ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵔⴰ ⵜⴰⵊⵎⵉⵍⵜ ⵜⴰⵏⴻⴳⴳⴰⵔⵓⵜ ⵉ ⵓⵙⴻⵍⵡⴰⵢ-ⵉⵏⴻⵙ ⴰⵎⴻⵔⵃⵓⵎ
ⵛⵀⴰⵀⵉⴷ ⴻⵍ ⵀⴰⴼⴻⴷ (ⵉⴳⵔⵉⵔⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ)- ⵢⴻⵔⵔⴰ ⵡⴻⵖⵔⴻⴼ ⴰⵚⴻⵃⵔⴰⵡⵉ , ⴰⵙⵙ ⵏ ⵍⴵⴻⵎⵄⴰ ⴷⴻⴳ ⵛⵀⴰⵀⵉⴷ ⴻⵍ ⵀⴰⴼⵉⴷ (ⵉⴳⵔⵉⵔⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ), ⵜⴰⵊⵎⵉⵍⵜ-ⵉⵙ ⵜⴰⵏⴻⴳⴳⴰⵔⵓⵜ ⵉ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⵢⴻⵡⵡⴹⴻⵏ ⵍⴻⵄⴼⵓ ⵏ ⵔⴻⴱⴱⵉ ⴰⵙⵙ ⵏ ⵜⵍⴰⵜⴰ ⵢⴻⵣⵔⵉⵏ ⵙ ⴷⴻⴼⴼⵉⵔ ⵓⵙⵙⴰⵏ ⵖⴻⵣⵣⵉⴼⴻⵏ ⵏ ⵡⴰⵟⵟⴰⵏ.
ⵜⴰⴼⴻⴽⴽⴰ ⵏ ⵓⵎⴻⵔⵃⵓⵎ, ⵎⵎⵓⴳⴻⵔⴻⵏ-ⵜⵜ-ⵉⴷ ⵢⵉⴳⵉⵎⴰⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵉ ⵢⴻⵏⵏⴻⵊⵎⴰⵄⴻⵏ ⴼ ⵢⵉⵡⴻⵜ ⵏ ⵜⴻⵖⵕⵉ “ ⵓⵔ ⵢⴻⵍⵍⵉ ⵓⵎⵍⴻⵍⵍⴰⵢ ⵖⴻⴼ ⵜⴳⵓⵛⵛⴻⵍⵎⴰⵏⵜ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ” ⴰⴽⴽⴻⴷ “ ⵇⵇⴻⵏ ⴰⵍⵍⴻⵏ-ⵉⴽ ⴷⴻⴳ ⵜⴰⵍⵡⵉⵜ, ⴰⵇⵍ-ⴰⵖ ⴷⴰ ⴰⴷ ⵏⴽⴻⵎⵎⴻⵍ ⵉⵎⴻⵏⵖⵉ”.
ⵉⵚⴻⵃⵔⴰⵡⵉⵢⴻⵏ ⵓⵔⴰⴳⴻⵏ ⵙ ⵢⵉⵎⴹⴰⵏⴻⵏ ⵉⵎⴻⵇⵔⴰⵏⴻⵏ ⵖⴻⵔ ⵡⴰⴷⴻⴳ ⵏ ⵜⵙⴻⵍⵡⵉⵜ ⵏ ⵜⴰⴳⴷⵓⴷⴰ ⵜⴰⵚⴻⵃⵔⴰⵡⵉⵜ, ⴰⵏⴷⴰ ⵜⴻⵔⵙ ⵜⴼⴻⴽⴽⴰ ⵏ ⵓⵎⴻⵔⵃⵓⵎ, ⵉ ⵡⴰⴽⴽⴻⵏ ⴰⵙ-ⵔⵔⴻⵏ ⵜⴰⵊⵎⵉⵍⵜ ⵜⴰⵏⴻⴳⴳⴰⵔⵓⵜ, ⴰⵎ ⵏⵉⵜⵏⵉ ⴰⵎ ⵛⵛⴰⵅⵚⵉⵢⵢⴰⵜ ⵜⵉⴱⴻⵕⵕⴰⵏⵉⵢⵉⵏ.
ⴰⵙⴻⵍⵡⴰⵢ ⴰⵚⴻⵃⵔⴰⵡⵉ, ⴰⵎⴰⵔⴰⵢ ⴰⵎⴰⵜⵓ ⵏ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ, ⵢⴻⴵⴵⴰ-ⴷ ⵍⴻⵡⵚⴰⵢⴰ ⵉ ⵡⴻⵖⵔⴻⴼ-ⵉⵏⴻⵙ ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵉⵎⴻⵏⵖⵉ ⵉⵍⵎⴻⵏⴷ ⵏ ⵓⵣⴰⵔⵓⴳ ⵏ ⵜⵎⵓⵔⵜ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴷ-ⵡⴻⴽⴽⴷⴻⵏ ⵉⵎⴰⵙⴰⵢⴻⵏ ⵉⵚⴻⵃⵔⴰⵡⵉⵢⴻⵏ.
