵡⴰ-ⴰ ⵢⴻⵍⵍⴰ-ⴷ ⴷ ⵍⵖⴻⵍⵍⴰ ⵏ 5 ⵏ ⵜⵓⵣⵣⵢⵉⵡⵉⵏ ⵏ ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⴱⴷⴰⵏ ⴷⴻⴳ ⵢⵓⵍⵢⵓ ⵏ 2014 ⵙ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵍⴻⵣⵣⴰⵢⴻⵔ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ ⵉⵡⴻⴽⴽⴻⵍ-ⵉⵜ ⵓⵙⴻⵍⵡⴰⵢ ⴰⵎⴰⵍⵉ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵙⵙⵍⴰⵎ ⵉ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ « ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ».

ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵖⴻⴼ « ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵙⴻⴼⵄⴻⵍ ⵜⵉⵏⵇⵉⴹⵉⵏ ⵜⵉⴳⴻⵊⴷⴰⵏⵉⵏ ⵏ ⵡⴻⵎⵜⴰⵡⴰ-ⴰ ⵓⵎⵉ ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵣⴰⵍ ⴷ ⴰⵎⴻⵇⵔⴰⵏ ».