Asebter amenzawi

Taqbuct n Lezzayer n utaekwondo: d DTO (Tizi Wezzu) ay d-yefrurin

TUBIRET – D taɣlamt n DTO (Djurdjura Taekwondo Iwaḍiyen) n Tizi Wezzu ay d-yefrurin deg Teqbuct n Lezzayer n Utaekwondo ay la d-yebdan ass n lexmis deg tzeqqa takkaddalt n usuddis addalan n Rabah-Bitat n Tubiret.

Taɣlamt n DTO ttekkan deg-s yinaddalen uẓwiren yernu ssawḍen ad awin 5 n taqbucin deg taggayin yemgerraden (addayen tiqcicin, addayen iqcicen, ilemẓiyen tiqcicin, imeẓyanen tiqcicin d yimeqranen tiqcicin) ɣef lehsab n yegmaḍ ineggura ay d-ssuffɣen yemsuddsen (munaḍḍimin) deg tgara n wemsizwer-a aydeg ttekkan 420 n yinaddalen seg twilayin yemgerraden, ma d taggayin n yilemẓiyen iqcicen d yimeẓyanen iqcicen tefruri-d deg-sen teɣlamt n Utaekwondo n Tala n Yilef (Tizi Wezzu) ay yessawḍen ad ternu, s lḥif, taɣlamt n AR Ɛennaba.

Ttunefkent, deg tgara n wemsizwer-a, arrazen d yigerdasen n userhu (cahadat carafiyya) i wid ay yettekkan, am wakken ay d-yella uǧazi n yinaddalen Nihad, Yanis Soualah, Maazaoui Imaddine, Saadaoui Abderrahim, Oubah Amane, Sakour Chihab Abdessabour, ay d-yefrurin deg telɣuɣa n Tefriqt ay d-yellan deg Mayu yezrin deg Port Said, seg Maṣer.

Taqbuct n Lezzayer n Utaekwondo n 2016 tella-d deg yiwet n tegnit tamuddirt aydeg aṭas n lɣaci ay iḥedṛen akken ad sbeɣsen taɣlamt n Tubiret n CGB (Chabab Bouira).

Taggayt (timeẓyanin, tiqcicin)

1 - DTO (Tizi Wezzu) 2- JSTB (Tizi Wezzu) 3- Chabab Bouira (CGB)

Taggayt (addayen iqcicen): 1-DTO (Tizi Wezzy) 2-USTGB (Tizi Wezzu) 3- ITRI (Taɣerdayt)

Taggayt (Imeẓyanen iqccien) : 1-USTGB (Tizi Wezzu) 2-A R Ɛennaba 3- Intissar Qsenṭina

Taggayt (timeẓyanin tiqcicin): 1-DTO (Tizi Wezzu) 2-I R Taqubbet (Lezzayer) 3-Itran (Tizi Wezzu)

Taggayt (ilemẓiyen iqcicen) : 1-A C A M (Lezzayer Tamaneɣt) 2- I R Taqubbet (Lezzayer Tamaneɣt) 3-Intissar Qsenṭina

Taggayt (ilemẓiyen tiqcicin) 1-DTO (Tizi Wezzu) 2-Amel Toghza (Tubiret) 3-AKAM (Lezzayer Tamaneɣt).

Taggayt (imeqranen iqcicen) : 1-RPSEM (taɣlamt taserdasant)

Taggayt (imeqranen tiqcicin)

1-DTO (Tizi Wezzu).