ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵜⴻⴹⴹⴻⴼ ⵜⵔⴻⴷⵙⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ

ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – ⵜⴻⴹⴹⴻⴼ ⵜⵔⴻⴷⵙⴰ (ⴵⴰⵢⵛ) ⵜⵉⵙⵕⴰⵢⵉⵍⵉⵜ 16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ (ⵏⴰⴷⵉ) ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ.

ⴳⴰⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⵢⵉⵡⴻⵜ ⵏ ⵜⴻⵥⴷⴰⵎⵜ ⵖⴻⴼ ⵜⴻⵎⴷⵉⵏⵉⵏ ⵏ ⵔⴰⵎⴰⵍⵍⴰⵀ, ⴱⴻⵉⵜ ⵍⴰⵀⵎ, ⵍⵅⴰⵍⵉⵍ, ⵇⴰⵍⵇⵉⵍⵢⴰ ⴷ ⴵⵉⵏⵉⵏ, ⴷ ⵡⴰⵛⵃⴰⵍ ⵙⴻⴳ ⵢⴻⴳⵎⴰⵎⴻⵏ ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ, ⵢⴻⵔⵏⵓ ⵜⵜⵡⴰⴹⴹⴼⴻⵏ, ⵙ ⵓⵊⴻⵎⵎⴰⵍ, 16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵥⴷⴰⵎⵉⵏ-ⴰ.

ⵜⴰⵔⴻⴷⵙⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵍⴰ ⵜⴻⵜⵜⴻⴳ ⵢⴰⵍ ⴰⵙⵙ ⵜⵉⵃⴻⵎⵍⵉⵢⵉⵏ ⵜⵉⴷⴻⵔⵖⴰⵍⵉⵏ ⵏ ⵜⵓⴹⴹⴼⴰ ⴰⵢⴷⴻⴳ ⵜⴻⵜⵜⴰⴹⴹⴰⴼ ⵜⵉⵎⴻⵔⵡⵉⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⴷ ⵜⵓⴷⴷⴰⵔ ⵏ ⵓⴳⴻⵎⵎⴰⴹ ⵓⵜⵔⵉⵎ ⵖⴻⴼ ⵙⵙⴻⴱⴱⴰⵜ ⵢⴻⵎⴳⴻⵔⵔⴰⴷⴻⵏ.

ⴰⵣⴰⵍ ⵏ 7.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015, ⴳⴰⵔ-ⴰⵙⴻⵏ 400 ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵢⵉⵡⴻⵜ ⵏ ⵜⴻⵛⵔⴰⵡⵜ ⵜⵓⵏⵚⵉⴱⵜ.