ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⴼⵔⴻⵇ ⴼⵛⴻ ⴰⵣⴰⵍ 100.000 ⵏ ⵢⵉⴹⴻⵍⵍⴰⵄⴻⵏ ⵉ ⵡⵉⴷ ⵢⴻⵃⵡⴰⴵⴻⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 100.000 ⵏ ⵢⵉⴹⴻⵍⵍⴰⵄⴻⵏ ⴰⵔⴰ ⵢⴻⴼⵔⴻⵇ ⵓⵏⵎⴰⴳⴻⵔ ⵏ ⵢⵉⵖⴻⵍⵍⴰ ⵏ ⵜⴻⵕⵎⵉⵙⵉⵏ (ⴼⵛⴻ) ⵉ ⵡⵉⴷ ⵢⴻⵃⵡⴰⴵⴻⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵜⵎⴰⵏⴻⵖⵜ ⵓⵙⴻⵍⵡⴰⵢ ⵏ ⴼⵛⴻ, ⴰⵍⵉ ⵀⴰⴷⴷⴰⴷ, ⵎⵉ ⵉⵛⴰⵔ ⵜⴰⵥⵔⵉⴳⵜ ⵜⵉⵙ 2 ⵏ ⵡⴰⵀⵉⵍ-ⵉⵙ "ⴼⵛⴻ ⴰⵎⵙⴻⵜⵍⴻⵍ".

‘’ⵉⵀⴻⵢⵢⴰ-ⴷ ⴼⵛⴻ ⴰⴽⴽⴻⴷ ⵜⵉⴷⴷⵓⴽⵍⴰ ⵙⵉⴷⵔⴰ, ⴰⴷ ⵢⴻⴼⵔⴻⵇ100.000 ⵏ ⵢⵉⴹⴻⵍⵍⴰⵄⴻⵏ ⵏ ⵡⵓⵞⵞⵉ ⴷⴻⴳ ⵡⴰⵢⵢⵓⵔ ⵉⵎⵇⴻⴷⴷⴻⵙ ⵏ ⵔⴻⵎⴹⴰⵏ, ⴰⴷ ⵜⵃⴰⵣ ⵜⴻⵎⵣⴻⵍⵜ-ⴰ 1 ⵏ ⵓⵎⴻⵍⵢⵓⵏ ⵏ ⵢⵉⵎⴷⴰⵏⴻⵏ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ "ⴼⵛⴻ ⴰⵎⵙⴻⵜⵍⴻⵍ", ⵉ ⴷ-ⵢⴻⵙⴷⴻⴷ ⵎⴰⵙⵙ ⵀⴰⴷⴷⴰⴷ ⵎⵉ ⵉⵛⴰⵔ ⵜⴰⵎⵣⴻⵍⵜ-ⴰ, ⵙ ⵜⵉⵀⴰⵡⵜ ⵏ ⵍⵡⴰⵍⵉ ⵏ ⵜⵎⴰⵏⴻⵖⵜ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴰⴽⴽⴻⴷ ⵓⵎⴰⵔⴰⵢ ⴰⵎⴰⵜⵓ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ (ⵓⴳⵜⴰ), ⴰⴱⴷⴻⵍⵎⴰⴷⵊⵉⴷ ⵙⵉⴷⵉ ⵙⴰïⴷ.

ⵜⴰⵥⵔⵉⴳⵜ ⵜⵉⵙ 2 ⵏ ⵡⴰⵀⵉⵍ "ⴼⵛⴻ ⴰⵎⵙⴻⵜⵍⴻⵍ" ⵉⴷⴻⴳ ⵏⴻⵃⴷⴻⵔ ⵉ ⵓⵛⵉⵔⵉ ⵏ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵎⵣⴻⵍⵜ ⵏ ⵓⴼⵔⴰⵇ ⵏ ⵢⵉⴹⴻⵍⵍⴰⵄⴻⵏ, ⵜⴻⵙⵄⴰ ⴷⴷⴻⵇⵙ ⵏ ⵜⵉⴳⴰⵡⵉⵏ ⵏ ⵜⴻⵎⵙⴻⵜⵍⴻⵍⵜ ⵉ ⵍⴼⴰⵢⴷⴰ ⵏ ⵜⴰⴳⴳⴰⵢⵉⵏ ⵢⴻⵃⵡⴰⴵⴻⵏ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵎⴰⵙⵙ ⵀⴰⴷⴷⴰⴷ, ⵢⴻⵙⵎⴻⴽⵜⴰ-ⴷ ⴷⴰⴽⴽⴻⵏ ⵜⴰⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵜⴻⵜⵜⵡⴰⵙⵓⴷⴷⴻⵙ ⴷⴻⴳ ⵓⵙⴻⴳⴳⴰⵙ ⵢⴻⵣⵔⵉⵏ ⵏ 2015.