ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⵛⵉ ⵏ ⵡⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ « ⴰⵍⵉ ⵎⴰⴰⵛⵀⵉ » ⵏ ⵢⵉⵍⴻⵎⵥⵉⵢⴻⵏ ⴷ-ⵢⴻⵙⵏⵓⵍⴼⵓⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵓⵏⴻⴼⴽ ⵡⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ « ⴰⵍⵉ-ⵎⴰⴰⵛⵀⵉ » ⵏ ⵢⵉⵍⴻⵎⵥⵉⵢⴻⵏ ⴷ-ⵢⴻⵙⵏⵓⵍⴼⵓⵢⴻⵏ ⵉ 3 ⵏ ⵢⵉⵍⴻⵎⵥⵉⵢⴻⵏ ⵙⴻⴳ ⵢⵉⵏⵓⵔⴰⵔ ⵏ ⵜⵙⴻⴽⵍⴰ ⴷ ⵜⵥⵓⵔⵉ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵙⴻⵀⵕⴰ ⵏ ⵡⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵇⵚⴻⵔ ⵏ ⵢⴻⴷⵍⴻⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⵛⵓ ⴽⴰⵏ, ⵓⵔ ⵢⴻⵜⵜⵓⵏⴻⴼⴽ, ⴰⵙⴻⴳⴳⴰⵙ-ⴰ, ⵡⴰⵔⵔⴰⵣ ⵏ ⵙⵙⵉⵏⵉⵎⴰ.

ⴷⴻⴳ ⵜⵉⵏⴰⵡⵜ ⴰⵢ ⴷ-ⵢⴻⵖⵔⴰ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵔⵔⴰⵣ ⵏ « ⴰⵍⵉ-ⵎⴰⴰⵛⵀⵉ » ⴷ « ⴰⵖⴻⵔⴱⴰⵣ ⴰⵢ ⵢⴻⵜⵜⴳⴻⵏ ⵉⴼⴰⴷⴷⴻⵏ » ⵉ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵙⵏⵓⵍⴼⵓⵢⴻⵏ ⵢⴻⵔⵏⵓ ⴷ ⴰⵍⵍⴰⵍ ⴰⵢⵢⴻⵙ, ⵢⴰⵍ ⴰⵙⴻⴳⴳⴰⵙ, ⴰⴷ ⵜⵜⵡⴰⵙⵙⵏⴻⵏ ⵢⵉⵍⴻⵎⵥⵉⵢⴻⵏ ⵓⵥⵡⵉⵔⴻⵏ ⵏ ⴷⴷⴰⵡ 35 ⵏ ⵢⵉⵙⴻⴳⴳⴰⵙⴻⵏ.

ⵜⴻⵍⵍⴰ-ⴷ ⵜⴼⵓⴳⵍⴰ-ⴰ ⴷⴻⴳ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵥⵓⵔ, ⵢⴻⵔⵏⵓ ⵃⴻⴷⵕⴻⵏ ⴷⴻⴳ-ⵙ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ, ⵖⴻⵔ ⵢⵉⴷⵉⵙ ⵏ ⵡⴰⵛⵃⴰⵍ ⵏ ⵡⵓⴷⵎⴰⵡⴻⵏ ⵏ ⵜⵙⴻⵔⵜⵉⵜ ⴷ ⵜⵥⵓⵔⵉ ⴷ ⵡⴰⵟⴰⵙ ⵏ ⵢⵉⵏⴰⵥⵓⵔⴻⵏ.