ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴻⵏⵖⴻⵏ 4 ⵏ ⵢⵉⵔⴻⵎⵎⴰⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵎⴷⴻⵢⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵖⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ (ⵎⴰⴼⵔⴰⵣⴰ) ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ 4 ⵏ ⵢⵉⵔⴻⵎⵎⴰⵖⴻⵏ (ⵉⵔⴱⴰⵀⵉⵢⵢⵉⵏ) ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵎⴷⴻⵢⵢⴰ, ⴷⴻⴳ ⵢⵉⵡⴻⵜ ⵏ ⵜⴻⵎⵀⴻⵍⵜ ⴰⵢ ⵎⴰⵣⴰⵍ ⵍⴰ ⵜⴻⵜⵜⴽⴻⵎⵎⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ), ⵜⴻⵏⵖⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ 8 ⵢⵓⵏⵢⵓ 2016 ⵖⴻⴼ ⵜⵉⵙ 10:00 ⵏ ⵢⵉⴹ, 4 ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵢⵉⵡⴻⵏ ⵏ ⵡⴻⴽⵎⵉⵏ ⴰⵢ ⵢⴻⵜⵜⵡⴻⵏⴷⵉⵏ ⴷⴻⴳ ⵜⴻⵎⵏⴰⴹⵜ ⵏ ⵔⵧⵓⴰⴽⴻⵛⵀⴻ, ⵙⴷⴰⵜ ⵜⵖⵉⵡⴰⵏⵜ ⵏ ⴱⴻⵄⵟⴰ, ⴷⴻⴳ ⵜⵡⵉⵍⴰⵢⵜ ⵏ ⵍⴻⵎⴷⴻⵢⵢⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ 1ⵓⵜ), ⵢⴻⵔⵏⵓ ⵜⵜⵡⴰⵍⴻⵇⴹⴻⵏ-ⴷ 4 ⵏ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ ⴷ ⵜⴻⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵍⵄⵓⵍⴰ ⵏ ⵢⵉⵎⴻⵏⵖⵉ. ⵜⴻⵜⵜⵡⴰⵙⵙⴻⴷⵔⴻⵎ ⴷⴰⵖ ⵢⵉⵡⴻⵜ ⵏ ⵜⵙⴻⴷⴷⴰⵔⵉⵜ ⴷ ⵢⵉⵡⴻⵜ ⵏ ⵍⴱⵓⵎⴱⴰ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ. ⵜⴰⵎⵀⴻⵍⵜ-ⴰ ⵎⴰⵣⴰⵍ ⵍⴰ ⵜⴻⵜⵜⴽⴻⵎⵎⵉⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

« ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵔⵏⵓ ⴷⴻⴳ ⵓⴽⴰⵜⴰⵔ ⵏ ⵡⴻⵃⵔⴰⵣ ⵏ ⵜⵍⵉⵙⴰ ⴷ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⴹⴹⴼⴻⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵏ ⴱⴻⵛⵛⴰⵕ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3) ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⵜⴰⴽⴰⵏⵔⴰⵔⵜ ⴰⵢ ⴷ-ⵉⵄⴻⴱⴱⴰⵏ 375,8 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ ⵢⴻⵜⵜⵡⴰⵚⴻⴼⴼⴰⵏ ⴷ 129 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵜⵍⴻⵎⵙⴰⵏ (ⵜⴰⵎⵏⴰⴹⴰⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ.