ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⴱⴷⴰ ⵜⴻⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⴱⴷⴰ ⵜⴻⵎⵍⵉⵍⵉⵜ ⵜⵉⵙ 19 ⵏ 3 ⵏ ⵢⵉⴷⵉⵙⴰⵏ ⴳⴰⵔ ⵓⵏⴰⴱⴰⴹ (ⵃⵓⴽⵓⵎⴰ), ⵜⴰⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ, ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.

ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ, ⴱⴻⴷⴷⴻⵏ ⵢⴻⵎⵜⵜⴻⴽⴽⵉⵢⴻⵏ ⵜⴰⴷⵇⵉⵇⵜ ⵏ ⵜⵙⵓⵙⵎⵉ ⴰⴽⴽⴻⵏ ⴰⴷ ⵔⵔⴻⵏ ⵜⴰⵊⵎⵉⵍⵜ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⴰⵢ ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ ⴷⴻⴼⴼⵉⵔ ⵢⵉⵡⴻⵏ ⵏ ⵡⴰⴹⴹⴰⵏ ⵖⴻⵣⵣⵉⴼⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵍⵉⵍⵉⵢⵉⵏ-ⴰ, 3 ⵏ ⵜⴻⵎⵙⴰⵍ ⵜⵉⵏⵎⴻⵜⵜⵉⵢⵉⵏ-ⵜⵉⴷⴰⵎⵙⴰⵏⵉⵏ ⴰⵢ ⵙⵙⴻⴼⵔⴰⵏ ⴰⴷ ⵙⵙⵉⵡⵍⴻⵏ ⴼⴻⵍⵍ-ⴰⵙⴻⵏⵜ. ⵜⴰⵎⴻⵣⵡⴰⵔⵓⵜ ⴷ ⴰⴱⵔⵉⴷ ⴰⴷ ⵢⴻⵜⵜⵡⴰⴹⴻⴼⵔⴻⵏ ⴷⴻⴳ ⵓⵏⵏⴻⵔⵏⵉ ⴰⴷⴰⵎⵙⴰⵏ ⵏ 2016-2019, ⵜⵉⵙ ⵙⵏⴰⵜ ⴷ ⴰⵇⴻⵢⵢⴻⵎ ⵏ ⵡⴻⵔⴽⴰⵡⴰⵍ ⴰⴷⴰⵎⵙⴰⵏ ⴷ ⵡⴻⵏⵎⴻⵜⵜⵉ ⴷⴻⴳ ⵜⴻⵎⵙⴰⵍ ⵏ ⵓⵙⵙⴻⴼⵜⵉ ⴷ ⵓⵙⵙⴻⵎⵔⴻⵙ (ⵜⴰⵡⴹⵉⴼ), ⵎⴰ ⴷ ⵜⵉⵙ ⴽⵔⴰⴹⵜ ⴷ ⴰⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ).

ⵙ ⵡⴰⵢⴰ, ⴰⴷ ⴷ-ⵢⵉⵍⵉ ⵡⴰⵡⴰⵍ, ⴷⴻⴳ ⵜⴻⵎⵍⵉⵍⵉⵜ-ⴰ, ⵖⴻⴼ ⵜⵎⵓⴷⴻⵎⵜ (ⵏⴰⵎⵓⴷⴰⴵ) ⵜⴰⵎⴰⵢⵏⵓⵜ ⵏ ⵓⵏⵏⴻⵔⵏⵉ ⴰⴷⴰⵎⵙⴰⵏ, ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵙⵇⴻⵔⴷⴻⵛ ⵖⴻⴼ « ⵢⵉⴱⴻⴷⴷⵉⵍⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵉⵍⵉⵏ ⴷⴻⴳ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵏⵣⵓ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵔⵏⵓ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵀⵀⵉⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵇⵇⵏⴻⵏ ⵖⴻⵔ ⵡⴻⵔⴽⴰⵡⴰⵍ ⴰⴷⴰⵎⵙⴰⵏ ⴷ ⵡⴻⵏⵎⴻⵜⵜⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ 2014, ⴰⴷ ⴷ-ⵢⵉⵍⵉ ⵓⵇⴻⵢⵢⴻⵎ ⵏ ⵓⵙⵙⴻⴼⵄⴻⵍ ⵏ ⵡⴻⵔⴽⴰⵡⴰⵍ-ⴰ ⴷⴻⴳ ⵡⴻⵏⵔⴰⵔ.

ⵜⵉⵎⵍⵉⵍⵉⵜ ⵜⵉⵙ 18 ⵏ 3 ⵏ ⵢⵉⴷⵉⵙⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴱⴻⵙⴽⴻⵔⵜ ⴷⴻⴳ ⵜⵓⴱⴻⵕ ⵏ 2015 ⴷ ⵜⵉⵏ ⴰⵢⴷⴻⴳ ⴷ-ⵢⴻⵍⵍⴰ ⵡⴻⵛⴽⴰⵕ ⵏ « ⵢⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⵙⴻⴼⵄⴻⵍ ⵏ ⵡⴻⵔⴽⴰⵡⴰⵍ-ⴰ.