Asebter amenzawi

Yettwaẓẓeɛ uselway n Tdukli Taddalant n Yicawiyen i lebda seg tcirḍart

LEZZAYER TAMANEɣT– Yettwaẓẓeɛ uselway n Tdukli Taddalant n Yicawiyen (US Chaouia) yetturaren deg taẓunt n yimaswaḍen, Abdelmadjid Yahi, i lebda seg wakk lecɣal yeqqnen ɣer tcirḍart, ɣef wakken ay d-tenna Temɣunt n Tcirḍart Tasadurant ass n ttlata deg udeg-nnes unṣib.

Yettwaddem ṛṛay-a yiwen wass uqbel deg temlilit n tesmilt n tugrint n Temɣunt (rabiṭa), deffir ma yenna-d win ay terza temsalt, deg ttawilat n yisalan, dakken yella yettemsewwaq ɣef temliliyin n tcirḍart, yernu iɛawed-d i waya deg yiwet n tesgilt n tliẓri ass n 8 Mayu 2016, ɣef wakken ay d-tenna Temɣunt.

Menɣir tamqasit-a, teḥkem-d Temɣunt ɣef Yahi ad ixelleṣ lexḍeyya n 200.000 n yidinaṛen.

Yahi, ay yellan d imḍebber n Tdukli Taddalant n Yicawiyen seg tezwara n yiseggasen n 1990, yetwaqass yagi uqbel, maca ɛfan-as yimasayen (mas’ulin) iɣelnawen n waddal.