ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴳⴻⵔ-ⴷ ⴱⵧⵓⴷⵉⴰⴼ ⵜⵉⵖⵔⵉ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵡⴻⴱⴳⴰⵙ ⵎⴳⴰⵍ ⵡⴰⴹⴹⴰⵏ ⵏ ⵓⵙⵉⴷⴰ
ⵡⴰⵙⵀⵉⵏⴳⵜⵧⵏ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⵎⴰⵙⵙ ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⵉ ⵓⵄⴻⵡⵡⴻⵍ ⴰⴳⵔⴰⵖⵍⴰⵏ ⵢⴻⵣⴳⴰⵏ ⵎⴳⴰⵍ ⵡⴰⴹⴹⴰⵏ ⵏ ⵓⵙⵉⴷⴰ, ⴷ ⵡⵉⵏ ⴰⵢⴷⴻⴳ ⴰⴷ ⵜⵜⵡⴰⴹⴻⵎⵏⴻⵏ ⵢⵉⵙⴰⴼⴰⵔⴻⵏ ⵉ ⵢⴻⵎⴷⴰⵏⴻⵏ ⵓⵔ ⵢⴻⵣⵎⵉⵔⴻⵏ ⴰⴷ ⵜⴻⵏ-ⵉⴷ-ⴰⵖⴻⵏ.
ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵡⴻⵙⵡⵉⵔ ⵓⵏⵏⵉⴳ ⴷⴻⴳ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵡⴰⴹⴹⴰⵏ ⵏ ⵓⵙⵉⴷⴰ (ⴰⵢ ⵢⴻⴱⴷⴰⵏ ⴰⵙⵙ ⵏ 8 ⵢⵓⵏⵢⵓ ⴷⴻⴳ ⵏⴻⵡ ⵢⵧⵔⴽ), ⵢⴻⵏⵏⴰ-ⴷ ⵎⴰⵙⵙ ⴱⵧⵓⴷⵉⴰⴼ ⴷⴰⴽⴽⴻⵏ ⵉⵙⵡⵉ ⵏ ⵓⵙⵙⴻⴱⴳⴻⵙ ⵡⵓⵖⵓⵔ ⴷ-ⵜⴳⴻⵔ ⵍⴻⵣⵣⴰⵢⴻⵔ ⵜⵉⵖⵔⵉ ⵏⴻⵜⵜⴰ ⴷ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⵢⴻⵣⴳⴰⵏ, ⵍⴰⴷⵖⴰ ⵡⵉⴷ ⵢⴻⵇⵇⵏⴻⵏ ⵖⴻⵔ ⵙⵙⵓⵎⴰ ⵖⵍⴰⵢⴻⵏ ⵏ ⵢⵉⵙⴰⴼⴰⵔⴻⵏ ⴷ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⵓⵎⵉ ⵓⵔ ⵣⵎⵉⵔⴻⵏ ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⴰ ⵏ ⵡⴻⵏⵥⵓⵍ (ⴵⴰⵏⵓⴱ).
ⵢⴻⵔⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵙⵙⴻⴱⴳⴻⵙ ⴰⴳⵔⴰⵖⵍⴰⵏ ⵉⵙⵡⵉ-ⵏⵏⴻⵙ ⴷ ⴰⵔⵥⴰⵎ ⵏ ⵜⴻⵡⵡⵓⵔⴰ ⵉ ⵡⴰⴽⴽ ⵉⵎⴷⴰⵏⴻⵏ ⵏ ⵓⵎⴰⴹⴰⵍ, ⵍⴰⴷⵖⴰ ⵉⵎⴷⴰⵏⴻⵏ ⵓⴹⵄⵉⴼⴻⵏ, ⴰⴽⴽⴻⵏ ⴰⴷ ⴷⴰⵡⵉⵏ ⴷ ⵢⵉⵎⴻⵏⵖⵉ ⵎⴳⴰⵍ ⵓⵎⴻⵃⵢⴰⴼ ⴷⴻⴳ ⵡⴰⵢⴰ.
« ⵍⴻⵣⵣⴰⵢⴻⵔ, ⴰⵢ ⵉⴱⴻⴷⴷⴻⵏ ⴷ ⵡⴰⴷⴷⵓⴷ ⴰⴼⵔⵉⵇⵉ ⵓⵛⵔⵉⴽ, ⵜⴻⵜⵜⵡⴰⵍⵉ ⴰⵙⵙ-ⴰ ⴷⴰⴽⴽⴻⵏ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⴰⴷ ⵏⴻⴹⵎⴻⵏ ⵉ ⵢⵉⵎⴻⵣⴷⴰⵖⴻⵏ-ⵏⵏⴻⵖ ⴰⵣⵔⴻⴼ ⵏ ⵓⴷⴰⵡⵉ, ⵢⴻⵙⵙⴻⴼⴽ ⴰⴷ ⵏⴻⵛⵔⴻⴽ ⵜⵜⴻⵊⵕⵉⴱⴰⵜ-ⵏⵏⴻⵖ, ⴰⴷ ⴷ-ⵢⵉⵍⵉ ⵓⵙⵙⴻⴽⴽⵉ (ⵏⴰⵇⵍ) ⵏ ⵜⴻⵙⵏⴰⵜⵡⵉⵍⵉⵏ ⵢⴻⵔⵏⵓ ⴰⴷ ⴷ-ⵉⵍⵉⵏⵜ ⵜⵉⵛⵛⵓⵔⴽⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴷⵖⴰ ⵢⴻⵔⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵙⵉⴷⴰ « ⵢⴻⵜⵜⵖⵉⵎⵉ-ⴷ ⴷ ⴰⵛⵇⵉⵔⵔⴻⵡ ⵏ ⵜⵉⴷⴻⵜ, ⵓⵍⴰ ⵎⴰ ⵍⵍⴰⵏ-ⴷ ⵢⴻⴳⵎⴰⴹ ⵢⴻⵜⵜⵡⴻⵄⵊⴰⴱⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⵡⴰⵏ ⵏ ⵓⵎⴰⴳⵉⵎ (ⴰⵍⴼⵉⵢⵢⴰ) ⵉ ⵡⴻⵙⵏⴻⴼⵍⵉ ⵏ ⵜⵓⵙⵙⵏⴰ ».
