Asebter amenzawi

Bensalah yesserḥem ɣef tkatut n uselway aṣeḥrawi Mohamed Abdelaziz

CHAHID EL HAFED (igriren n yezrazaɣen iṣeḥrawiyen)- Aselway n useqqamu n weɣlan, Abdelkader Bensalah, yesserḥem ass n Lǧemɛa deg Chahid El Hafid (igriren n yezrazaɣen iṣeḥrawiyen), ɣef tkatut n uselway n tegduda taṣeḥrawit, Amaray amatu n tirni n Polisario, Mohamed Abdelaziz, i yewwḍen leɛfu n rebbi ass n Tlata yezrin s deffir ussan ɣezzifen n waṭṭan.

Mass Bensalah, llan ɣer yidis-is, Aneɣlaf Amenzu Abdelmalek Sellal, Aneɣlaf n uwanak, aneɣlaf n tɣawsin n beṛṛa d umedhel agraɣlan, Ramtane Lamamra, Anmazul n uneɣlaf n temḥaddit taɣelnawt, aɣella n yifesyanen n Tredsa taɣelnawt taɣerfant, Ajiniral n tfekka n tredsa, Ahmed Gaïd Salah, Aneɣlaf n tɣawsiwin timaɣribiyin, n tdukli tafriqit akked temɣunt n tmura tiɛrabin, Abdelkader Messahel, akked uneɣlaf n yimǧuhad Tayeb Zitouni.

Mass Bensalah yeɣṛa taṣurett n Lfattiḥa ɣef yiman n umerḥem, sakin yessenya azmam n uɛezzi.