Asebter amenzawi

Anabaḍ alibi n tdukli iteddu s aswaḍ n liḥala tasertan akked tin n tɣellist

LEZZAYER TAMANEɣT – Anabaḍ alibi n tdukli taɣelnawt tsewweḍ cwiṭ cwiṭ liḥala tasertan akked tin n tɣellist deg tmurt n Libya, dɣa seg uẓen deg temdin n Sirt (agmuḍ n tmurt), deg yiwet n teswiɛt ideg Aseqqamu n tɣellist n Yiɣlanen yedduklen ttheyyin ad d-tili yiwet n temlilit ɣef liḥala yellan deg tmurt-a.

Tukksa i d-ksen i udefrir n yiremmaɣen isemman iman-nsen ‘’Awanek islaman’’ (Deɛɛec) n uswaḍ n yiwen n uzadur temsafga taserdasant ɣer yidis n temdint n Sirt akked d tiddin akked unabaḍ n tdukli n sin idefriren yesɛan azal ameqqran n temnaḍt n ugmuḍ, aya akk d afakul ẓẓayen n unabaḍ alibi i yes-s yebɣa ad iqenneɛ amaḍal dakken ula i wumi anekcum n yiserdasen iberraniyen, aya yenna-d fell-as uneɣlaf Amezwaru, Fayez el-Sarraj, d taɣawsa i nekkes melmi kan.

Akken ad yefrez amhaz n liḥala deg tmurt n Libya, Aseqqamu n tɣellist yessawel akken ad tili yiwet n temlilit ass n letniyen, ideg Amaray amatu, Ban Ki-moon, ad yesissen rrabul-is ɣef tuɣdaḍt n Yiɣlanen yedduklen deg tmurt n Libya (MANUL).