ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵍⵓⵣⵉⵏ ⵏ ⵔⴻⵏⴰⵓⵍⵜ ⵏ ⵡⴻⵀⵕⴰⵏ ⴰⴷ ⵜⴻⴱⴷⵓ ⴰⴷ ⵜⴻⵙⵏⵓⵣⵓⵢ ⵜⴰⵎⵓⴷⴻⵎⵜ ⵜⴰⵎⴰⵢⵏⵓⵜ ⵏ ⵜⴽⴻⵕⵕⵓⵙⵉⵏ

ⵡⴻⵀⵕⴰⵏ – ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ, ⴰⴷ ⵜⴻⴱⴷⵓ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵏ ⵔⴻⵏⴰⵓⵍⵜ ⵏ ⵡⴰⴷ ⵜⵜⵍⵉⵍⴰⵜ (ⴰⵏⵥⵓⵍ ⵏ ⵡⴻⵀⵕⴰⵏ) ⴰⴷ ⵜⴻⵙⵏⵓⵣⵓⵢ ⵜⴰⴽⴻⵕⵕⵓⵙⵜ ⵏ ⴷⴰⵛⵉⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ, ⴰⵙⵙ ⵏ ⵍⵃⴻⴷⴷ, ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ « ⵔⴻⵏⴰⵓⵍⵜ ⴰⵍⴳⴻⵔⵉⴻ ⵒⵔⵧⴷⵓⵛⵜⵉⵧⵏ », ⴱⴻⵔⵏⴰⵔⴷ ⵙⵧⵏⴻⵍⴻⵛ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵎⵉ ⵜⴻⴼⴽⴰ ⵍⵍⵓⵣⵉⵏ-ⴰ ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⵏ ⵡⴻⵍⵎⴰⴷ ⵉ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⵏ « ⴰⴱⵧⵓ ⴱⴻⴽⵔ ⴱⴻⵍⴽⴰⵉⴷ » ⵏ ⵡⴰⴷ ⵜⵜⵍⵉⵍⴰⵜ, ⵢⴻⵏⵏⴰ-ⴷ ⵎⴰⵙⵙ ⵙⵧⵏⴻⵍⴻⵛ ⴷⴰⴽⴽⴻⵏ « ⵏⴻⴱⴷⴰ ⵍⴰ ⵏⵅⴻⴷⴷⴻⵎ ⵜⴰⴽⴻⵕⵕⵓⵙⵜ ⵏ ⴷⴰⵛⵉⴰ ⵙⴰⵏⴷⴻⵔⵧ ⵢⴻⵔⵏⵓ ⴰⴷ ⵜⴻⴱⴷⵓ ⴰⴷ ⵜⴻⵜⵜⵏⵓⵣⵓ ⴷⴻⴳ ⵙⵙⵓⵇ ⴰⴷⵣⴰⵢⵔⵉ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ ».

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵎⴹⴰⵏ (ⵄⴰⴷⴰⴷ) ⵏ ⵜⴽⴻⵕⵕⵓⵙⵉⵏ-ⴰ ⴰⴷ ⴷ-ⵜⴻⵙⵙⵓⴼⴼⵓⵖ ⵍⵍⵓⵣⵉⵏ ⴰⴷ ⵢⵉⵍⵉ ⵖⴻⴼ ⵍⴻⵃⵙⴰⴱ ⵏ ⵓⵙⵙⵓⵜⴻⵔ ⵏ ⵢⴻⵎⵙⴰⵖⴻⵏ, ⵢⴻⵔⵏⵓ ⵢⴻⵣⵎⴻⵔ ⵍⵃⴰⵍ ⴰⴷ ⴷ-ⵜⵜⴻⴼⴼⵖⴻⵏⵜ 15.000 ⵏ ⵜⴽⴻⵕⵕⵓⵙⵉⵏ ⵏ ⴷⴰⵛⵉⴰ ⵉ ⵓⵙⴻⴳⴳⴰⵙ.

ⴷⴰⵛⵉⴰ ⵙⴰⵏⴷⴻⵔⵧ ⴷ ⵜⴰⵎⵓⴷⴻⵎⵜ ⵏ ⵜⴽⴻⵕⵕⵓⵙⵉⵏ ⵜⵉⵙ ⵙⵏⴰⵜ ⴰⴷ ⵜⵓⵖⴰⵍ ⴰⴷ ⵜⵅⴻⴷⴷⴻⵎ ⵍⵍⵓⵣⵉⵏ-ⴰ, ⴷⴻⴼⴼⵉⵔ ⵎⴰ ⵜⴻⴱⴷⴰ ⴰⵅⴻⴷⴷⵉⵎ ⵏ ⵔⴻⵏⴰⵓⵍⵜ ⵙⵢⵎⴱⵧⵍ. ⵜⴻⴱⴷⴰ ⵍⵍⵓⵣⵉⵏ-ⴰ ⴰⵅⴻⴷⴷⵉⵎ ⴷⴻⴳ ⵡⴻⵎⴱⴻⵔ ⵏ 2014.