ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⵛⵉ ⵏ 4.600 ⵏ ⵜⴽⴰⵔⴹⵉⵡⵉⵏ ⵏ ⵢⵉⵏⴰⵥⵓⵔⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ (ⴰⵏⴻⵖⵍⴰⴼ)

ⵎⴻⵙⵜⵖⴰⵏⴻⵎ– ⵓⴳⴰⵔ ⵏ 4.600 ⵏ ⵜⴽⴰⵔⴹⵉⵡⵉⵏ ⵏ ⵢⵉⵏⴰⵥⵓⵔⴻⵏ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⴰⵢ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵎⴻⵙⵜⵖⴰⵏⴻⵎ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ, ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴼⵔⴰⵇ ⵏ ⵜⴽⴰⵔⴹⵉⵡⵉⵏ-ⴰ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵢⴻⵔⵏⵓ ⵜⴰⴽⴰⵔⴹⴰ-ⴰ ⴰⴷ ⵜⴻⴵⴵ ⴱⴰⴱ-ⵏⵏⴻⵙ ⴰⴷ ⵢⴻⵙⵄⵓ ⴽⵔⴰ ⵏ ⵍⴼⴰⵢⴷⴰⵜ ⵜⵉⵏⵎⴻⵜⵜⵉⵢⵉⵏ (ⵉⴵⵜⵉⵎⴰⵄⵉⵢⵢⴰ).

ⵎⵉ ⵢⴻⵔⵣⴰ ⵖⴻⴼ ⵜⴻⵇⵚⴻⴱⵜ ⵏ ⵎⴻⵙⵜⵖⴰⵏⴻⵎ, ⵜⴰⵎⴻⵙⴳⵉⴷⴰ ⵏ ⵜⴻⴱⴱⴰⵏⴰ ⴷ ⴷⴰⵔ ⵍⵇⴰⵢⴻⴷ, ⵉⵡⴻⴽⴽⴻⴷ-ⴷ ⵎⴰⵙⵙ ⵎⵉⵀⵧⵓⴱⵉ ⴰⴱⴷⴰⴷ ⵏ ⵡⴻⵖⵍⵉⴼ ⵏ ⵢⴻⴷⵍⴻⵙ ⴷ ⵢⵉⴷⵓⴱⴰ ⵉⴷⵉⴳⴰⵏⴻⵏ ⵖⴻⵔ ⵢⵉⴷⵉⵙ ⵏ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵎⴻⵙⵜⵖⴰⵏⴻⵎ ⵉ ⵡⴻⵃⵔⴰⵣ ⵏ ⵢⵉⴷⴻⴳⴳⴻⵏ ⵢⴻⵃⵡⴰⵊⴻⵏ ⴰⵚⴻⴳⴳⴻⵎ.

ⴷⵖⴰ ⵉⵡⴻⴽⴽⴻⴷ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ ⵜⴻⵙⵄⴰ ⵉⴱⴹⵉ (ⵇⵉⵟⴰⵄ) ⵢⴻⵜⵜⵡⴰⵃⴻⵔⵣⴻⵏ ⴰⵎⴻⵇⵔⴰⵏ ⴰⴽⴽ, ⵢⴻⵔⵏⵓ ⵢⴻⴹⵎⴻⵏ-ⴷ ⴷⴰⴽⴽⴻⵏ ⴰⵖⵍⵉⴼ ⵏ ⵢⴻⴷⵍⴻⵙ ⴰⴷ ⵢⴻⵃⵔⴻⵣ ⵉⴷⴻⴳⴳⴻⵏ ⵉⵎⴻⵣⵔⵓⵢⴰⵏⴻⵏ ⴰⵎ ⵡⴰⴽⴽⴻⵏ ⴰⴷ ⵢⴻⴳ ⵜⵉⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵜⵓⵄⵊⵉⵍⵉⵏ ⵉ ⵓⵚⴻⴳⴳⴻⵎ ⵏ ⵢⴻⴱⴹⵉ ⵢⴻⵜⵜⵡⴰⵃⴻⵔⵣⴻⵏ ⵏ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵢⴻⴹⴹⴼⴻⵏ ⵜⴰⵊⵓⵎⵎⴰ ⵏ 103 ⵏ ⵢⵉⵇⴻⵟⵟⴰⵔⴻⵏ ⴰⵢⴷⴻⴳ ⵍⵍⴰⵏ ⵢⴻⴷⵛⵉⵔⴻⵏ ⴷ ⵜⵣⴻⵏⵇⴰⵜⵉⵏ. ⴰⴷ ⴷ-ⵢⵉⵍⵉ ⵓⵚⴻⴳⴳⴻⵎ-ⴰ ⵙ ⵓⵜⵜⴻⴽⴽⵉ ⵏ ⵢⵉⵎⴰⵡⵍⴰⵏ ⵏ ⵢⴻⵅⵅⴰⵎⴻⵏ ⵉⵇⴱⵓⵔⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⵍⵡⵉ ⵎⴰⵙⵙ ⴰⵣⵣⴻⴷⵧⵉⵏⴻ ⵎⵉⵀⵧⵓⴱⵉ ⴰⵔⵥⴰⵎ ⵏ ⵢⵉⵡⴻⵜ ⵏ ⵜⴻⵎⴽⴰⵔⴹⵉⵜ ⵏ ⵜⵖⵓⵔⵉ ⵜⴰⵏⴳⴰⴷⵓⴷⵜ (ⵄⵓⵎⵓⵎⵉⵢⵢⴰ) ⴷⴻⴳ ⵜⵖⵉⵡⴰⵏⵜ ⵏ ⴱⵓⴳⵉⵔⴰⵜ ⵢⴻⵔⵏⵓ ⵢⴻⵔⵣⴰ ⵖⴻⴼ ⵜⴻⵎⴽⴰⵔⴹⵉⵜ-ⴰ ⴰⵏⴷⴰ ⴰⵢ ⵜⴻⵍⵍⴰ ⵜⵏⴻⵎⵙⴻⵍⵜ (ⵡⴰⵔⵛⴰ) ⵉ ⵢⵉⵎⴻⵄⴷⴰⵕ, ⵢⴻⵔⵏⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵏⴻⴳⴳⵓⵔⴰ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵖⵍⵉⴼ ⵏ ⵢⴻⴷⵍⴻⵙ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵉⵄⴰⵡⴻⵏ ⵉⵎⴻⵄⴷⴰⵕ ⴰⴷ ⴰⵡⴹⴻⵏ ⵖⴻⵔ ⵜⵎⵓⵙⵙⵏⵉ ⵙ ⵜⵓⴽⵛⵉ, ⵉ ⵜⴻⵎⴽⴰⵔⴹⵉⵢⵉⵏ, ⵏ ⵢⴻⴷⵍⵉⵙⴻⵏ ⵢⵓⵔⴰⵏ ⵙ ⵓⴳⴻⵎⵎⴰⵢ ⵏ ⴱⵔⴰⵉⵍⵍⴻ ⴷ ⵡⴰⵍⵍⴰⵍⴻⵏ ⵏⵉⴹⴻⵏ ⵏ ⵜⴻⵙⵏⴰⵜⵡⵉⵍⵜ ⵜⴰⵜⵔⴰⵔⵜ ⴰⴷ ⵉⵄⴰⵡⵏⴻⵏ ⵉⵎⴻⵄⴷⴰⵕ.