ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵏⴰⵜ ⵏ ⵍⴻⴷⵡⴰⵕ ⴰⴽⴽⴻⵏ ⴰⴷ ⵜⴱⴻⴷⴷⴻⵍ ⵜⴻⴳⵏⵉⵜ ⴷⴻⴳ ⵡⴻⵙⴱⵉⵟⴰⵔ ⵏ « ⵛⵀⴻ ⴳⵓⴻⵠⴰⵔⴰ » ⵏ ⵎⴻⵙⵜⵖⴰⵏⴻⵎ
ⵎⴻⵙⵜⵖⴰⵏⴻⵎ – ⵢⴻⴼⴽⴰ ⵓⵏⴻⵖⵍⴰⴼ ⵏ ⵜⴷⴰⵡⵙⴰ, ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⴻⵙⵜⵖⴰⵏⴻⵎ, ⵜⴰⵍⵍⵉⵜ ⵏ ⵙⵏⴰⵜ ⵏ ⵍⴻⴷⵡⴰⵕ ⵉ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵡⴻⵙⴱⵉⵟⴰⵔ ⵏ « ⵛⵀⴻ ⴳⵓⴻⵠⴰⵔⴰ » ⴰⴽⴽⴻⵏ ⴰⴷ ⵉⴱⴻⴷⴷⴻⵍ ⵜⴰⴳⵏⵉⵜ ⵏ ⴷⵉⵔⵉ ⴰⵢⴷⴻⴳ ⵢⴻⵍⵍⴰ ⵡⴻⵙⴱⵉⵟⴰⵔ-ⴰ.
ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵜⴷⴰⵡⵙⴰ ⵏ ⵜⵡⵉⵍⴰⵢⵜ-ⴰ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⵉⴷⴷⵓⴽⵍⵉⵡⵉⵏ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⴷⵉⴰⴼ ⴷⴰⴽⴽⴻⵏ ⴰⴷ ⵜⴻⵜⵜⵡⴰⵣⴻⵏ ⵜⴻⵙⵎⵉⵍⵜ ⵏ ⵓⵙⵙⴻⴼⵇⴻⴷ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⵔ ⵡⴻⵙⴱⵉⵟⴰⵔ ⵏ « ⵛⵀⴻ ⴳⵓⴻⵠⴰⵔⴰ » ⴷⴻⴳ ⵎⴻⵙⵜⵖⴰⵏⴻⵎ ⴰⴽⴽⴻⵏ ⴰⴷ ⵜⴻⵙⵙⴻⴼⵇⴻⴷ ⵎⴰ ⵜⵜⵡⴰⴽⴽⵙⴻⵏ ⵡⵓⴳⵓⵔⴻⵏ ⵢⴻⵍⵍⴰⵏ ⴷⴻⴳ ⵡⴻⵙⴱⵉⵟⴰⵔ-ⴰ.
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵇⴻⴷⴷⴻⵎ ⵓⵕⴰⴱⵓⵍ ⴷⴻⴳ ⵜⴻⵣⵡⴰⵔⴰ ⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵓⵏⴻⵎⵀⴰⵍ ⵏ ⵡⴻⵙⴱⵉⵟⴰⵔ-ⴰ, ⴷ ⵡⵉⵏ ⴰⵢⴷⴻⴳ ⵍⵍⴰⵏⵜ 24 ⵏ ⵜⴻⵏⵇⵉⴹⵉⵏ ⵓⵔ ⵢⴻⵜⵜⵡⴰⵇⴻⴱⵍⴻⵏ ⵓⵎⵉ ⴳⵔⴻⵏ ⵜⴰⵎⴰⵡⵜ ⵢⵉⵎⴰⵙⵡⴰⴹⴻⵏ ⴷⴻⴳ ⵜⴻⵔⵣⵉ-ⵏⵙⴻⵏ ⵡⴰⵔ ⴰⵄⴻⵢⵢⴻⵏ ⵏ ⵡⴰⵙⵙ ⵏ ⵍⴰⵕⴻⴱⵄⴰ.
ⵉⵃⴻⵜⵜⴻⵜ-ⴷ ⵎⴰⵙⵙ ⴱⵧⵓⴷⵉⴰⴼ ⵖⴻⴼ ⵓⵙⵙⴻⴼⵄⴻⵍ ⵏ ⵢⴻⵖⵜⴰⵙⴻⵏ (ⵇⴰⵔⴰⵔⴰⵜ) ⵏ ⵡⴻⵖⵍⵉⴼ, ⵍⴰⴷⵖⴰ ⵜⵉⴷ ⵢⴻⵔⵣⴰⵏ ⵜⵓⴼⴼⵖⴰ ⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⵙⴻⴳ ⵡⴻⵙⴱⵉⵟⴰⵔ-ⴰ ⵖⴻⵔ ⵢⴻⵙⴱⵉⵟⴰⵔⴻⵏ ⵏⵉⴹⴻⵏ ⴰⵏⴷⴰ ⵓⵔ ⵍⵍⵉⵏⵜ ⵜⵎⴻⵣⵣⵓⴳⵉⵏ-ⵏⵙⴻⵏ ⵉ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ ⴰⴽⴽⴻⵏ ⵉⵏⴻⴳⴳⵓⵔⴰ-ⴰ ⵓⵔ ⴷ-ⵜⵜⵄⴻⵜⵜⵉⴱⴻⵏ ⵖⴻⵔ ⵡⴻⵙⴱⵉⵟⴰⵔ-ⴰ ⵢⴻⵔⵏⵓ ⴰⴽⴽⴻⵏ ⴰⴷ ⵢⴻⵏⵇⴻⵙ ⵍⵃⴻⵕⵙ ⵖⴻⴼ ⵡⴻⵙⴱⵉⵟⴰⵔ-ⴰ.
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⵜⴰⴼⴰⵜⵓⵕⵜ ⵏ ⵢⵉⵙⴰⴼⴰⵔⴻⵏ ⵏ ⵓⴷⴰⵡⵉ ⵏ ⵓⴽⴻⵏⵙⵉⵔ ⵜⴻⵔⵏⴰ ⵙ 64% ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵍⴰ ⵢⴻⵙⵙⴻⵃⴱⵉⴱⵉⵔ ⵖⴻⴼ ⵍⴻⵎⵄⴰⵡⵏⴰ ⴷⴻⴳ ⵓⵅⴻⵍⵍⴻⵚ ⵏ ⵜⴼⴰⵜⵓⵕⵜ-ⴰ ⵉⵎⵉ ⵉⵙⴰⴼⴰⵔⴻⵏ-ⴰ ⵜⵜⵓⵏⴻⴼⴽⴰⵢⴻⵏ ⴱⴰⵟⴻⵍ ⵉ ⵢⵉⵎⵓⴹⵉⵏⴻⵏ ⵓⵍⴰ ⵎⴰ ⵖⵍⴰⵢⵉⵜ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ.
