Asebter amenzawi
Tacirḍart: Kerbadj yeqbel abeddel n yilugan n ureḍḍal n yimariren gar teɣlamin n Temɣunt 1ut d tis 2
LEZZAYER TAMANEɣT– La tessefray Temɣunt n Tcirḍart Tasadurant ad tɛawed tamuɣli deg yilugan ay igedlen i teɣlamin n Temɣunt 1ut d tis 2 arḍal n wugar n 2 n yimariren i tsemhuyt, ladɣa imi agdal-a ur t-wufqen yiselwayen n wacḥal n teɣlamin.
Aselway n Temɣunt n Tcirḍart Tasadurant, Mahfoud Kerbadj, ay iɛawden yettwafren d aselway n temɣunt-a seg melmi kan, iɛuhed ad d-yelhu d temsalt-a yernu yenna-d dakken yezmer ad yeqbel ad yernu wemḍan n yimariren ad ttemyerḍalent teɣlamin gar-asent.
« Aya ur yelli d ugur n tidet » yernu yezmer ad yettunefk ttesriḥ i teɣlamt ad d-terḍel arma d 3 neɣ 4 n yimariren deg yiwet n tsemhuyt, ɣef wakken ay d-yenna Kerbadj ass n lḥedd.
Taɣlamt n USM Lezzayer, ay yennummen treḍḍel acḥal seg yimariren-nnes deg taggayt n ddaw 23 n yiseggasen (ilɣuɣen n Lezzayer i tikkelt tis 4 ɣef wesref), d nettat ay d taɣlamt tamezwarut ay yugin aḥezzib-a ay d-tessuffeɣ Tfidiṛalit Tadzayrit n Tcirḍart kra n ledwaṛ aya.
