ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⵓⵖⴰⵍ-ⴷ ⵓⵥⴰⵡⴰⵏ ⵏ ⵛⵛⴻⵄⴱⵉ ⵖⴻⵔ « ⵟⵟⴻⵃⵟⴰⵃⴰ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵢⵉⴹ, ⵓⵛⴻⵏⵏⴰⵢ ⴰⵜⵀⵎⴰⵏⴻ ⵔⵧⵓⵉⴱⵉ, ⵢⵉⵡⴻⵏ ⵏ ⵓⵀⴰⵏⴰⵢ (ⵄⴰⵔⴹ) ⵏ ⵓⵥⴰⵡⴰⵏ ⵏ ⵛⵛⴻⵄⴱⵉ ⴰⵢⴷⴻⴳ ⴷ-ⵉⵡⴻⵜ ⵜⵉⵇⵙⵉⴷⵉⵏ ⵜⵉⵇⴱⵓⵔⵉⵏ ⵏ ⵜⴳⴻⵎⵎⵉ ⵏ ⵓⵥⴰⵡⴰⵏ-ⴰ, ⴷⴻⴳ « ⵟⵟⴻⵃⵟⴰⵃⴰ » ⵏ ⵓⵙⴰⴳⴻⵏ (ⵎⵉⵏⴰ’) ⵏ ⵍⴻⵣⵣⴰⵢⴻⵔ.
ⵉⵙⴻⴼⵔⴰ ⵏ ⴰⵜⵀⵎⴰⵏⴻ ⵔⵧⵓⵉⴱⵉ ⴷ ⵉⴼⵔⴰⵡⴰⵏⴻⵏ, ⵓⵣⵣⵍⴻⵏ ⴰⵎ ⵡⴰⵎⴰⵏ ⴷⴻⴳ ⵡⴰⵙⵉⴼ, ⵎⴰ ⴷ ⴰⵥⴰⵡⴰⵏ ⵏ ⵡⴰⵍⵍⴰⵍⴻⵏ ⵢⴻⵜⵜⵡⴻⵜ ⴰⴽⴽⴻⵏ ⵉⴳⴻⵔⵔⴻⵣ, ⴷⵖⴰ ⵙ ⵡⴰⵢⴰ ⴰⵢ ⴷ-ⵜⴻⵍⵍⴰ ⵜⵙⴻⵀⵕⴰ ⵜⴰⵎⴻⵣⵡⴰⵔⵓⵜ ⵏ ⵛⵛⴻⵄⴱⵉ ⵉ ⵡⴰⵢⵢⵓⵔ-ⴰ ⵏ ⵔⴻⵎⴹⴰⵏ ⴷⴻⴳ ⵡⴻⵎⵕⴰⵃ-ⴰ ⵏ ⵢⵉⵏⴰⵥⵓⵔⴻⵏ ⴷ-ⵢⵓⵙⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⴰⵏⴻⵖⵜ. ⴷ ⴰⵖⵙⵓⵔ ⵏ ⵜⵥⵓⵔⵉⵢⵉⵏ ⴷ ⵢⴻⴷⵍⴻⵙ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴰⵢ ⵢⴻⵙⵙⵓⴷⴷⵙⴻⵏ ⴰⵀⴰⵏⴰⵢ-ⴰ.
ⴰⵜⵀⵎⴰⵏⴻ ⵔⵧⵓⵉⴱⵉ, ⵢⴻⵍⵍⴰⵏ ⴷ ⴰⵏⴰⵥⵓⵔ ⵓⵔ ⴷ-ⵢⴻⵜⵜⴱⴰⵏⴻⵏ ⴰⵟⴰⵙ ⴷⴻⴳ ⵡⴻⵏⵔⴰⵔ, ⴷ ⵢⵉⵡⴻⵏ ⵙⴻⴳ ⵢⵉⵛⴻⵏⵏⴰⵢⴻⵏ ⵢⴻⵜⵜⵡⴰⵃⴻⵎⵎⵍⴻⵏ ⴷⴻⴳ ⵓⵥⴰⵡⴰⵏ ⵏ ⵛⵛⴻⵄⴱⵉ. ⵉⵃⴻⵎⵎⴻⵍ ⴰⴷ ⴷ-ⵉⵡⴻⵜ ⵜⵉⵇⵙⵉⴷⵉⵏ ⵢⴻⵔⵏⵓ ⵢⴻⵙⵄⴰ ⵜⴰⵖⴻⵛⵜ ⵢⴻⵚⴼⴰⵏ. ⴰⵛⴻⵏⵏⴰⵢ-ⴰ ⴷ ⵢⵉⵡⴻⵏ ⵙⴻⴳ ⵢⴻⵔⴼⵉⵇⴻⵏ ⵏ ⴻⵍ ⵀⴰⵛⵀⴻⵎⵉ ⴳⵓⴻⵔⵧⵓⴰⴱⵉ, ⵢⴻⵔⵏⵓ ⵢⴻⵜⵜⴰⴽⴼ ⵉ ⵢⵉⵎⴰⵏ-ⵏⵏⴻⵙ ⵜⵉⵍⴻⵍⵍⵉ ⴷⴻⴳ ⵜⵢⵉⵜⴰ ⵏ ⵓⵥⴰⵡⴰⵏ, ⵉⵎⵉ ⴰⵢ ⵉⵃⴻⵎⵎⴻⵍ ⴰⴷ ⵉⵏⴻⴳⴳⴻⵣ ⵙⴻⴳ ⵓⵙⴻⵏⵜⴻⵍ ⵏ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⴷ ⵜⵎⴻⵜⵜⵉ ⵖⴻⵔ ⵡⵉⵏ ⵏ ⵜⴰⵢⵔⵉ ⴷ ⵢⵉⵙⴻⵏⵜⴰⵍ ⵏⵉⴹⴻⵏ.
ⵜⴰⵙⴻⵀⵕⴰ-ⴰ ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⴳⴰⵔ 30 ⵏ ⵢⵉⵀⴰⵏⴰⵢⴻⵏ ⵏⵉⴹⴻⵏ ⵏ ⵓⵥⴰⵡⴰⵏ ⴰⴷ ⴷ-ⵢⵉⵍⵉⵏ ⵢⴰⵍ ⵜⴰⵎⴻⴷⴷⵉⵜ ⴰⵔⵎⴰ ⴷ 3 ⵢⵓⵍⵢⵓ ⴷⴻⴳ ⵡⴻⵎⵕⴰⵃ-ⴰ ⵏ ⵢⵉⵏⴰⵥⵓⵔⴻⵏ. « ⵟⵟⴻⵃⵟⴰⵃⴰ », ⴰⴽⴽⴻⵏ ⴰⵢ ⴰⵙ-ⵜⵜⵉⵏⵉⵏ ⵢⵉⵎⴻⵣⴷⴰⵖⴻⵏ ⵏ ⵜⵖⵉⵡⴰⵏⵜ, ⴰⴷ ⴷ-ⵜⵉⵍⵉ ⴷ ⴰⵎⵕⴰⵃ ⴰⵢⴷⴻⴳ ⴰⴷ ⵡⵜⴻⵏ ⴰⵟⴰⵙ ⵏ ⵢⵉⵏⴰⵥⵓⵔⴻⵏ ⵢⴻⵜⵜⵡⴰⵙⵙⵏⴻⵏ ⵏ ⵓⵥⴰⵡⴰⵏ ⵏ ⵛⵛⴻⵄⴱⵉ, ⴳⴰⵔ-ⴰⵙⴻⵏ ⵎⵧⵀⴰⵎⴻⴷ ⵛⵀⴻⵜⵧⵓⴰⵏⴻ, ⴰⴱⴷⴻⵔⵔⴻⵣⴰⴽ ⴳⵓⴻⵏⵏⵉⴼ, ⵀⴰⴽⵉⵎ ⴻⵍ ⴰⵏⴽⵉⵙ ⴷ ⴽⴰⵎⴻⵍ ⴰⵣⵉⵣ.
ⵢⴻⵜⵜⵡⴰⵔⵥⴻⵎ ⵡⴻⵎⵕⴰⵃ-ⴰ ⴷⴻⴳ ⵓⵏⴻⴱⴷⵓ ⵏ 2014 ⵙⴷⴰⵜ ⵜⵏⴻⴳⵎⴻⵔⵜ (ⵎⴰⵙⵎⴰⴽⴰ) ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⵓ ⵔⵔⴰⵏ-ⵜⵜ ⴷ ⵜⴰⵏⴻⵖⵍⵓⵙⵜ (ⵎⴰⵇⵀⴰ) ⴰⵢⴷⴻⴳ ⴷ-ⵜⵜⵉⵍⵉⵏ ⵢⵉⵀⴰⵏⴰⵢⴻⵏ. ⵙⴻⴳ ⵡⴻⵎⴽⴰⵏ-ⴰ, ⵣⴻⵎⵔⴻⵏ ⵎⴻⴷⴷⴻⵏ ⴰⴷ ⵡⴰⵍⵉⵏ ⵛⵛⴱⴰⵃⴰ ⵏ ⵜⴻⵎⴷⴰ ⵏ ⵍⴷⵣⴰⵢⴻⵔ, ⵢⴻⵔⵏⵓ ⵙⵙⵓⴷⴷⵙⴻⵏ ⵢⴰⴳⵉ ⴷⴻⴳ ⵡⴻⵎⵕⴰⵃ-ⴰ ⴰⵟⴰⵙ ⵏ ⵜⴻⴷⵢⴰⵏⵉⵏ ⵏ ⵓⵥⴰⵡⴰⵏ ⴰⵏⴷⴰⵍⵓⵙⵉ ⴷ ⵛⵛⵄⴻⴱⵉ ⴰⵢⴷⴻⴳ ⵃⴻⴷⵕⴻⵏ ⵡⴰⵟⴰⵙ ⵏ ⵎⴻⴷⴷⴻⵏ.
