ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ: ⴱⵧⵓⴷⴻⴱⵧⵓⴷⴰ ⴷ ⴰⵎⴰⵔⵉⵔ ⵡⵉⵙ 3 ⴰⴷ ⴷ-ⵜⴻⵙⵙⵉⴷⴻⴼ ⵎⵛ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵏⵢⴰ ⵡⴻⵎⵃⴰⴷⴷⵉ ⴱⵔⴰⵀⵉⵎ ⴱⵧⵓⴷⴻⴱⵧⵓⴷⴰ ⵏ ⵓⵙⵎ ⵍⴻⵣⵣⴰⵢⴻⵔ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⵜⴻⵖⵍⴰⵎⵜ ⵏ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⵢⴻⵔⵏⵓ ⴷ ⵏⴻⵜⵜⴰ ⴰⵢ ⴷ ⴰⵎⴰⵔⵉⵔ ⴰⵎⴰⵢⵏⵓ ⵡⵉⵙ 3 ⴰⵢ ⴷ-ⵜⴻⵙⵙⵓⴷⴻⴼ ⵎⵓⵍⵓⴷⴻⵢⵢⴰ ⵉ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⴰⵢ ⴷ-ⵢⴻⵜⵜⴻⴷⴷⵓⵏ.

ⵉⵎⵉⴷⵉⵙ-ⴰ ⴰⵣⴻⵍⵎⴰⴹ ⴰⴳⵔⴰⵖⵍⴰⵏ ⵢⴻⴼⴼⴻⵖ-ⴷ ⵖⴻⵔ ⵜⵖⴻⵎⵙⴰ ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵡⴻⵙⵜⴻⵏⵢⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵜⴻⵖⵍⴰⵎⵜ ⵏ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵍⴻⵄⵇⴻⴷ-ⴰ ⵢⴻⵍⵍⴰ-ⴷ ⴷ « ⵓⵖⴰⵍ ⵖⴻⵔ ⵍⴰⵚⴻⵍ » ⵉ ⵓⵎⴰⵔⵉⵔ-ⴰ ⵏ 26 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⴼⵔⴰⴽ ⴰⵎⴰⵜⵓ ⵏ ⵜⴻⵖⵍⴰⵎⵜ, ⵏⴰⵛⴻⵔ ⴱⵧⵓⵉⵛⵀⴻ, ⵉⵎⵉ ⴰⵢ ⵢⴻⴱⴷⴰ ⴱⴻⵏⴷⴻⴱⵧⵓⴷⴰ ⵓⵔⴰⵔ ⴷⴻⴳ ⵎⵓⵍⵓⴷⴻⵢⵢⴰ ⵙⴻⴳ 2011, ⵙⴰⴽⴽⵉⵏ ⵢⴻⴷⴷⴰ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ ⵜⴰⴼⵕⴻⵏⵙⵉⵙⵜ ⵏ ⵎⴰⵏⵙ ⴳⴰⵔ 2011 ⴷ 2012.

ⴷⴻⴼⴼⵉⵔ ⵓⵎⴻⵛⵡⴰⵕ-ⵏⵏⴻⵙ ⴰⵡⴻⵣⵍⴰⵏ ⴷⴻⴳ ⴼⵕⴰⵏⵙⴰ, ⵢⵓⵖⴰⵍ-ⴷ ⵖⴻⵔ ⵍⴻⵣⵣⴰⵢⴻⵔ ⴰⵏⴷⴰ ⴰⵢ ⵢⵓⵔⴰⵔ ⴷ ⵓⵙⵎ ⵍⴷⵣⴰⵢⴻⵔ ⴰⵔⵎⵉ ⴷ ⵓⵙⵙⴰⵏ-ⴰ, ⵎⵉ ⵉⴼⵓⴽ ⵍⴻⵄⵇⴻⴷ-ⵏⵏⴻⵙ.

« ⵓⵎⴰⵔⴻⵖ (ⴼⴻⵕⵃⴻⵖ) ⴰⵟⴰⵙ ⵉⵎⵉ ⴰⵢ ⴷ-ⵓⵖⴰⵍⴻⵖ ⵖⴻⵔ ⵜⴻⵖⵍⴰⵎⵜ ⴰⵢ ⵉⵢⵉ-ⵢⴻⵙⵙⴰⵍⵖⴻⵏ. ⴰⴷ ⴷ-ⴼⴽⴻⵖ ⴰⴽⴽ ⴰⵢⴻⵏ ⵓⵎⵉ ⵣⴻⵎⵔⴻⵖ ⴰⴽⴽⴻⵏ ⴰⴷ ⵄⴰⵡⵏⴻⵖ ⵜⴰⵖⵍⴰⵎⵜ-ⵉⵏⵓ ⴰⴷ ⴷ-ⵜⴻⵔⴱⴻⵃ ⴰⵔⵔⴰⵣⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵉⵔ-ⴰ.

ⴰⵙⵙ ⵏ ⵙⵙⴻⴱⵜ, ⵜⴻⵙⵙⴰⴷⴻⴼ-ⴷ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⵙⵉⵏ ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ: ⴰⵍⴻⵎⵎⴰⵙ ⵏ ⵡⴻⵏⵔⴰⵔ ⴰⵎⴻⵏⵟⴰⴳ ⵏ ⵎⵧ ⴱⴳⴰⵢⴻⵜ, ⵣⴰⵀⵉⵔ ⵣⴻⵔⴷⴰⴱ, ⴷ ⵓⵎⴻⵏⵟⴰⴳ ⵏ ⴰⵙⵎ ⵡⴻⵀⵕⴰⵏ, ⴰⵏⵜⴰⵔ ⴷⵊⴻⵎⴰⵧⵓⵏⵉ.

ⴰⵄⴻⵙⵙⴰⵙ ⵏ ⵢⴻⵙⵡⵉ, ⴼⴰⵔⵉⴷ ⵛⵀⴰⴰⵍ, ⴰⵢ ⵜⴻⵔⴹⴻⵍ ⵎⵓⵍⵓⴷⴻⵢⵢⴰ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ ⵉ ⵓⵙⵎ ⵍⵃⴻⵕⵕⴰⵛ, ⵢⴻⵇⴱⴻⵍ ⴰⴷ ⴷ-ⵢⵓⵖⴰⵍ ⵖⴻⵔ ⵎⵓⵍⵓⴷⴻⵢⵢⴰ ⴷⴻⴼⴼⵉⵔ ⵎⴰ ⵢⴻⵏⵏⴰ-ⴷ, ⵏⴰⵇⴰⵍ, ⴰⴷ ⵢⴻⵜⵜⵉⵅⴻⵔ. ⴷ ⵏⴻⵜⵜⴰ ⴰⴷ ⴷ-ⵢⵓⵖⴰⵍⴻⵏ ⴷⴻⴳ ⵡⴻⵎⴽⴰⵏ ⵏ ⵓⵄⴻⵙⵙⴰⵙ ⴼⴰⵧⵓⵣⵉ ⵛⵀⴰⵧⵓⵛⵀⵉ ⴰⵢ ⵜⴻⵃⵕⴻⵎ ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⵙⴻⴳ ⵓⵜⵜⴻⴽⴽⵉ ⴷⴻⴳ 10 ⵏ ⵜⴻⵎⵍⵉⵍⵉⵢⵉⵏ.

ⴰⵔⵎⵉ ⴷ ⴰⵙⵙ ⵡⵉⵙ 29 ⵏ ⵜⴻⵍⵖⵓⵖⴰ ⴰⵢ ⵜⴻⵙⵙⴰⵡⴻⴹ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⴰⴷ ⵜⴻⴹⵎⴻⵏ ⵜⵉⵖⵉⵎⵉⵜ-ⵏⵏⴻⵙ ⴷⴻⴳ ⵜⴻⵎⵖⵓⵏⵜ 1ⵓⵜ ⵢⴻⵔⵏⵓ ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵏⴷⴰ ⴰⴷ ⴰⵙ-ⵢⴻⴹⵔⵓ ⵡⴰⵢⴰ. ⵜⵉⴽⴽⴻⵍⵜ-ⴰ, ⵍⴰ ⵜⴻⵙⵙⴻⴼⵔⴰⵢ ⵜⴻⵖⵍⴰⵎⵜ-ⴰ ⴰⴷ ⴷ-ⵜⴻⴱⵏⵓ ⵉⵖⴰⵍⵍⴻⵏ ⴰⴷ ⵜⵜ-ⵢⴻⵙⵙⵉⵡⴹⴻⵏ ⵖⴻⵔ ⵢⵉⵎⵓⴽⴰⵏ ⵉⵎⴻⵣⵡⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵍⴻⵖⵎⴰⵢ-ⵏⵏⴻⵙ (ⵎⵓⴷⴰⵔⵔⵉⴱ) ⴰⵎⴰⵢⵏⵓ, ⴷⵊⴰⵎⴻⵍ ⵎⴻⵏⴰⴷ.

ⵜⴰⵖⵍⴰⵎⵜ-ⴰ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵢ ⵉⵔⴻⴱⵃⴻⵏ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ, ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵥⵔⵉⴳⵜ (ⵟⴰⴱⵄⴰ) ⴰⵢ ⴷ-ⵢⴻⵜⵜⴻⴷⵓⵏ ⵏ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ.