Asebter amenzawi

Ad ciren sya s ayyur imuhal n lebni n teṛmist n temzerbaḍ Ain Yagout (Tabatent)

TABATENT - Imuhal n lebni n usenfar n teṛmist n useḍru n temzerbaḍ, deg ufrag amguran n tɣiwant n Ain Yagout (Tabatent), ‘’ad bdun sya s ayyur’’, i d-yenna ass larebɛa i Tnegga n APS unemhal n teẓwert akked lminat, Ali Benyekhlef.

Ad bdun yimuhal-a mi ara kfun wid n uheyyi n tqaɛet akked wid n uẓerreb, i d-yenna umasay-a, akud i yes-s teddun yimuhal-a ‘’igerrez’’, ma d tamzerbeḍt tamezwarut n teṛmist ad tt-id-nfares deg useggas 2018.

D agmuḍ n yiwen n ucrak gar udefrir aɣelnaw Sonelgaz (51%) akked udefrir amarikani General Electric (49 %), taṛmist-a ad yessiweḍ tamurt-nneɣ s afares n temzerbaḍ, n udefrir amrewtrisiti akked tmacinin n unzaḍ seg lembeɛd n temzerbuḍt i d-nketter tura seg lberrani, i d-yenna umasay-nni.

Mi ara yekfu usenfar-a, ad tekcem Lezzayer s aqusis uḍyiq n tza (9) tmura tinfarasin temzerbaḍ akka ara tuɣal d tanfarast tamezwarut deg umaḍal aɛrab akked Tefriqt, i d-yenna, iderrer-d dakken taṛmist ad tezmer ad tfares 6 ar 10 temzerbaḍ i useggas.