ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⵊⵀⴻⴷ ⵓⵙⴻⵇⵇⴰⵎⵓ ⵏ ⵜⵍⵉⵙⴰ ⴰⴷⵣⴰⵢⵔⵉ ⴰⵎⴰⵍⵉ ⴰⵎⵄⴰⵡⴻⵏ ⴷⴻⴳ ⵜⴻⵎⵏⴰⴹⵜ (ⴱⴻⴷⵧⵓⵉ)
ⴱⴰⵎⴰⴽⵧ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴱⴰⵎⴰⴽⵧ, ⴷⴰⴽⴽⴻⵏ ⵜⵉⵎⵍⵉⵍⵉⵜ ⵜⵉⵙ 12 ⵏ ⵓⵙⴻⵇⵇⴰⵎⵓ ⵏ ⵜⵍⵉⵙⴰ ⴳⴰⵔ ⵍⴷⵣⴰⵢⴻⵔ ⴷ ⵎⴰⵍⵉ ⵢⴻⵙⴷⵓⵇⵇⴻⵙ-ⴷ ⴰⵎⵄⴰⵡⴻⵏ ⴷ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷⴻⴳ ⵜⴻⵎⵏⴰⴹⵜ ⴰⵎ ⵡⴰⴽⴽⴻⵏ ⴰⵢ ⵢⴻⵔⵥⴻⵎ ⵜⵉⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵍⵉ.
ⴷⴻⴼⴼⵉⵔ ⵜⴻⴷⵡⵉⵍⵜ ⴰⵢ ⵙⵙⴻⵍⵡⵉⵏ ⵓⵙⴻⵍⵡⴰⵢ ⴰⵎⴰⵍⵉ ⵏ ⵜⴻⴷⴱⴻⵍⵜ ⵏ ⵡⴰⴽⴰⵍⴻⵏ ⴷ ⵎⴰⵙⵙ ⴱⴻⴷⵧⵓⵉ, ⵢⴻⵏⵏⴰ-ⴷ ⵓⵏⴻⴳⴳⴰⵔⵓ-ⴰ ⴷⴰⴽⴽⴻⵏ ⵜⴰⴷⵡⵉⵍⵜ-ⴰ « ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵇⴻⵢⵢⴻⵎ ⴰⵎⴰⵜⵓ ⵏ ⵡⴰⵙⵙⴰⵖⴻⵏ ⵏ ⵡⴻⵎⵄⴰⵡⴻⵏ ⵉⵙⵉⵏⴷⵉⵙⴰⵏⴻⵏ ⴷ ⵡⴻⵔⵥⴰⵎ ⵏ ⵜⴻⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⵉ ⵡⴻⵙⴱⵓⵖⴻⵔ (ⵉⵜⵔⴰ’) ⵏ ⵡⴰⵙⵙⴰⵖⴻⵏ-ⴰ. » ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷⴰⵖ ⴷ ⵜⴰⴳⵏⵉⵜ ⵉ ⵓⵙⵙⴻⵊⵀⴻⴷ ⵏ « ⵡⴰⵙⵙⴰⵖⴻⵏ ⵏ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⵜⴰⵏⵙⴰⵢⴰⵏⵜ ⴳⴰⵔⵙ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵓⵙⵙⴻⴱⴷⴻⴷ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵡⴻⵎⵄⴰⵡⴻⵏ ⴷ ⵜⴻⵎⵙⴻⵜⵍⴻⵍⵜ ⴷⴻⴳ ⵜⴻⵎⵏⴰⴹⵜ, ⵢⴻⵔⵏⵓ ⴷ ⴰⵢⴰ ⴰⴷ ⴷ-ⵢⵉⵍⵉⵏ ⴷ ⴰⴱⴻⴷⴷⵓ ⵉ ⵓⵎⴻⵛⵡⴰⵕ ⴰⵎⴰⵢⵏⵓ ⵏ ⵓⵙⵙⴰⵍⵇⴻⵢ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ».
ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷ ⵜⴰⵍⴻⵎⵎⵉⵥⵜ (ⴼⵓⵔⵚⴰ) ⵉ ⵓⵙⵙⴻⵊⵀⴻⴷ ⵏ ⵍⴻⴱⵖⵉ ⵓⵛⵔⵉⴽ ⵉ ⵓⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵏ ⵡⴻⵃⵔⴰⵣ ⵏ ⵡⴻⵔⴽⴰⴷ ⴷ ⵡⴻⵙⵏⴻⵔⵏⵉ ⵏ ⵡⴻⵎⵄⴰⵡⴻⵏ ⵙ ⵓⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⴷ ⵡⴰⵣⴰⵍⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵢⴻⵍⵍⴰ-ⴷ ⴷⴰⵖ ⵡⴰⵢⴰ ⵉ ⵓⵙⵙⴰⵍⵇⴻⵢ ⵏ ⵡⴻⵎⵛⵉⵡⴻⵕ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴱⴻⴷⴷⵉⵍⴻⵏ ⵉⵎⴻⵇⵔⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵉⵏ ⵏ ⵜⵍⵉⵙⴰ ⴷⴻⴳ ⵢⵉⵏⵓⵔⴰⵔ ⵏ ⵜⵖⴻⵍⵍⵉⵙⵜ (ⴰⵎⵏ), ⵜⵉⵎⴻⵜⵜⵉ, ⵜⴰⴷⴰⵎⵙⴰ ⴷ ⵢⴻⴷⵍⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴷⴻⴳ ⵜⴳⴰⵔⴰ, ⵢⴻⵏⵛⴻⴷ-ⴷ ⵎⴰⵙⵙ ⴱⴻⴷⵧⵓⵉ ⴰⵏⴻⵖⵍⴰⴼ ⴰⵎⴰⵍⵉ ⴰⴽⴽⴻⵏ ⴰⴷ ⴷ-ⵢⴻⵔⵣⵓ ⵖⴻⴼ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⵏⵓⵔⴰⵔ ⵏⵉⴹⴻⵏ ⵏ ⵜⵉⵛⵛⵓⵔⴽⴰ.
