ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵧ ⴱⴳⴰⵢⴻⵜ: ⴷ ⵙⴻⵏⴷⵊⴰⴽ ⴰⵢ ⴷ ⴰⵙⵍⴻⵖⵎⴰⵢ ⴰⵎⴰⵢⵏⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴷ ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⵖⴻⵍⵏⴰⵡ ⴰⵇⴱⵓⵔ, ⵏⴰⵛⴻⵔ ⵙⴻⵏⴷⵊⴰⴽ, ⴰⵢ ⵢⵓⵖⴰⵍⴻⵏ ⴷ ⴰⵙⵍⴻⵖⵎⴰⵢ ⴰⵎⴰⵢⵏⵓ ⵏ ⵎⵧ ⴱⴳⴰⵢⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵣⴰⵀⵉⵔ ⴰⵜⵜⵉⴰ, ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵜⴻⵖⵍⴰⵎⵜ-ⴰ, ⵎⴰ ⴷ ⴽⴰⵎⴻⵍ ⵢⴻⵙⵍⵉ (ⵢⴻⵍⵍⴰⵏ ⴷⴻⴳ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ) ⴷ ⵏⴻⵜⵜⴰ ⴰⵢ ⴷ ⴰⵎⴰⵔⵉⵔ ⴰⵎⴻⵣⵡⴰⵔⵓ ⴰⴷ ⴷ-ⵜⴻⵙⵙⵉⴷⴻⴼ ⵜⴻⵖⵍⴰⵎⵜ-ⴰ ⵉ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ.

ⵎⵉ ⵢⴻⵙⵙⴰⵡⴻⵍ ⴷ ⵜⴻⵔⴳⴰ ⵏ « ⴱⴻⵔⴱⴻⵔ ⵜⵠ » ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⵢⴻⵏⵏⴰ-ⴷ ⴰⵜⵜⵉⴰ ⴷⴰⴽⴽⴻⵏ ⵉⴳⴰ ⴰⴽⴽ ⴰⵢⴻⵏ ⵢⴻⵙⵙⴻⴼⴽⴻⵏ ⴷ ⵙⴻⵏⴷⵊⴰⴽ ⴰⴽⴽⴻⵏ ⴰⴷ ⴷ-ⵢⵓⵖⴰⵍ ⴷⴻⴳ ⵡⴻⵎⴽⴰⵏ ⵏ ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ ⴰⵢ ⵢⴻⴷⴷⴰⵏ ⴰⴷ ⵢⴻⵙⵍⴻⵖⵎⵓ ⴻⵙ ⵙⴹⵉⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵙⴻⵏⴷⵊⴰⴽ ⴰⴷ ⵢⴻⵙⵜⴻⵏⵢⵉ ⵍⴻⵄⵇⴻⴷ-ⵏⵏⴻⵙ ⴷⴻⴳ ⵜⵙⴰⵄⵜⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ.

ⵙⴻⵏⴷⵊⴰⴽ, ⵢⴻⵙⵄⴰⵏ 63 ⵏ ⵢⵉⵙⴻⴳⴳⴰⵙⴻⵏ, ⵢⴻⵍⵍⴰ ⴷ ⴰⵙⵍⴻⵖⵎⴰⵢ ⵏ ⵧⵍⵢⵎⵒⵉⵇⵓⴻ ⵏⵧⵉⵙⵢ-ⵍⴻ-ⵙⴻⵛ (ⴼⵕⴰⵏⵙⴰ), ⵢⴻⵙⵍⴻⵖⵎⴰ ⵙⵏⴰⵜ ⵏ ⵜⵉⴽⴽⴰⵍ ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ, ⵜⴰⵎⴻⵣⵡⴰⵔⵓⵜ ⴷⴻⴳ 2003, ⵎⴰ ⴷ ⵜⵉⵙ ⵙⵏⴰⵜ ⴷⴻⴳ ⴳⴰⵔ 2012 ⴷ 2013, ⵢⴻⵔⵏⵓ ⵢⴻⵙⵙⴰⵡⴻⴹ ⵜⴰⵖⵍⴰⵎⵜ-ⴰ ⴰⴷ ⴷ-ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ ⴷⴻⴳ 2003.

ⵢⴻⵙⵍⴻⵖⵎⴰ ⴷⴰⵖ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴳⴰⵔ ⵢⴻⵏⵏⴰⵢⴻⵔ ⴷ ⵢⴻⴱⵔⵉⵔ ⵏ 2000 ⵉ ⵍⵎⴻⵏⴷ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ.

ⴷⴻⴳ ⵛⵛⵖⴻⵍ-ⴰ-ⵏⵏⴻⵙ ⴰⵎⴰⵢⵏⵓ ⴷⴻⴳ ⵎⵧ ⴱⴳⴰⵢⴻⵜ, ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⵓⵎⴰⵍⴰⵍ (ⵎⵓⵙⴰⵄⵉⴷ) ⵏ ⵙⴻⵏⴷⵊⴰⴽ ⵢⴰ ⴷ ⵎⵧⵓⵙⵙⴰ ⵙⴰⵉⴱ, ⵢⴰ ⴷ ⵙⵍⵉⵎⴰⵏⴻ ⵔⴰⵀⵧ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵜⵜⵉⴰ ⴰⵢ ⵢⵓⵖⴰⵍⴻⵏ ⴷ ⴰⵙⴻⵍⵡⴰⵢ ⵏ ⵜⴻⵖⵍⴰⵎⵜ-ⴰ ⴰⵙⵙ ⵏ ⵍⴻⵅⵎⵉⵙ ⵢⴻⵣⵔⵉⵏ.

ⵎⴰ ⴷ ⴰⵍⴻⵎⵎⴰⵙ ⵏ ⵡⴻⵏⵔⴰⵔ ⵢⴻⵙⵍⵉ, ⴰⵢ ⵢⴻⴵⴵⴰⵏ ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⴷⴻⴳ ⵜⵍⴻⵎⵎⴰⵙⵜ ⵏ ⵓⵙⴻⴳⴳⴰⵙ ⵏ 2015-2016, ⴷ ⵏⴻⵜⵜⴰ ⴰⵢ ⴷ ⴰⵎⴰⵔⵉⵔ ⴰⵎⴻⵣⵡⴰⵔⵓ ⴰⴷ ⴷ-ⵜⴻⵙⵙⵉⴷⴻⴼ ⵎⵧ ⴱⴳⴰⵢⴻⵜ ⵉ ⵜⵙⴻⵎⵀⵓⵢⵜ ⵜⴰⵎⴰⵢⵏⵓⵜ, ⵢⴻⵔⵏⵓ ⵍⴰ ⵢⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵢⵓⵔⴰⵔ ⴷⴻⴳ ⵡⴻⵃⵔⵉⵛ ⵏ ⵜⴽⴻⵎⵎⵓⵛⵉⵏ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ, ⴷ ⵜⴰⵇⴱⵓⵛⵜ ⴰⵢⴷⴻⴳ ⴰⴷ ⵜⴻⵜⵜⴻⴽⴽⵉ ⵎⵧ ⴱⴳⴰⵢⴻⵜ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ.