ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ: ⵡⴻⴽⴽⴷⴻⵏ-ⴷ ⵢⴻⵙⴷⴰⵡⴰⵏⴻⵏ ⵖⴻⴼ ⴹⴹⴻⵄⴼⴰⵏ ⵏ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ
ⵒⴰⵔⵉⵙ – ⵙⵃⴰⵙⵙⴼⴻⵏ, ⴰⵙⵙ ⵏ ⵍⴻⵅⵎⵉⵙ ⵢⴻⵙⴷⴰⵡⴰⵏⴻⵏ ⴷ ⵢⴻⵎⵜⵜⴻⴽⴽⵉⵢⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⴷⴰⵡⵉⵜ ⵏ ⵒⴰⵔⵉⵙ ⴷⴻⵙⵛⴰⵔⵜⴻⵙ-ⵙⵧⵔⴱⵧⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ « ⴹⴹⴻⵄⴼⴰⵏ » ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⵜⵉⴳⵔⴰⵖⵍⴰⵏⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵖⴻⴼ ⵡⴻⵣⵔⴻⴼ ⵏ ⵢⵉⵙⴻⵃⵔⴰⵡⵉⵢⴻⵏ ⵉ ⵓⴳⴳⵓⵛⵛⴻⵍⵎⴰⵏ, ⵍⴰⴷⵖⴰ ⴰⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.
« ⴰⵣⵔⴻⴼ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ) ⵓⵔ ⵢⴻⵍⵍⵉ ⴷⴻⴳ ⵡⴰⵀⵉⵍ ⵏ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵣⵣⴰⵢⵜ ⵏ ⵍⵇⴰⵏⵓⵏ ⴷⴻⵍⵒⵀⵉⵏⴻ ⵍⵧⵓⵔⵜⴰⵓ ⵏ ⵜⴻⵙⴷⴰⵡⵉⵜ ⵏ ⵛⵧⵔⵏⴻⵍⵍ (ⵏⴻⵡ ⵢⵧⵔⴽ), « ⵓⵍⴰ ⵎⴰ ⵡⴰ ⵙⴻⴳ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵢⴻⵔⵏⵓ ⵢⴻⴳⴳⵓⵏⵉ-ⵜ ⵓⵙⵙⴻⴼⵄⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴻⴳ ⵓⵙⴰⵔⴰⴳ-ⵏⵏⴻⵙ ⵓⵎⵉ ⵜⵙⴻⵎⵎⴰ « ⴰⵙⵙⵓⵜⴻⵔ ⵏ ⵢⵉⵣⴻⵔⴼⴰⵏ ⵉⴷⴰⵎⵙⴰⵏⴻⵏ, ⵉⵏⵎⴻⵜⵜⵉⵢⴻⵏ ⴷ ⵢⵉⴷⴻⵍⵙⴰⵏⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ».
« ⵢⴻⵙⵙⴽⴰⵏⴰⵢ-ⴷ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⵜⵉⵍⵉⵙⴰ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⴷ ⴹⴹⴻⵄⴼⴰⵏ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⵚⵚⴰ ⵖⴻⴼ ⵓⴽⴻⵎⵎⴻⵍ ⵏ ⵢⵉⵎⴻⵏⵖⵉ ⵉ ⵓⵙⵙⴻⴹⵀⴻⵔ ⵏ « ⵜⴰⴼⴰⵜ » ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⴷⴻⴳ ⵜⴻⴷⵡⵉⵍⵜ ⵜⵓⵙⵙⵏⴰⵏⵜ ⵓⵎⵉ ⵙⴻⵎⵎⴰⵏ « ⴷ ⵜⴰⵎⵙⴰⵍⵜ ⵏ ⵢⵉⵣⴻⵔⴼⴰⵏ ⵓⵇⴱⴻⵍ ⵎⴰ ⵜⴻⵍⵍⴰ ⴷ ⴰⵢⴻⵏ ⵏⵉⴹⴻⵏ », ⵢⴻⵍⵍⴰ-ⴷ ⴰⵟⴰⵙ ⵏ ⵡⴰⵡⴰⵍ ⵖⴻⴼ ⵓⵙⵙⵉⵡⴻⴹ ⵓⵔ ⵢⴻⵙⵙⴰⵡⴻⴹ ⵓⵏⴰⴳⵔⴰⵡ (ⵏⵉⴹⴰⵎ) ⴰⴳⵔⴰⵖⵍⴰⵏ ⴷ ⵜⵙⵓⴷⴰ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵙⴱⴰⵏⴻⵏ ⵉⵅⴻⵚⵚⴰⵔⴻⵏ ⵢⴻⴳⴳⵜⴻⵏ ⴰⵢⵢⴻⵙ ⴷ-ⵜⴻⴳⵍⴰ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵖⴻⴼ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵡⴻⵏⵔⴰⵔ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ ⴰⵢ ⴷ-ⵜⴻⵏⵏⴰ ⵊⵧⴰⵏⵏⴰ ⴰⵍⵍⴰⵏ (ⵜⴰⵙⴷⴰⵡⵉⵜ ⵏ ⵍⴻⴻⴷⵙ, ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ) ⴷⴰⴽⴽⴻⵏ ⵢⴻⵍⵍⴰ-ⴷ ⵡⴻⵜⵄⴻⴷⴷⵉ ⵖⴻⴼ ⵍⵃⴻⵕⵎⴰ ⵏ ⵜⵙⴻⴷⵏⴰⵏ ⵜⵉⵚⴻⵃⵔⴰⵡⵉⵢⵉⵏ ⵢⴻⵔⵏⵓ ⵍⵍⴰⵏⵜ ⵛⵛⵀⴰⴷⴰⵜ ⴷ ⵢⵉⵔⵓⵒⵓⵔⵟⴰⵊⴻⵏ ⴰⵢ ⴷ-ⵢⴻⵜⵜⴰⴽⴼⴻⵏ ⵜⵜⴱⵓⵜ ⵖⴻⴼ ⵡⴰⵢⴰ.
ⴳⵔⴻⵏ-ⴷ ⵜⴰⵎⴰⵡⵜ, ⵢⴻⵎⵜⵜⴻⴽⴽⵉⵢⴻⵏ ⵏⵉⴹⴻⵏ, ⵖⴻⴼ ⵜⵖⴻⵍⵏⴰⵥⵔⵉ (ⵡⴰⵟⴰⵏⵉⵢⵢⴰ) ⵉⵊⴻⵀⴷⴻⵏ ⴰⵢ ⵢⴻⵍⵍⴰⵏ ⵖⴻⵔ ⵜⵙⴻⴷⵏⴰⵏ ⵜⵉⵚⴻⵃⵔⴰⵡⵉⵢⵉⵏ ⴰⵢ ⵢⴻⵜⵜⴻⴽⴽⴰⵢⴻⵏ ⵙ ⵜⵉⴷⴻⵜ ⴷⴻⴳ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ-ⵜⴰⵙⴻⵔⵜⴰⵏⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⵓ ⴷ ⵏⵉⵜⴻⵏⵜⵉ ⴰⵢ ⴷ ⵜⵉⵎⴻⵣⵡⵓⵔⴰ ⴰⵢ ⵢⴻⵜⵜⴳⴻⵏ ⵜⵉⵎⴻⵙⴽⴰⵏⵉⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ.
