Asebter amenzawi

Yerbeḥ Chelef Bouabdellah arraz 1u n wemsizwer agraɣlan n uneggez i wunjugen n Qsenṭina

QSENṬINA – Yerbeḥ wemnay adzayri Chelef Bouabdellah, ass n ssebt tameddit, arraz ameqran n « Gamma Meubes » deg tgara n temsizwert tagraɣlant 1ut n uneggez i wunjugen ay d-tessuddes tenmiregt tankerrazt n « Sahraoui-Noureddine » deg tɣiwant n Ɛin Ɛbid deg Qsenṭina.

Alɣuɣ-a n Ldzayer ay d-yefrurin deg uneggez i wunjugen n 140 n yisantimitren n leɛlu, yerna yerbeḥ arraz-a agraɣlan deg yiwen n umecwaṛ aydeg ur igi ula d yiwet n tuccḍa deg wakud n 38,47 n tsinin (tawani), yernu yezwar, s waya, Ait Lounis Brahim ay igan akud n 42,31 n tsinin.

Lɣaci iḥedṛen yeɛjeb-iten wemsizwer-a yernu ḍefren s ccuq tiɛɛuwja n yemnayen ay yettekkand deg-s.

Ass wis 3 n wemsizwer-a d win aydeg teḥṛes tmesizzelt. Arraz n « Ept Benchaoula » yewwi-t wemnay adzayri Nabil Souilmi, ma d arraz n « Groupe Metidji » yewwi-t Malik Azouaou.

Yella-d wemsizwer-a ddaw leɛnaya n Tfidiṛalit n Tnaka Tadzayrit d tiddukla taddalant n « Itri n Wegmuḍ n Waddalen Inakanen n Qsenṭina ». D wa ay d amsizwer agraɣlan amezwaru n uneggez i wunjugen ay d-yellan deg wegmuḍ n tmurt, ttekkant deg-s 8 n tmura yernu iswi-nnes d assemɣer n wazal n waddalen n tnaka (furusiyya).