Asebter amenzawi

Iminigen : mmuten ugar 10.000 yemdanen deg yillel Agrakal seg useggas 2014

GENEVE – Mmuten ugar n 10.000 n yiminigen deg yillel Agrakal, mi kkren ad zegren ɣer Turuft, seg useggas 2014 ar ass-a, i d-yenna ass n ttlata deg Genève yiwen n umutlay n Useqqamu Unnig n Tuddsa n Yiɣlanen Yedduklen(ONU) i yizrazaɣen (HCR).

Deg useggas n 2014, mmuten 3.500 n yimdanen deg yillel Agrakal, aseggas-a yezrin 3.771, rnu-as tamettant n 2.814 seg yebda useggas n 2016, i d-yesded umutlay, tudder-iten-id Tnegga n AFP, iderrer-d dakken deg useggas-a, azwil n wid yemmuten deg yillel Agrakal simmal yettnerni, ‘’yessaweḍ tura ɣer wugar n 10.000’’.

Amnar-a, i yerna yenna-d, zegren-t ǧǧan-t ɣer deffir deg wussan-a yezrin’’.

Seg yidis-is, Tuddsa Tagraɣlant n Yiminigen (OIM), tezder deg Genève, ur tcudd ɣer Tuddsa n Yiɣlanen Yedduklen(ONU), tettwali dakken seg-mi yebda useggas n 2016 mmuten 2.809 yemdanen deg yillel Agrakal, ma nquren-iten ɣer kraḍ wayyuren n useggas 2015, mmuten 1.838 yimdanen.