ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵀⴰⵧⵓⵛⵀⵉ ⵢⴻⵜⵜⵡⴰⵃⵕⴻⵎ ⵙⴻⴳ ⵓⵜⵜⴻⴽⴽⵉ ⴷⴻⴳ 10 ⵏ ⵜⴻⵎⵍⵉⵍⵉⵢⵉⵏ, ⴱⴻⵍⵀⴰⵏⵉ ⵙⴻⴳ 4

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵡⴰⵃⵕⴻⵎ ⵓⵄⴻⵙⵙⴰⵙ ⵏ ⵢⴻⵙⵡⵉ ⵏ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ, ⴼⴰⵡⵣⵉ ⵛⵀⴰⵧⵓⵛⵀⵉ, ⵙⴻⴳ ⵓⵜⵜⴻⴽⴽⵉ ⴷⴻⴳ 10 ⵏ ⵜⴻⵎⵍⵉⵍⵉⵢⵉⵏ, ⵎⴰ ⴷ ⴰⵎⵜⵉⵍ-ⵏⵏⴻⵙ ⵏ ⴻⵙ ⵙⴹⵉⴼ, ⴰⴱⴷⴻⵔⵔⴰⵧⵓⴼ ⴱⴻⵍⵀⴰⵏⵉ, ⵢⴻⵜⵜⵡⴰⵃⵕⴻⵎ ⵙⴻⴳ ⵓⵜⵜⴻⴽⴽⵉ ⴷⴻⴳ 4 ⵏ ⵜⴻⵎⵍⵉⵍⵉⵢⵉⵏ ⴷⴻⴼⴼⵉⵔ ⵜⵅⴻⵚⵚⴰⵔⵉⵏ ⴰⵢ ⴷ-ⵢⴻⴹⵔⴰⵏ ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⴰⵢ ⵓⵔⴰⵔⴻⵏⵜ ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ (2-2) ⴰⵙⵙ ⵏ 27 ⵎⴰⵢⵓ ⵢⴻⵣⵔⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ 30 ⵢⴻⵔⵏⵓ ⴷ ⴰⵏⴻⴳⴳⴰⵔⵓ ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵏ ⵜⵛⵉⵔⴹⴰⵔⵜ.

ⵜⴰⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⵜⵅⴻⴱⴱⴻⵔ-ⴷ ⵙ ⵓⵄⴰⵇⴻⴱ-ⴰ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⵓⴷⴻⴳ-ⵏⵏⴻⵙ ⵓⵏⵚⵉⴱ ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴰⵙⵎⵉⵍⵜ ⵏ ⵜⵓⴳⵔⵉⵏⵜ ⵜⴻⴷⴷⴻⵎ ⵕⵕⴰⵢ-ⴰ « ⴷⴻⴼⴼⵉⵔ ⵎⴰ ⵜⴻⵙⵙⵓⴽⴽ-ⴷ ⵜⵉⵟ ⵖⴻⴼ ⵜⵛⴻⵇⵇⵓⴼⵉⵏ ⴰⵢ ⴷ-ⵢⴻⴷⴷⴰⵏ ⴷⴻⴳ ⵓⴽⴰⵔⴰⵎ, ⵉⵕⴰⴱⵓⵍⴻⵏ ⵓⵏⵚⵉⴱⴻⵏ ⵏ ⵜⴻⵎⵍⵉⵍⵉⵜ, ⵜⵉⵎⴻⵙⵍⵉⵡⵜ ⵉ ⵙⵉⵏ-ⴰ ⵏ ⵢⵉⵄⴻⵙⵙⴰⵙⴻⵏ ⴷ ⵡⴻⵙⵄⴻⴷⴷⵉ ⵏ ⵜⵓⴳⵏⵉⵡⵉⵏ ⵏ ⵜⴻⵎⵍⵉⵍⵉⵜ ».

ⵜⴻⵔⵏⴰ-ⴷ ⵜⴻⵎⵖⵓⵏⵜ ⴷⴰⴽⴽⴻⵏ: « ⵉⵎⵉ ⴰⵜⵄⴻⴷⴷⵉ ⵏ ⵛⵀⴰⵧⵓⵛⵀⵉ ⵖⴻⴼ ⵓⵄⴻⵙⵙⴰⵙ ⴱⴻⵍⵀⴰⵏⵉ ⵢⴻⵍⵍⴰ-ⴷ ⴷ ⵙⵙⴻⴱⴱⴰ ⵏ ⵍⵊⴻⵔⵃ ⴰⵢ ⵉⵃⴻⵜⵜⵎⴻⵏ ⵖⴻⴼ ⴱⴻⵍⵀⴰⵏⵉ ⴰⴷ ⵢⴻⵃⴱⴻⵙ ⴰⵅⴻⴷⴷⵉⵎ 90 ⵏ ⵡⵓⵙⵙⴰⵏ, ⴰⴷ ⵢⴻⵜⵜⵡⴰⵃⵕⴻⵎ ⵓⵄⴻⵙⵙⴰⵙ ⵛⵀⴰⵧⵓⵛⵀⵉ ⵏ ⵎⵓⵍⵓⴷⴻⵢⵢⴰ ⵙⴻⴳ ⵓⵜⵜⴻⴽⴽⵉ ⴷⴻⴳ 10 ⵏ ⵜⴻⵎⵍⵉⵍⵉⵢⵉⵏ ⵢⴻⵔⵏⵓ ⴰⴷ ⵉⵅⴻⵍⵍⴻⵚ ⵍⴻⵅⴹⴻⵢⵢⴰ ⵏ 100.000 ⵏ ⵢⵉⴷⵉⵏⴰⵕⴻⵏ ».

ⵎⴰ ⴷ ⴱⴻⵍⵀⴰⵏⵉ, « ⴷⴻⴼⴼⵉⵔ ⵎⴰ ⵜⵜⵡⴰⵙⴽⴻⵢⴷⴻⵏⵜ ⵜⵛⴻⵇⵇⵓⴼⵉⵏ ⴷ-ⵢⴻⴷⴷⴰⵏ ⴷⴻⴳ ⵓⴽⴰⵔⴰⵎ ⴷ ⵡⴻⵙⵄⴻⴷⴷⵉ ⵏ ⵜⵓⴳⵏⵉⵡⵉⵏ ⵏ ⵜⴻⵎⵍⵉⵍⵉⵜ, ⵉⴱⴰⵏ-ⴷ ⴷⴰⴽⴽⴻⵏ ⵉⵡⴻⵀⵀⴰ ⵉ ⵡⴻⴳⴷⵓⴷ ⵢⵉⵡⴻⵜ ⵏ ⵜⵉⴳⴰⵡⵜ ⵢⴻⵅⴹⴰⵏ ⵉ ⵡⴰⴷⴷⴰⵍ », ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵜⵜⵡⴰⵃⵕⴻⵎ ⵙⴻⴳ ⵓⵜⵜⴻⴽⴽⵉ ⴷⴻⴳ 4 ⵏ ⵜⴻⵎⵍⵉⵍⵉⵢⵉⵏ ⵢⴻⵔⵏⵓ ⵢⴻⵜⵜⵡⴰⵅⴻⴹⴹⴰ ⵙ 50.000 ⵏ ⵢⵉⴷⵉⵏⴰⵕⴻⵏ.

ⵙ ⵡⴰⵢⴰ, ⴱⴻⵍⵀⴰⵏⵉ ⵓⵔ ⵢⴻⵜⵜⴻⴽⴽⴰⵢ ⴷⴻⴳ ⵜⴻⵎⵍⵉⵍⵉⵢⵉⵏ ⴰⴷ ⵜⵓⵔⴰⵔ ⵜⴻⵖⵍⴰⵎⵜ-ⵏⵏⴻⵙ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵡⴻⵃⵔⵉⵛ ⵏ ⵜⴽⴻⵎⵎⵉⵛⵉⵏ ⵏ ⵜⴻⵎⵖⵓⵏⵜ ⵏ ⵢⴻⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵖⴻⴼ ⵍⵊⴰⵍ ⵏ ⵍⴻⵊⵔⵓⵃ-ⵏⵏⴻⵙ, ⵎⴰ ⴷ ⵛⵀⴰⵧⵓⵛⵀⵉ ⵢⴻⵣⵎⴻⵔ ⵍⵃⴰⵍ ⵓⵔ ⴰⵙ-ⵜⴻⵜⵜⵄⴰⵡⴰⴷ ⵎⵓⵍⵓⴷⴻⵢⵢⴰ ⵍⴻⵄⵇⴻⴷ.