ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴼⴰⵏ-ⴷ ⵉⵖⵙⴰⵏ ⵏ ⵓⵎⴻⵅⵍⵓⵇ ⴰⵢⵙⴻⴳ ⴷ-ⵢⵓⴷⴻⵔ ⵡⴻⵎⴷⴰⵏ ⵏ ⴼⵍⵧⵔⴻⵙ

ⵒⴰⵔⵉⵙ – ⵓⴼⴰⵏ-ⴷ ⵉⵖⵙⴰⵏ ⵏ ⵢⵉⵎⴻⵅⵍⵓⵇⴻⵏ ⵢⴻⴷⴷⵔⴻⵏ 700.000 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵢⴻⵔⵏⵓ ⵢⴻⵣⵎⴻⵔ ⵍⵃⴰⵍ ⵎⵍⵉⵃ ⴰⴷ ⵉⵍⵉⵏ ⴷ ⵏⵉⵜⵏⵉ ⴰⵢ ⴷ ⵍⴻⵊⴷⵓⴷ ⵏ ⵡⴻⵎⴷⴰⵏ ⵏ ⴼⵍⵧⵔⴻⵙ ⴰⵢ ⵢⴻⵍⵍⴰⵏ ⵢⴻⴷⴷⴻⵔ ⴷⴻⴳ ⵜⴻⴳⵣⵉⵔⵜ ⵏ ⴼⵍⵧⵔⴻⵙ ⵏ ⵉⵏⴷⵓⵏⵉⵙⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⴻⵏⵣⵉⴽⴻⵏ (ⵄⵓⵍⴰⵎⴰ’ ⴰⵜⴰⵔ).

ⵙⵏⴰⵜ ⵏ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⴻⵙⵖⵓⵏⵜ ⵜⴰⴱⵔⵉⵟⴰⵏⵉⵜ ⵏ « ⵏⴰⵜⵓⵔⴻ » ⵖⴻⴼ ⵜⴻⵎⵙⴰⵍⵜ-ⴰ, ⵢⴻⵔⵏⵓ, ⵍⴻⵎⵎⴻⵔ ⴷ ⵍⴻⴱⵖⵉ, ⵜⵉⵣⵔⴰⵡⵉⵏ-ⴰ ⴰⴷ ⴼⴰⴽⴻⵏⵜ ⴰⵎⵊⴰⴷⴻⵍ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵓⴳⴰⵔ ⵏ 10 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵖⴻⴼ ⵍⴰⵚⴻⵍ ⵏ ⵡⴻⵎⴷⴰⵏ ⵏ ⴼⵍⵧⵔⴻⵙ ⵓⵎⵉ ⵙⴻⵎⵎⴰⵏ « ⴰⵀⵓⴱⵉⵜ » ⵖⴻⴼ ⵍⵊⴰⵍ ⵏ ⵜⴻⵡⵣⴻⵍ-ⵏⵏⴻⵙ.

ⵖⴻⴼ ⵍⴻⵃⵙⴰⴱ ⵏ ⵢⵧⵓⵙⵓⴽⴻ ⴽⴰⵉⴼⵓ, ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⴳⴰⵎⴰ ⴷ ⵜⵓⵙⵙⵏⵉⵡⵉⵏ ⵏ ⵉⴱⴰⵔⴰⴽⵉ (ⵊⴰⵒⵓⵏ), ⵉⵎⴻⵅⵍⵓⵇⴻⵏ-ⴰ ⵍⵍⴰⵏ ⴷⴷⵔⴻⵏ ⵢⴰⴳⵉ ⴷⴻⴳ ⵜⴻⴳⵣⵉⵔⵜ ⵏ ⴼⵍⵧⵔⴻⵙ 700.000 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

ⴰⵎⴷⴰⵏ ⵏ ⴼⵍⵧⵔⴻⵙ ⴰⵢ ⵢⴻⴷⴷⵔⴻⵏ ⴰⵣⴰⵍ ⵏ 50.000 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵓⴼⴰⵏ-ⵜ-ⴷ ⴷⴻⴳ ⵛⵜⴻⵎⴱⴻⵕ ⵏ 2003 ⴷⴻⴳ ⵢⴻⴼⵔⵉ ⵏ ⵍⵉⴰⵏⴳ ⴱⵓⴰ, ⴷⴻⴳ ⵜⴻⴳⵣⵉⵔⵜ ⵜⵉⵏⴷⵓⵏⵉⵙⵉⵜ ⵏ ⴼⵍⵧⵔⴻⵙ.

ⴰⵎⴻⵅⵍⵓⵇ-ⴰ ⵢⴻⵙⵄⴰ ⴰⵎⵉⵜⵔ ⴽⴰⵏ ⴷⴻⴳ ⵜⴻⵖⵣⴻⴼ ⵢⴻⵔⵏⵓ ⵢⴻⵡⵣⴻⵏ 25 ⵏ ⵢⵉⴽⵉⵍⵓⴳⵕⴰⵎⴻⵏ. ⵢⴻⵙⵄⴰ ⵉⵖⴻⴼ ⵎⴻⵥⵥⵉⵢⴻⵏ ⴰⵟⴰⵙ ⵖⴻⴼ ⵍⴻⵃⵙⴰⴱ ⵏ ⵜⴼⴻⴽⴽⴰ-ⵏⵏⴻⵙ, ⵢⴻⵔⵏⵓ ⴰⵍⵍⴰⵖ-ⵏⵏⴻⵙ ⴰⵏⴻⵛⵜ ⵏ ⵡⵉⵏ ⵏ ⵓⵛⴰⵎⵒⴰⵏⵣⵉ.