ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵓⵙⵙⴻⵕⵛⴻⴷ ⵏ ⵜⵉⵖⵉⵏ ⵏ ⵢⵉⵙⴰⴼⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ (ⵉⵎⴰⵣⵣⴰⴳⴻⵏ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵎⵢⴰⴳⴻⵔ ⴰⴳⵔⴰⵖⵍⴰⵏ ⵏ ⵀⵧⵒⵉⵜⴰⵍ-ⵒⵀⴰⵔⵎⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵕⵛⴻⴷ ⵓⵚⴻⵔⵔⴻⴼ ⵏ ⵢⴻⴷⵔⵉⵎⴻⵏ ⵖⴻⴼ ⵢⵉⵙⴰⴼⴰⵔⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏⵜ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵏ ⵡⴰⵢⴻⵏ ⴰⵢ ⵜⴻⵃⵡⴰⵊ ⵜⵎⵓⵔⵜ ⴷ ⵉⵙⴰⴼⴰⵔⴻⵏ.
ⵢⴻⵏⵏⴰ-ⴷ ⵓⵎⴰⵣⵣⴰⵢ (ⵅⴰⴱⵉⵔ) ⵏ ⵜⴷⴰⵎⵙⴰ ⵏ ⵜⴷⴰⵡⵙⴰ ⵢⴻⵍⵍⴰⵏ ⴷ ⴰⴽⴰⵜⴰⵔ ⴰⵇⴱⵓⵔ ⴷⴻⴳ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ, ⵎⵉⵍⵧⵓⴷ ⴽⴻⴷⴷⴰⵔ, ⴷⴰⴽⴽⴻⵏ ⵜⵜⴰⵡⵉⵍⴰⵜ ⴰⵢⵢⴻⵙ ⵜⵜⵡⴰⵙⵙⴻⴼⵔⴰⴽⴻⵏ ⵢⵉⵙⴰⴼⴰⵔⴻⵏ ⵉⵎⵉⵔ-ⴰ « ⴼⴼⵖⴻⵏ ⵉ ⵚⵚⵡⴰⴱ » ⵢⴻⵔⵏⵓ ⵓⵔ ⴷⴷⵉⵏ ⴷ ⴽⵔⴰ ⵏ ⵜⵎⴻⵥⵍⴰ (ⵎⴰⵏⵟⵉⵇ) ⵜⵓⵙⵙⵏⴰⵏⵜ ⴷ ⵡⴻⴹⴼⴰⵔ ⴷⴻⴳ ⵓⵙⵙⴻⵇⴷⴻⵛ ⵏ ⵢⵉⵙⴰⴼⴰⵔⴻⵏ.
ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ « ⵓⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ ⵢⴻⵇⵇⵏⴻⵏ ⵖⴻⵔ ⵢⵉⵙⴰⴼⴰⵔⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵜⴻⵃⵡⴰⵊ ⵜⵎⵓⵔⵜ, ⴱⴻⵕⵕⴰ ⵉ ⵓⵙⵙⴻⴼⵔⴻⴽ ⴰⴷⴻⴱⵍⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵣⴰⴷⵓⵔ ⵏ ⵢⵉⵙⴻⴼⴽⴰ (ⵇⴰⵄⵉⴷⴰⵜ ⵎⵓⵄⵟⴰⵢⴰⵜ) ⴷ ⵜⵎⵓⵖⵍⵉ ⵉⴱⴰⵏⴻⵏ ⵉ ⵍⵎⴻⵏⴷ ⵏ ⵜⵎⵓⵙⵙⵏⵉ ⵏ ⵜⵓⵣⵡⵉⵔⵉⵏ ⵏ ⵡⴰⵢⴻⵏ ⵢⴻⵙⵙⴻⴼⴽⴻⵏ ⴰⴷ ⵜ-ⵉⴷ-ⵜⴰⵖ ⵜⵎⵓⵔⵜ ⴷ ⴰⵙⴰⴼⴰⵔ ⵖⴻⴼ ⵍⴻⵃⵙⴰⴱ ⵏ ⵡⴰⴹⴹⴰⵏⴻⵏ ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⴷ ⵡⴰⵏⴻⵛⵜ ⴰⵢ ⵍⴰ ⵢⴻⵜⵜⵎⴻⵜⵜⴰⵜⴻⵏ ⴷ ⵎⴻⴷⴷⴻⵏ.
ⵉⴳⴻⵔ-ⴷ ⵎⴰⵙⵙ ⴽⴻⴷⴷⴰⵔ ⵜⵉⵖⵔⵉ ⵉ ⵓⵜⵜⴻⴽⴽⵉ ⵏ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵙⵙⴻⴼⵔⴻⴽ ⵏ ⵙⵙⵓⵇ ⴰⵖⴻⵍⵏⴰⵡ ⵏ ⵢⵉⵙⴰⴼⴰⵔⴻⵏ, ⴷ ⵜⵓⵥⵓⵜ ⵏ ⵢⴻⴷⵍⴻⵙ ⵏ ⵓⵇⴻⵢⵢⴻⵎ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴰⴼⴰⵔⴻⵏ ⴰⵢ ⴷ-ⵜⵜⴰⵔⵓⵏ ⵢⴻⵎⵙⵓⵊⵊⵉⵢⴻⵏ ⵉ ⵢⵉⵎⵓⴹⵉⵏⴻⵏ, ⴰⴹⵎⴰⵏ ⵏ ⵡⴻⴹⴼⴰⵔ ⵢⴻⵍⵀⴰⵏ ⴷ ⵓⵀⴻⵢⵢⵉ ⵏ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⵉ ⵓⵇⴻⵢⵢⴻⵎ ⵏ ⵓⵙⵙⴻⵏⵣⵉ ⵏ ⵢⵉⵙⴰⴼⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ. ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵛⵉⵡⵕⴻⵏ ⵢⵉⵎⴰⵣⵣⴰⵢⴻⵏ ⵏ ⵜⴷⴰⵎⵙⴰ ⵏ ⵜⴷⴰⵡⵙⴰ ⵢⴻⵔⵏⵓ ⵓⵔ ⵢⴻⵙⵙⴻⴼⴽ ⴰⴷ ⵏⴻⵜⵜⴽⴻⵍ ⴽⴰⵏ ⵖⴻⴼ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⴰⵢ ⴷ-ⵢⴻⵜⵜⵡⴰⵀⴻⵢⵢⴻⵏ ⵉ ⵜⵉⵖⵉⵏ ⵏ ⵢⵉⵙⴰⴼⴰⵔⴻⵏ.
ⵎⴰ ⴷ ⴰⴷⵓⴽⵜⵓⵔ ⵏⴰⴳⵢ ⵀⴰⴷⵊⴰⴷⵊ, ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⵓⴷⴷⴻⵙ ⵏ ⵡⵓⵙⵙⴰⵏ ⵏ ⵀⵧⵙⵒⵉⵜⴰⵍⵒⵀⴰⵔⵎⴰ 2016, ⵢⴻⵏⵏⴰ-ⴷ ⴷⴰⴽⴽⴻⵏ ⴰⴼⴻⵔⵎⴰⵙⵢⴰⵏ ⵏ ⵡⴻⵙⴱⵉⵟⴰⵔ ⵢⵓⵖⴰⵍ ⵛⵛⵖⴻⵍ-ⵏⵏⴻⵙ ⴷ ⴰⵙⵙⴻⴼⵔⴻⴽ ⴽⴰⵏ ⵏ ⵍⵄⵓⵍⴰ ⵏ ⵢⵉⵙⴰⴼⴰⵔⴻⵏ ⵢⴻⵔⵏⵓ ⵓⵍⴰⵛ ⵍⵇⴰⵏⵓⵏ ⴰⵢ ⴷ-ⵢⴻⵙⵙⴽⴰⵏⴻⵏ ⴰⵎⴻⴽ ⴰⵢ ⵢⴻⵙⵙⴻⴼⴽ ⴰⴷ ⵜⵉⵍⵉ ⵚⵚⴻⵏⵄⴰ-ⵏⵏⴻⵙ, ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵙⵄⵓ ⵓⴼⴻⵔⵎⴰⵙⵢⴰⵏ ⴷⴷⵓⵕ, ⵖⴻⵔ ⵢⵉⴷⵉⵙ ⵏ ⵢⵉⵎⴻⴳⴳⵉⵢⴻⵏ ⵏⵉⴹⴻⵏ ⵢⴻⵍⵍⴰⵏ ⴷⴻⴳ ⵡⴻⵏⵔⴰⵔ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵙⵙⵉⴷⴼⴻⵏ ⵜⵉⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷⴻⴳ ⵡⴻⵏⵔⴰⵔ-ⴰ, ⴷ ⵜⵉⵎⴻⵣⵣⵓⴳⵉⵏ ⴷ-ⵢⴻⵎⵎⴻⵣⴳⴻⵏ ⴷ ⵓⴱⴻⴷⴷⴻⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⵎⴻⵜⵜⵉ, ⴰⵎ ⵜⴷⴰⵎⵙⴰ ⵏ ⵢⵉⵙⴰⴼⴰⵔⴻⵏ, ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ ⴷ ⵓⵙⵙⴻⴼⵔⴻⴽ.
