Asebter amenzawi

Yemdiwenni Bensalah akked uselway aṣeḥrawi "s yimedzi" Khatri Addouh

CHAHID EL HAFED (igriren n yezrazaɣen iṣeḥrawiyen)- Aselway n useqqamu n weɣlan, Abdelkader Bensalah, yemdiwenni ass n Lǧemɛa deg Chahid El Hafid (igriren n yezrazaɣen iṣeḥrawiyen), akked uselway aṣeḥrawi s imedzi (intérim) Khatri Addouh.

Mass Bensalah yessaweḍ “di tegnit-a” yiwen n yizen yuran sɣur uselway n tagduda Abdelaziz Bouteflika, i Mass Khatri Addouh.

Tiɣimit-a tella-d s tihawt n Uneɣlaf Amenzu, Abdelmalek Sellal, Aneɣlaf n uwanak, aneɣlaf n tɣawsin n beṛṛa d umedhel agraɣlan, Ramtane Lamamra, Anmazul n uneɣlaf n temḥaddit taɣelnawt, aɣella n yifesyanen n Tredsa taɣelnawt taɣerfant, Ajiniral n tfekka n tredsa, Ahmed Gaïd Salah, Aneɣlaf n tɣawsiwin timaɣribiyin, n tdukli tafriqit akked temɣunt n tmura tiɛrabin, Abdelkader Messahel, akked uneɣlaf n yimǧuhad Tayeb Zitouni.

Aselway n useqqamu n weɣlan, Abdelkader Bensalah, yella yesserḥem yakan ɣef tkatut n umerḥum, Aselway aṣeḥrawi, Amaray amatu n tirni n Polisario, Mohamed Abdelaziz, i yewwḍen leɛfu n rebbi ass n Tlata yezrin s deffir ussan ɣezzifen n waṭṭan.