Asebter amenzawi

Tukci n Warraz n uselway n tegduda « Ali Maachi » n yilemẓiyen d-yesnulfuyen

LEZZAYER TAMANEɣT – Yettunefk warraz n uselway n tegduda « Ali-Maachi » n yilemẓiyen d-yesnulfuyen i 3 n yilemẓiyen seg yinurar n tsekla d tẓuri deg yiwet n tfugla (ḥafl) ay d-yellan deg tsehṛa n wass n laṛebɛa deg Leqṣer n Yedles n Lezzayer Tamaneɣt, d acu kan, ur yettunefk, aseggas-a, warraz n ssinima.

Deg tinawt ay d-yeɣra uneɣlaf n yedles, Azzedine Mihoubi, i lmend n waya, yenna-d dakken arraz n « Ali-Maachi » d « aɣerbaz ay yettgen ifadden » i yilemẓiyen ay d-yesnulfuyen yernu d allal ayyes, yal aseggas, ad ttwassnen yilemẓiyen uẓwiren n ddaw 35 n yiseggasen.

Tella-d tfugla-a deg wass aɣelnaw n unaẓur, yernu ḥedṛen deg-s uneɣlaf n tɣawsiwin n wezɣar, Ramtane Lamamra, aneɣlaf n yilemẓiyen d waddal, El Hadi Ould Ali d tneɣlaft n temsetlelt (taḍamun) taɣelnawt, Mounia Meslem, ɣer yidis n wacḥal n wudmawen n tsertit d tẓuri d waṭas n yinaẓuren.