ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ: ⵓⴳⴰⵔ ⵏ 2000 ⵏ ⵜⵙⵓⵔⴰ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵢⵉⵎⴰⵡⵍⴰⵏ ⵏ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 2025 ⵏ ⵜⵙⵓⵔⴰ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⵡⴰⵛⵓⵍⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵜ ⵜⴰⵏⵎⴻⵜⵜⵉⵜ ⵜⴰⵡⵡⴰⵙⴰⵏⵜ (ⵜⴰⵙⴰⵀⵓⵎⵉⵢⵢⴰ) ⵙⴻⴳ 15 ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ.

ⴷ ⴰⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴰⵢ ⵉⴼⴻⵔⵇⴻⵏ ⵜⵉⵙⵓⵔⴰ-ⴰ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⴱⵉⵔ ⵅⴰⴷⴻⵎ.

ⵉⵎⴻⵙⴼⴰⵢⴷⵉⵢⴻⵏ ⵙⴻⴳ ⵜⵏⴻⵣⴷⵓⵖⵉⵏ-ⴰ ⴽⴽⴰⵏ-ⴷ ⵙⴻⴳ ⵜⵖⵉⵡⴰⵏⵉⵏ ⵏ ⵃⴻⵎⵎⴰⵎⴰⵜ, ⵄⵉⵏ ⵍⴱⴻⵏⵢⴰⵏ, ⵀⵔⴰⵡⴰ, ⴷⵕⴰⵕⵢⴰ, ⴱⴰⴱ ⵍⵡⴰⴷ, ⵔⵔⵖⴰⵢⴰ, ⵙⵙⵃⴰⵡⵍⴰ, ⴱⵉⵔ ⵎⵓⵕⴰⴷ ⵕⴰⵢⴻⵙ, ⵎⵧⵀⴰⵎⴻⴷ-ⴱⴻⵍⵧⵓⵉⵣⴷⴰⴷ, ⵃⵓⵙⵉⵏ ⴷⴰⵢ ⴷ ⵜⵇⵓⴱⴱⴻⵜ, ⵢⴻⵔⵏⵓ ⵙⴼⴰⵢⴷⵉⵏⵜ-ⴷ ⵙⴻⴳ ⵜⵏⴻⵣⴷⵓⵖⵉⵏ (ⴰⵢ ⵎⴰⵣⴰⵍ ⵍⴰ ⵜⵜⵡⴰⴱⵏⴰⵢⴻⵏⵜ) ⴷⴻⴳ ⵢⵉⵖⴰⵔⴰⵎⴻⵏ (ⴰⵃⵢⴰ’) ⵉⵎⴰⵢⵏⵓⵜⴻⵏ ⵏ ⵃⴻⵎⵎⴰⵎⴰⵜ, ⵄⵉⵏ ⵍⴱⴻⵏⵢⴰⵏ, ⵀⵔⴰⵡⴰ, ⴱⵓⵕⴵ ⵍⴱⴻⵃⵔⵉ, ⴷⵕⴰⵕⵢⴰ, ⵔⵔⵖⴰⵢⴰ, ⵙⵙⵃⴰⵡⵍⴰ ⴷ ⴵⵏⴰⵏ ⵙⵙⴼⴰⵔⵉ.

ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ « ⴰⵀⵉⵍ ⴰⵎⴰⵜⵓ ⵏ ⵓⵙⵙⴻⵣⴷⴻⵖ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵍⵍⴰⵏⵜ ⴷⴻⴳ-ⵙ 260.000 ⵏ ⵜⵏⴻⵣⴷⵓⵖⵉⵏ, ⴳⴰⵔ-ⴰⵙⴻⵏⵜ 84.000 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵏ ⵍⴻⴽⵔⴰ (ⵍⵒⵍ) ⴷ 42.000 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵜⴰⵡⵡⴰⵙⴰⵏⵉⵏ (ⵍⵒⵒ) ».

ⵉⵅⴻⴱⴱⴻⵔ-ⴷ ⵎⴰⵙⵙ ⵣⵧⵓⴽⵀ ⴷⴰⵖ ⴷⴰⴽⴽⴻⵏ « ⵜⴰⵡⵉⵍⴰⵢⵜ ⵏ ⵍⴷⵣⴰⵢⴻⵔ ⵜⴻⴼⴽⴰ, ⴰⵔ ⴰⵙⵙ-ⴰ, 21.000 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵜⴰⵡⵡⴰⵙⴰⵏⵉⵏ » ⵢⴻⵔⵏⵓ ⵜⴰⵡⵉⵍⴰⵢⵜ ⵓⵔ ⵜⴻⵜⵜⵛⵓⵃⵃⵓ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵜⴻⵙⵙⴻⵄⵊⴻⵍ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵏ ⵚⵚⴻⵏⴼ ⵏ ⵍⵙⵒ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⴰⴷ ⵜⴻⴼⵔⴻⵇ 21.000 ⵙⴻⴳ-ⵙⴻⵏⵜ ⵖⴻⴼ ⵣⵉⴽ ⵍⵃⴰⵍ.

ⴰⵣⴰⵍ ⵏ 46.000 ⵏ ⵜⵡⴰⵛⵓⵍⵉⵏ ⵓⵎⵉ ⵜⴻⵜⵜⵡⴰⴼⵔⴻⵇ ⵜⵏⴻⵣⴷⵓⵖⵜ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ ⵓⵙⵙⴻⵣⴷⴻⵖ ⴷⴻⴳ 2014, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵖⴻⴼ ⵍⴻⵃⵙⴰⴱ ⵏ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⵏ 2007, 72.000 ⵏ ⵜⵡⴰⵛⵓⵍⵉⵏ ⴰⵢ ⵢⴻⵃⵡⴰⵊⴻⵏ ⵜⴰⵏⴻⵣⴷⵓⵖⵜ ⵢⴻⵍⵀⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵧⵓⴽⵀ.