ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ: ⴰⴱⴻⴷⴷⴻⵍ ⴰⴷ ⴷ-ⵢⵉⵍⵉ ⵙ ⵓⵙⵙⴻⵍⵀⵓ ⵏ ⵓⵙⵙⴻⴷⴷⵓ ⵏ ⵜⴷⴰⵎⵙⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⴷ ⵢⴻⴱⴷⵓ ⵓⵏⴰⴱⴰⴹ (ⵃⵓⴽⵓⵎⴰ), ⴷⴻⴳ ⵜⵎⵓⴷⴻⵎⵜ-ⵏⵏⴻⵙ (ⵏⴰⵎⵓⴷⴰⴵ) ⵜⴰⴷⴰⵎⵙⴰⵏⵜ ⵜⴰⵎⴰⵢⵏⵓⵜ, ⴰⴱⴻⴷⴷⴻⵍ ⴰⴷⴰⵎⵙⴰⵏ ⴰⵢⴷⴻⴳ ⵜⵉⵙⴻⵔⵜⵉⵢⵉⵏ ⵜⵉⵏⴰⴳⴷⵓⴷⵉⵏ ⴷ ⵜⵉⴷ ⵏ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴷⴰⵎⵙⴰ ⴰⴷ ⴷ-ⵜⵜⵡⴰⵙⵙⴻⵣⴳⴻⵏⵜ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵢⴻⵙⵙⴻⴼⴽⴻⵏ ⵢⴻⵔⵏⵓ ⴰⴷ ⵢⴻⴹⴼⴻⵔ ⴷⴰⵖ ⵜⵉⴷⴷⵉⵜ ⵏ ⵓⵙⵙⴻⵍⵀⵓ ⴷⴻⴳ ⵡⴻⵏⴱⴰⴹ ⵏ ⵜⴷⴰⵎⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⴰⵏⴻⴳⴳⴰⵔⵓ ⵏ ⵜⴻⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

« ⴰⴷ ⴷ-ⵢⴻⴱⴷⵓ ⵓⵏⴰⴱⴰⴹ ⵜⵓⴽⴽⵉⵜ (ⵉⵏⵜⵉⵇⴰⵍ) ⴰⵢⴷⴻⴳ ⴰⴷ ⴷ-ⵜⵜⵡⴰⵙⵙⴻⵣⴳⵉⵏⵜ ⵜⵙⴻⵔⵜⵉⵢⵉⵏ ⵜⵉⵏⴰⴳⴷⵓⴷⵉⵏ ⴷ ⵜⵉⴷ ⵏ ⵢⴻⴱⴹⵉⵢⴻⵏ, ⴰⴷ ⴷ-ⵢⵉⵍⵉ ⵓⵙⵙⴻⵍⵀⵓ ⵏ ⵡⴻⵏⴱⴰⴹ ⴰⴷⴰⵎⵙⴰⵏ ⴰⵎ ⵡⴰⴽⴽⴻⵏ ⴰⴷ ⴷ-ⴼⵔⵓⵔⵉⵏ ⵢⵉⵙⴻⴽⴽⵉⵔⴻⵏ (ⵄⴰⵡⴰⵎⵉⵍ) ⵏ ⵙⵙⵓⵇ ⴰⴷ ⵢⴻⵙⵙⵉⴼⴻⵙⵙⴻⵏ ⴰⵙⵙⴻⴱⴷⴻⴷ ⵏ ⵜⴷⴰⵎⵙⴰ ⴰⵢⴷⴻⴳ ⴰⴷ ⵢⴻⵏⵇⴻⵙ, ⵛⵡⵉⵟ, ⵛⵡⵉⵟ, ⵡⴻⵜⵜⴽⴰⵍ ⵖⴻⴼ ⵜⵎⴻⵔⵖⴰ ⴷ ⵓⵚⴻⵔⵔⴻⴼ ⴰⵏⴰⴳⴷⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⴰⵏⴻⴳⴳⴰⵔⵓ ⵏ ⵜⴻⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⵜⵉⵙ 19 (ⴰⵏⴰⴱⴰⴹ, ⵜⴰⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ, ⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ) ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.

ⵉ ⵍⵎⴻⵏⴷ ⵏ ⵡⴰⵢⴰ, ⴰⵚⴻⵔⵔⴻⴼ ⴰⵏⴰⴳⴷⵓⴷ (ⵄⵓⵎⵓⵎⵉ) ⴰⴷ ⵉⴽⴻⵎⵎⴻⵍ, ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓ-ⴰ (ⴱⴰⵢⴰⵏ), ⴰⴽⴽⴻⵏ ⴰⴷ ⵢⵉⵍⵉ ⴷ ⵜⵜⴰⵡⵉⵍ ⴰⴷ ⵉⵄⴰⵡⵏⴻⵏ ⴰⵏⵏⴻⴼⵍⵉ ⴷ ⵓⵏⵏⴻⵔⵏⵉ ⴷⴻⴳ ⵓⴽⴰⵜⴰⵔ ⵏ ⵜⵙⴻⵔⵜⵉⵜ ⵜⴰⵎⴰⵔⵓⴷⴰⵏⵜ ⵢⴻⵜⵜⵡⴰⵙⵙⴻⵍⵀⴰⵏ ⴰⴷ ⵢⴻⵔⵔⴻⵏ ⴰⵚⴻⵔⵔⴻⴼ ⴰⵏⴰⴳⴷⵓⴷ ⴷ ⴰⵍⵍⴰⵍ ⵏ ⵓⵙⵙⴻⴼⵜⵉ ⴰⵏⴰⴳⴷⵓⴷ ⵢⴻⵔⵏⵓ ⴰⴷ ⵢⵉⵍⵉ ⴷ ⵜⵜⴰⵡⵉⵍ ⵏ ⵡⴻⵙⴷⵓⵇⵇⴻⵙ ⵏ ⵜⴷⴰⵎⵙⴰ ⵜⴰⵔⴰⵔⴰⵢⵜ.

ⵜⴰⵎⵓⴷⴻⵎⵜ ⵜⴰⴷⴰⵎⵙⴰⵏⵜ ⵜⴰⵎⴰⵢⵏⵓⵜ ⵏ ⵓⵏⵏⴻⵔⵏⵉ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⵜⴻⵜⵜⵡⴰⴹⴼⴻⵔ ⵢⴻⵔⵏⵓ, ⴰ ⵡⵉⵏ ⵢⵓⴼⴰⵏ, ⴰⴷ ⵜⴻⵙⵙⵉⵡⴻⴹ, ⵛⵡⵉⵟ, ⵛⵡⵉⵟ, ⵖⴻⵔ ⵜⵙⴻⵔⵜⵉⵜ ⵏ ⵓⵏⴻⵡⵡⴻⵄ ⴰⴷⴰⵎⵙⴰⵏ, ⵏ ⵓⴱⴻⴷⴷⴻⵍ ⵏ ⵜⴻⵎⵚⵓⴽⵉⵏ ⴷ ⵓⵙⵙⴻⵍⵀⵓ ⵏ ⵜⵎⵓⴷⴻⵎⵜ ⵏ ⵓⵙⵙⵉⴷⵔⴻⵎ (ⵜⴰⵎⵡⵉⵍ) ⵏ ⵜⴷⴰⵎⵙⴰ ⵢⴻⴱⵏⴰⵏ ⵖⴻⴼ ⵜⵎⵓⵖⵍⵉ ⵜⴰⴷⴰⵎⵙⴰⵏⵜ ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⵜⴻⵙⵎⴻⴽⵜⵉ-ⴷ ⵜⴻⵎⵍⵉⵍⵉⵜ-ⴰ ⵏ 3 ⵏ ⵢⵉⴷⵉⵙⴰⵏ ⴷⴰⴽⴽⴻⵏ ⴰⵏⵏⴻⴼⵍⵉ (ⵜⴰⵏⵎⵉⵢⴰ) ⴰⴷⴰⵎⵙⴰⵏ ⴷ ⵡⴻⵏⵎⴻⵜⵜⵉ ⵢⴻⵜⵜⵡⴰⵙⵙⴻⵊⵀⴻⴷ ⵢⴻⵔⵏⵓ ⵢⴻⵏⵏⴻⵔⵏⴰ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⴷ ⴰⵛⵓ ⴽⴰⵏ, ⵎⴰⵣⴰⵍ-ⵉⵜ ⵢⴻⵜⵜⴽⴻⵍ ⵙ ⵡⴰⵟⴰⵙ ⵖⴻⴼ ⵜⵎⴻⵔⵖⴰ, ⴰⵚⴻⵔⵔⴻⴼ ⴰⵏⴰⴳⴷⵓⴷ ⴷ ⴷⴷⵓⵕ ⴰⵎⴻⵇⵔⴰⵏ ⵏ ⵓⵡⴰⵏⴰⴽ (ⴷⴰⵡⵍⴰ) ⵢⴻⵍⵍⴰⵏ ⴷ ⵉⵎⵙⴻⴼⵜⵉ ⴰⵎⴻⵣⵡⴰⵔⵓ ⵢⴻⵔⵏⵓ ⴷ ⴰⵙⴻⵎⵔⴰⵙ ⴰⵎⴻⵇⵔⴰⵏ ⴰⴽⴽ ⴷⴻⴳ ⵜⵎⵓⵔⵜ.