Asebter amenzawi

Tamḍelt n Mohamed Ali ass n ljemɛa deg Louisville anda ay ilul

SCOTTSDALE (Iwanaken Yeddukklen)– Mohamed Ali, ay yemmuten ɣer 74 n yiseggasen, ad yemḍel ass n ljemɛa deg temdint aydeg d-ilul, deg Louisville, deg tlemmast n wegmuḍ n Yiwanaken Yeddukklen, ɣef wakken ay d-yenna, ass n ssebt, umutlay (naṭiq) n twacult n uleggam-a (mulakim) mechuṛen.

« Asfugel (iḥtifal) s tudert n Mohamed Ali ad d-yebdu ass n lexmis s tfugla tusligt n twacult-nnes tuqribt, arraw-nnes, arraw n warraw-nnes, arraw n leɛmum d lexwal d gma-s », ɣef wakken ay d-yessefhem umutlay n twacult-nnes deg yiwen n usarag n tɣemsa deg Scottsdale, deg Arizona, anda ay yewweḍ uleggam-a leɛfu n Ṛebbi yiwen n wass uqbel.

Azekka-nni, ad temsegraw twacult-nnes deg tzeqqa n temḍelt anda ad d-yas limam akken ad ẓẓallen fell-as taẓallit n temḍelt.

Sakkin, ad d-tili tiddit i lmend n temḍelt-a deg Louisville, d tin aydeg ad ɛeddin medden ɣef wammas n Mohamed-Ali d wezniq n Mohamed-Ali ay d-yusan deg wegmam aydeg d-yenker, sakkin ad tfak deg tmeqbert n Cave Hill.

Aselway amarikani aqbur, Bill Clinton, ad yili d yiwen seg 3 n wudmawen ad d-yinin awal i lmend n temḍelt n Mohamed Ali, ɣer yidis n uneɣmas Bryant Gumbel d usegbar (mumattil) Billy Crystal.

Yessawel-d daɣ umutlay n twacult n Mohamed Ali ɣef tegnit aydeg yemmut umeṛḥum, yenna-d: « Ssebba tunṣibt n tmettant-nnes d aḍḍan aqesḥan ay d-yekkan seg yimikṛuben yernu yella-d waya seg ssebba tagamant ur ibanen ».

Ḥedṛen, deg tmettant n Mohamed Ali, warraw-nnes deg 9 d tmeṭṭut-nnes, yernu beqqan-as akk sslam uqbel ma yewweḍ leɛfu n Ṛebbi.