Asebter amenzawi

Takrict d asenfar n ussefti s wazal-nnes i twaculin tidzayriyin

SUQ AHṚAS – Asnummed n yigerdan deg tekrict d assefti asuddsan (istratiǧi) i twaculin tidzayriyin i lmend n wesnefli n tugna (caxṣiyya) n wegrud, ɣef wakken ay d-nnan ass n lexmis deg Suq Ahṛas, yimesnafsiyen d yimasayen n tekricin.

Agensas (mumattil) n tekricin n twilayt n Suq Ahṛas, Mass Nasser Dahdouh, yenna-d, deg yiwet n temlilit ay d-yellan deg tzeqqa n yisaragen n « Miloud-Taheri », i lmend n wass anmaḍal n wegrud, dakken « tikricin ssifsusent annummed (indimaǧ) n wegrud deg uɣerbaz », am wakken ay d-iwekked dakken irmuden yemgerraden ay ttgen deg tekrict iswi-nsen d asnefli n tzemmar n wegrud s uqader n tmeẓla-nnes.

Iger-d tamawt, deg wemyager-a dakken tikricin ssifsusent ɣef wegrud alman n tutlayt.

Ma d tasnafsit tamdawit Zakia Aid, tger-d tiɣri i « tukci n wazal i yidis asnafsi n wegrud », am wakken ay d-tessefhem dakken annerni n wegrud yettekk ɣef wacḥal n yisurifen, yernu annerni asnafsi ay d-yettilin seg tlatit arma d asmi ad yaweḍ wegrud ɣer 12 n wayyuren d win aydeg agrud ikesseb-d laman deg yiman-nnes. Amecwaṛ gar 1 d 3 n yiseggasen d win aydeg agrud yettaddam azwur (mubadara).

S waya, tenna-d tmazzagt-a (muxtaṣṣa) dakken takrict tezmer ad turar dduṛ s wazal-nnes deg unnerni d wesnummed n wegrud deg tmetti, ladɣa imi tillin n wegrud deg tekrict d ayen ad t-yeǧǧen ad d-yekseb kra n tzemmar n welmad mi ad yetturar.

D tamehla (mudiriyya) n tigawt tanmettit ay yessuddsen amyager-a s wemɛawen d yimawlan n 6 n tekricin.