ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⵔⵉⵛⵜ ⴷ ⴰⵙⴻⵏⴼⴰⵔ ⵏ ⵓⵙⵙⴻⴼⵜⵉ ⵙ ⵡⴰⵣⴰⵍ-ⵏⵏⴻⵙ ⵉ ⵜⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ

ⵙⵓⵇ ⴰⵀⵕⴰⵙ – ⴰⵙⵏⵓⵎⵎⴻⴷ ⵏ ⵢⵉⴳⴻⵔⴷⴰⵏ ⴷⴻⴳ ⵜⴻⴽⵔⵉⵛⵜ ⴷ ⴰⵙⵙⴻⴼⵜⵉ ⴰⵙⵓⴷⴷⵙⴰⵏ (ⵉⵙⵜⵔⴰⵜⵉⴵⵉ) ⵉ ⵜⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ ⵉ ⵍⵎⴻⵏⴷ ⵏ ⵡⴻⵙⵏⴻⴼⵍⵉ ⵏ ⵜⵓⴳⵏⴰ (ⵛⴰⵅⵚⵉⵢⵢⴰ) ⵏ ⵡⴻⴳⵔⵓⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵙⵓⵇ ⴰⵀⵕⴰⵙ, ⵢⵉⵎⴻⵙⵏⴰⴼⵙⵉⵢⴻⵏ ⴷ ⵢⵉⵎⴰⵙⴰⵢⴻⵏ ⵏ ⵜⴻⴽⵔⵉⵛⵉⵏ.

ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⴽⵔⵉⵛⵉⵏ ⵏ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ, ⵎⴰⵙⵙ ⵏⴰⵙⵙⴻⵔ ⴷⴰⵀⴷⵧⵓⵀ, ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⵏ « ⵎⵉⵍⵧⵓⴷ-ⵜⴰⵀⴻⵔⵉ », ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵡⴻⴳⵔⵓⴷ, ⴷⴰⴽⴽⴻⵏ « ⵜⵉⴽⵔⵉⵛⵉⵏ ⵙⵙⵉⴼⵙⵓⵙⴻⵏⵜ ⴰⵏⵏⵓⵎⵎⴻⴷ (ⵉⵏⴷⵉⵎⴰⴵ) ⵏ ⵡⴻⴳⵔⵓⴷ ⴷⴻⴳ ⵓⵖⴻⵔⴱⴰⵣ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵉⵔⵎⵓⴷⴻⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵜⵜⴳⴻⵏ ⴷⴻⴳ ⵜⴻⴽⵔⵉⵛⵜ ⵉⵙⵡⵉ-ⵏⵙⴻⵏ ⴷ ⴰⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵡⴻⴳⵔⵓⴷ ⵙ ⵓⵇⴰⴷⴻⵔ ⵏ ⵜⵎⴻⵥⵍⴰ-ⵏⵏⴻⵙ.

ⵉⴳⴻⵔ-ⴷ ⵜⴰⵎⴰⵡⵜ, ⴷⴻⴳ ⵡⴻⵎⵢⴰⴳⴻⵔ-ⴰ ⴷⴰⴽⴽⴻⵏ ⵜⵉⴽⵔⵉⵛⵉⵏ ⵙⵙⵉⴼⵙⵓⵙⴻⵏⵜ ⵖⴻⴼ ⵡⴻⴳⵔⵓⴷ ⴰⵍⵎⴰⵏ ⵏ ⵜⵓⵜⵍⴰⵢⵜ.

ⵎⴰ ⴷ ⵜⴰⵙⵏⴰⴼⵙⵉⵜ ⵜⴰⵎⴷⴰⵡⵉⵜ ⵣⴰⴽⵉⴰ ⴰⵉⴷ, ⵜⴳⴻⵔ-ⴷ ⵜⵉⵖⵔⵉ ⵉ « ⵜⵓⴽⵛⵉ ⵏ ⵡⴰⵣⴰⵍ ⵉ ⵢⵉⴷⵉⵙ ⴰⵙⵏⴰⴼⵙⵉ ⵏ ⵡⴻⴳⵔⵓⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⴷⴰⴽⴽⴻⵏ ⴰⵏⵏⴻⵔⵏⵉ ⵏ ⵡⴻⴳⵔⵓⴷ ⵢⴻⵜⵜⴻⴽⴽ ⵖⴻⴼ ⵡⴰⵛⵃⴰⵍ ⵏ ⵢⵉⵙⵓⵔⵉⴼⴻⵏ, ⵢⴻⵔⵏⵓ ⴰⵏⵏⴻⵔⵏⵉ ⴰⵙⵏⴰⴼⵙⵉ ⴰⵢ ⴷ-ⵢⴻⵜⵜⵉⵍⵉⵏ ⵙⴻⴳ ⵜⵍⴰⵜⵉⵜ ⴰⵔⵎⴰ ⴷ ⴰⵙⵎⵉ ⴰⴷ ⵢⴰⵡⴻⴹ ⵡⴻⴳⵔⵓⴷ ⵖⴻⵔ 12 ⵏ ⵡⴰⵢⵢⵓⵔⴻⵏ ⴷ ⵡⵉⵏ ⴰⵢⴷⴻⴳ ⴰⴳⵔⵓⴷ ⵉⴽⴻⵙⵙⴻⴱ-ⴷ ⵍⴰⵎⴰⵏ ⴷⴻⴳ ⵢⵉⵎⴰⵏ-ⵏⵏⴻⵙ. ⴰⵎⴻⵛⵡⴰⵕ ⴳⴰⵔ 1 ⴷ 3 ⵏ ⵢⵉⵙⴻⴳⴳⴰⵙⴻⵏ ⴷ ⵡⵉⵏ ⴰⵢⴷⴻⴳ ⴰⴳⵔⵓⴷ ⵢⴻⵜⵜⴰⴷⴷⴰⵎ ⴰⵣⵡⵓⵔ (ⵎⵓⴱⴰⴷⴰⵔⴰ).

ⵙ ⵡⴰⵢⴰ, ⵜⴻⵏⵏⴰ-ⴷ ⵜⵎⴰⵣⵣⴰⴳⵜ-ⴰ (ⵎⵓⵅⵜⴰⵚⵚⴰ) ⴷⴰⴽⴽⴻⵏ ⵜⴰⴽⵔⵉⵛⵜ ⵜⴻⵣⵎⴻⵔ ⴰⴷ ⵜⵓⵔⴰⵔ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵏⵏⴻⵔⵏⵉ ⴷ ⵡⴻⵙⵏⵓⵎⵎⴻⴷ ⵏ ⵡⴻⴳⵔⵓⴷ ⴷⴻⴳ ⵜⵎⴻⵜⵜⵉ, ⵍⴰⴷⵖⴰ ⵉⵎⵉ ⵜⵉⵍⵍⵉⵏ ⵏ ⵡⴻⴳⵔⵓⴷ ⴷⴻⴳ ⵜⴻⴽⵔⵉⵛⵜ ⴷ ⴰⵢⴻⵏ ⴰⴷ ⵜ-ⵢⴻⴵⴵⴻⵏ ⴰⴷ ⴷ-ⵢⴻⴽⵙⴻⴱ ⴽⵔⴰ ⵏ ⵜⵣⴻⵎⵎⴰⵔ ⵏ ⵡⴻⵍⵎⴰⴷ ⵎⵉ ⴰⴷ ⵢⴻⵜⵜⵓⵔⴰⵔ.

ⴷ ⵜⴰⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ ⴰⵢ ⵢⴻⵙⵙⵓⴷⴷⵙⴻⵏ ⴰⵎⵢⴰⴳⴻⵔ-ⴰ ⵙ ⵡⴻⵎⵄⴰⵡⴻⵏ ⴷ ⵢⵉⵎⴰⵡⵍⴰⵏ ⵏ 6 ⵏ ⵜⴻⴽⵔⵉⵛⵉⵏ.