Asebter amenzawi

Assuffeɣ yeffɣen i lqanun n kra yisental n lbak: ad ɛawden i kra n yikayaden (Sellal)

LEZZAYER TAMANEɣT– Yenna-d uneɣlaf amenzu, Mass Abdelmalek Sellal, dakken ikayaden n lbak umi d-ssuffɣen isental beṛṛa i lqanun yernu ssersen-ten-id deg yiẓeḍwan inmettiyen, ad ɛawden ad ten-sɛeddin yinelmaden.

Yenna-d Mass Sellal aya deg temlilit n 3 n yidisan gar unabaḍ (ḥukuma), Tadukli Tamatut n Yixeddamen Idzayriyen d yiɣfawen n teṛmisin, yernu yerna-d dakken ttfaṣil niḍen yerzan aɛawed-a n yikayaden ad ten-id-tefk ass n letniyen tneɣlaft n ussegmi aɣelnaw, Nouria Benghebrit.

Iwekked-d daɣ Mass Sellal dakken taɣdemt ad d-telhu s taɣert s yemdanen yettekkan deg ussuffeɣ-a.