ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⴼⴼⵖⴰ ⵏ ⵜⴻⴷⴼⴰⵄⵜ ⵜⵉⵙ 45 ⵏ ⵓⵖⴻⵔⴱⴰⵣ ⵏ ⵜⴻⴷⴱⴻⵍⵜ ⵜⴻⵍⵍⴰ-ⴷ ⴷⴻⴳ ⵜⴰⵍⵍⵉⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵍⴻⴱⵏⵉ ⵏ ⵜⵎⵓⵔⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⵓⴼⴼⵖⴰ ⵏ ⵜⴻⴷⴼⴰⵄⵜ ⵜⵉⵙ 45 ⵏ ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵜⴻⴷⴱⴻⵍⵜ ⵜⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵎⴻⵛⵡⴰⵕ ⵏ ⵍⴻⴱⵏⵉ ⵏ ⵜⵎⵓⵔⵜ ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵢⴻⵙⵙⵓⵜⵓⵔⴻⵏ ⵙⴻⴳ ⵡⴻⵎⴷⴰⵏ ⴰⴷ ⴷ-ⵢⴻⵙⵙⴽⴻⵏ ⵜⵉⵣⴻⵎⵎⴰⵔ-ⵏⵏⴻⵙ.
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ ⵜⵓⴼⴼⵖⴰ ⵏ ⵜⴻⴷⴼⴰⵄⵜ-ⴰ ⵜⴻⵍⵍⴰ-ⴷ ⴷⴻⴳ ⵜⴰⵍⵍⵉⵜ ⵢⴻⵜⵜⵃⵓⵍⴼⵓⵏ ⵉ ⵓⴱⴻⴷⴷⴻⵍ ⵢⴻⵔⵏⵓ ⴷ ⵜⵉⵏ ⴰⴷ ⵢⵓⵔⴰⵔⴻⵏ ⴷⴷⵓⵕ ⴷⴻⴳ ⵍⴻⴱⵏⵉ ⵏ ⵜⵎⵓⵔⵜ, ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵃⵡⴰⵊⴻⵏ ⴰⵙⵙⴽⴰⵏ ⵏ ⵜⵣⴻⵎⵎⴰⵔ ⵢⴻⴼⴼⵔⴻⵏ ⴷ ⵜⵉⴷ ⴷ-ⵢⴻⵜⵜⵡⴰⵍⴻⵎⴷⴻⵏ ⴷ ⵓⵖⴻⵍⵍⴻⵜ-ⵏⵙⴻⵏⵜ ⵉ ⵓⵇⴰⴱⴻⵍ ⵏ ⵢⴻⵛⵇⵉⵔⵔⵡⴻⵏ ⵏ ⵜⴻⵙⵡⵉⵄⵜ-ⴰ.
ⴰⵡⴻⵀⵀⵉ ⵉⵚⴻⵃⵃⴰⵏ ⵡⵓⵖⵓⵔ ⵉⵡⴻⵀⵀⴰ ⵓⵡⴰⵏⴰⴽ (ⴷⴰⵡⵍⴰ) ⴰⴷⵣⴰⵢⵔⵉ ⵜⴰⵙⴻⵔⵜⵉⵜ-ⵏⵏⴻⵙ ⴷ ⵡⴻⵎⵙⴻⴼⵀⴰⵎ ⴳⴰⵔ ⵡⴰⵔⵔⴰⵡ ⵏ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ, ⵏⵏⵉⴳ ⵍⵊⴻⵀⴷ ⵏ ⵜⵔⴻⴷⵙⴰ (ⴵⴰⵢⵛ) ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴷ ⵜⵜⴰⵡⵉⵍⴰⵜ ⵢⴻⴷⴷⴰⵏ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ ⵏ ⵍⴻⴱⵏⵉ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴼⴼⵉⵔ ⵎⴰ ⵢⴻⵙⵜⴻⵕⵃⴻⴱ ⵙ ⵜⴻⴷⴼⴰⵄⵜ ⴰⵢ ⴷ-ⵢⴻⴼⴼⵖⴻⵏ ⴰⵙⴻⴳⴳⴰⵙ-ⴰ, ⵜⵉⵏ ⴰⵢⴷⴻⴳ ⵍⵍⴰⵏ 101 ⵏ ⵢⵉⵏⴻⵍⵎⴰⴷⴻⵏ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⵎⵓⵙⵙⵏⵉⵡⵉⵏ ⴰⵢ ⴷ-ⴽⴻⵙⴱⴻⵏ ⵢⵉⵏⴻⵍⵎⴰⴷⴻⵏ-ⴰ ⴷⴻⴳ ⵓⵙⵙⵉⵍⴻⵖ-ⵏⵙⴻⵏ (ⵜⴰⴽⵡⵉⵏ) ⴷ ⵜⵉⴷ ⴰⴷ ⵜⴻⵏ-ⵢⴻⴵⴵⴻⵏ, ⵡⴰⵔ ⵛⵛⴻⴽ, ⴰⴷ ⵙⵔⴻⴱⵃⴻⵏ ⴰⵎⴻⵛⵡⴰⵕ-ⵏⵙⴻⵏ ⵏ ⵓⵅⴻⴷⴷⵉⵎ, ⴷ ⴰⵎⴻⵛⵡⴰⵕ ⴰⵢⴷⴻⴳ « ⵢⴻⵙⵙⴻⴼⴽ ⴰⴷ ⴹⴹⴼⴻⵏ ⴷⴻⴳ ⵜⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵢⴻⵔⵏⵓ ⴰⴷ ⵅⴻⴷⵎⴻⵏ ⵉ ⵡⴻⵙⵎⴰⵍ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⵏ ⵜⵖⴰⵔⴰ ⵢⴻⵔⵏⵓ ⵙ ⵜⵎⵓⵙⵙⵏⵉ ⵏ ⵚⵚⴻⵏⵄⴰ ».
ⴰⴽⴽⴻⵏ ⴰⴷ ⵢⴻⵜⵜⵡⴰⵡⴻⴹ ⵢⴻⵙⵡⵉ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷⴰⴽⴽⴻⵏ ⵢⴻⴹⴼⴻⵔ ⵡⴻⵖⵍⵉⴼ ⵢⵉⵡⴻⵜ ⵏ ⵜⵉⴷⴷⵉⵜ ⴰⵢⴷⴻⴳ ⵢⴻⵜⵜⵏⴰⴷⵉ ⴰⴷ ⵉⴼⴰⴽ ⵜⴰⴱⵉⵔⵓⵇⵔⴰⵟⵉⵜ, ⴰⴷ ⵢⴻⵙⵙⴻⵜⵔⴻⵔ ⵜⴰⴷⴱⴻⵍⵜ ⵢⴻⵔⵏⵓ ⴰⴷ ⵢⴻⵙⵙⴻⵍⵀⵓ ⴰⵎⴻⵥⵍⵓ ⴰⵏⴰⴳⴷⵓⴷ ⵉ ⵍⵎⴻⵏⴷ ⵡⴻⵙⴷⵓⵇⵇⴻⵙ ⵏ ⵓⴽⴰⵍⴰ ⵏ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ).
