ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵅⵅⴰⵎ ⵏ ⵜⵖⴻⵎⵙⴰ ⵏ ⵜⵉⵣⵉⵣ ⵡⴻⵣⵣⵓ ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ (ⴰⵏⴻⵖⵍⴰⴼ)
ⵜⵉⵣⵉ ⵡⴻⵣⵣⵓ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⴰⵙⵙ ⵏ ⵙⵙⴻⴱⵜ, ⴷⴰⴽⴽⴻⵏ ⴰⵅⵅⴰⵎ ⵏ ⵜⵖⴻⵎⵙⴰ ⵏ ⵎⴰⵍⵉⴽ-ⴰⵉⵜ-ⴰⵧⵓⴷⵉⴰ ⵏ ⵜⵉⵣⵉ ⵡⴻⵣⵣⵓ ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⵙⴻⴳ-ⴰ ⵖⴻⴼ 2 ⵏⴻⵖ 3 ⵏ ⵍⴻⴷⵡⴰⵕ.
ⵢⴻⵏⵏⴰ-ⴷ ⵎⴰⵙⵙ ⴳⵔⵉⵏⴻ, ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⵖⴻⴼ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⴷⴰⴽⴽⴻⵏ ⴰⵍⵓⴳ ⵏ ⵛⵛⵓⵔⵓⴹ ⵏ ⵡⴻⵅⵅⴰⵎ-ⴰ ⵏ ⵜⵖⴻⵎⵙⴰ ⵇⵔⵉⴱ ⴰⴷ ⴷ-ⵢⴻⵡⵊⴻⴷ ⴷⴻⴳ ⵡⴻⵅⵅⴰⵎ ⵏ ⵜⵖⴻⵎⵙⴰ ⵏ ⵜⴰⵀⴰⵔ-ⴷⵊⴰⵧⵓⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵔⵏⵓ ⴰⵅⵅⴰⵎ ⵏ ⵜⵖⴻⵎⵙⴰ ⵏ ⵜⵉⵣⵉ ⵡⴻⵣⵣⵓ ⴰⴷ ⴷ-ⵢⴻⵇⵇⴻⵏ ⵖⴻⵔ ⵡⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵙⴰⵍ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ).
ⴰⵄⴻⴹⴹⴻⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴱⴻⴷⴷⵓ ⵏ ⵓⵅⴻⴷⴷⵉⵎ ⵏ ⵡⴻⵅⵅⴰⵎ ⵏ ⵜⵖⴻⵎⵙⴰ ⵏ ⵎⴰⵍⵉⴽ-ⴰⵉⵜ-ⴰⵧⵓⴷⵉⴰ (ⵢⴻⵜⵜⵡⴰⵔⴻⵥⵎⴻⵏ ⴰⵙⵙ ⵏ 22 ⵜⵓⴱⴻⵕ 2015) ⵙⵙⴻⴱⴱⴰ-ⵏⵏⴻⵙ ⴷ « ⵜⵉⴽⵎⴰⵔⵉⵏ ⵜⵉⴱⵉⵔⵓⵇⵔⴰⵟⵉⵢⵉⵏ » ⵢⴻⵔⵏⵓ ⵜⵜⵡⴰⴽⴽⵙⴻⵏⵜ ⵉⵎⵉⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵖⵍⴰⴼ.
ⴷⴻⴳ ⵜⵔⵉⵔⵉⵜ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵖⴻⴼ ⵜⵍⴻⵍⵍⵉ ⵏ ⵡⴰⵡⴰⵍ ⴷⴻⴳ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵏⴰⴳⵔⴰⵡ ⵏ ⵡⴻⵣⵎⴰⵍ (ⵜⴰⵏⵇⵉⵟ) ⴷ ⵓⵙⴻⵜⵜⴻⴼ ⵏ ⵜⵎⵓⵔⴰ ⵖⴻⴼ ⵍⴻⵃⵙⴰⴱ ⵏ ⵜⵍⴻⵍⵍⵉ ⵏ ⵡⴰⵡⴰⵍ « ⵓⵔ ⵢⴻⴱⵏⵉ ⵖⴻⴼ ⵡⴻⵜⵄⴻⴷⴷⵉ ⴰⵢ ⴷ-ⵢⴻⵜⵜⵉⵍⵉⵏ ⵖⴻⴼ ⵜⵍⴻⵍⵍⵉ ⵏ ⵡⴰⵡⴰⵍ, ⵡⴰⵏⴰⴳ ⵢⴻⴱⵏⴰ, ⵙ ⵓⵎⴰⵜⴰ, ⵖⴻⴼ ⵡⴰⵢⴻⵏ ⴰⵢ ⵍⴰ ⴷ-ⵜⵜⵉⵏⵉⵏ ⵡⵉⴷ ⵢⴻⵍⵍⴰⵏ ⴷⴻⴳ ⵓⴷⴰⴱⵓ (ⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ, ⵉⵔⴳⴰⵣⴻⵏ ⵏ ⵢⵉⵡⴻⵥⵍⴰ, ⴰⵜⴳ.) ».
ⴷ ⴰⵛⵓ ⴽⴰⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵍⴻⵣⵣⴰⵢⴻⵔ ⵜⴳⴰ ⵉⵙⵓⵔⵉⴼⴻⵏ ⴷ ⵉⵎⴻⵇⵔⴰⵏⴻⵏ ⵢⴻⵔⵏⵓ ⴳⴰⵔ ⵢⵉⵙⵓⵔⵉⴼⴻⵏ-ⴰ, ⵜⵓⵖⴰⵍ ⵓⵔ ⵜⵃⴻⴱⴱⴻⵙ ⵉⵏⴻⵖⵎⴰⵙⴻⵏ.
« ⵓⵔ ⵍⵍⵉⵏ, ⴷⴻⴳ ⵍⴻⵣⵣⴰⵢⴻⵔ, ⵍⴰ ⵉⵏⴻⵖⵎⴰⵙⴻⵏ ⵢⴻⵜⵜⵡⴰⵃⴻⴱⵙⴻⵏ ⵡⴰⵍⴰ ⵉⵖⵎⵉⵙⴻⵏ ⵢⴻⵜⵜⵡⴰⵖⴻⵍⵇⴻⵏ ⵖⴻⴼ ⵍⵊⴰⵍ ⵏ ⵢⵉⵡⴻⵏ ⴽⴰⵏ ⵏ ⵓⵎⴰⴳⵔⴰⴷ, ⴰⵎ ⵡⴰⴽⴽⴻⵏ ⵓⵔ ⵢⴻⵍⵍⵉ ⵓⵍⴰ ⴷ ⵢⵉⵡⴻⵏ ⵏ ⵓⵏⴻⵖⵎⴰⵙ ⵓⵎⵉ ⵢⴻⵜⵜⵡⴰⵔⴳⴻⵍ ⵡⴻⴱⵔⵉⴷ ⴰⴽⴽⴻⵏ ⴰⴷ ⵢⴻⴳ ⴰⵅⴻⴷⴷⵉⵎ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
