ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴹⵉⴼ: ⵜⴰⵎⴻⵜⵜⴰⵏⵜ ⵏ ⵙⵉⵏ ⵏ ⵢⴻⵎⴷⴰⵏⴻⵏ ⵙⴻⴳ ⵓⵟⵟⴻⵔⴹⴻⵇ ⵏ ⵢⵉⴼⴰⵔⵉⵙⴻⵏ ⵏ ⵓⵙⵙⵉⵣⴷⴻⴳ ⴷⴻⴳ ⵜⵃⴰⵏⵓⵜ

ⵙⴹⵉⴼ – ⵙⵉⵏ ⵏ ⵢⴻⵎⴷⴰⵏⴻⵏ, ⵙⴻⴳ ⵢⵉⵡⴻⵜ ⵏ ⵜⵡⴰⵛⵓⵍⵜ, ⴰⵢ ⵢⴻⵎⵎⵓⵜⴻⵏ ⴰⵙⵙ ⵏ ⵍⵃⴻⴷⴷ ⵙⴻⴳ ⵓⵟⵟⴻⵔⴹⴻⵇ ⵏ ⵜⵇⴻⵔⵄⵓⵏⵉⵏ ⵏ ⵜⵏⴻⴳⵡⴰ (ⵎⴰⵡⴰⴷⴷ) ⵏ ⵓⵙⵙⵉⵣⴷⴻⴳ ⵏ ⵢⵉⵙⴰⵡⴰⵍⴻⵏ ⵏ ⵓⴼⵓⵙ. ⵢⴻⵍⵍⴰ-ⴷ ⵓⵟⵟⴻⵔⴹⴻⵇ-ⴰ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ ⴷⴻⴳ ⵜⵃⴰⵏⵓⵜ-ⵏⵙⴻⵏ ⵏ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵙⴹⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵡⴰⵛⵓⵍⵜ ⵏ ⵙⵉⵏ-ⴰ ⵏ ⵢⵉⵎⴻⵕⵃⵓⵎⴻⵏ.

ⵢⴻⵍⵍⴰ-ⴷ ⵓⵟⵟⴻⵔⴹⴻⵇ-ⴰ ⴷⴻⴳ ⵢⵉⵡⴻⵜ ⵏ ⵜⵃⴰⵏⵓⵜ ⵏ ⵢⵉⵙⴰⵡⴰⵍⴻⵏ ⵏ ⵓⴼⵓⵙ ⴷ-ⵢⵓⵙⴰⵏ ⵙⴷⴰⵜ ⵜⴰⵍⴰ ⵏ ⵜⴼⴻⵡⵡⴰⵕⵜ, ⵢⴻⵔⵏⵓ ⵊⴻⵔⵃⴻⵏ ⵙⴻⴳ-ⵙ ⴷⴰⵖ 7 ⵏ ⵢⴻⵎⴷⴰⵏⴻⵏ.

2 ⵙⴻⴳ ⵢⵉⵎⴻⵊⵔⴰⵃ-ⵏⵏⵉ ⵔⵖⴰⵏ ⵜⵉⵎⴻⵔⵖⵉⵡⵉⵏ ⵏ ⵜⴼⴻⵙⵏⴰ ⵜⵉⵙ 2 ⴷ ⵜⵉⵙ 3 ⵢⴻⵔⵏⵓ ⵡⵡⵉⵏ-ⵜⴻⵏ ⵖⴻⵔ ⵡⴻⵙⴱⵉⵟⴰⵔ ⵏ ⵜⴱⴰⵜⴻⵏⵜ, 3 ⵡⵡⵉⵏ-ⵜⴻⵏ ⵖⴻⵔ ⵡⴻⵙⴱⵉⵟⴰⵔ ⵏ ⵇⵙⴻⵏⵟⵉⵏⴰ, ⵎⴰ ⴷ ⵙⵉⵏ, ⵖⴻⵔ ⵡⴻⵙⴱⵉⵟⴰⵔ ⵏ ⵢⵉⴳⴻⵔⴷⴰⵏ ⵏ ⵙⴹⵉⴼ.

ⵔⴻⵥⵎⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⵃⵜⴰⵛ ⴰⴽⴽⴻⵏ ⴰⴷ ⴷ-ⴰⴼⴻⵏ ⵙⵙⴻⴱⴱⴰ ⵢⴻⵙⵙⴰⵡⴹⴻⵏ ⵖⴻⵔ ⵓⵟⵟⴻⵔⴹⴻⵇ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⴻⵎⴽⴻⵍⵍⴻⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⴷ ⵓⵙⵙⴻⵍⵖⵓ (ⵉⵄⵍⴰⵎ) ⵏ ⵢⵉⵎⴻⵥⵍⴰ ⵏ ⵜⵎⴻⵀⵍⴰ ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵙⴹⵉⴼ, ⴰⵇⴻⴱⵟⴰⵏ ⴰⵀⵎⴻⴷ ⵍⴰⵎⴰⵎⵔⴰ.