Asebter amenzawi

24 n yisenfaren n yiberdan iruradanen ara yeqqnen tiwilayin ɣer ubrid aruradan ataram-agmuḍ

LEZZAYER TAMANEɣT – Aɣlif n yimuhal inagduden iheyya-d aseḍru n 24 n yiberdan iruradanen ara yeqqnen kra n twilayin n ugensu n tmurt ɣer ubrid aruradan ataram-agmuḍ, akka i d-icar, ass n lexmis, uneɣlaf yettwakelfen s uḥric-a, Mass Abdelkader Ouali.

Yemmeslay-d deg yiwet n tɣimit n Useqqamu n Uɣlan yerzan tuttra timawit ɣef tuqqna n twilayt n Msila ɣer ubrid aruradan ataram-agmuḍ, Mass Ouali yesmekta-d dakken aseḍru n yiberdan iruradanen, ara yeqqnen kra n twilayin n tmurt ɣer ubrid aruradan ataram-agmuḍ, yekcem deg ukatar n useddu n yiwellihen n uzenziɣ anemhalan n ubrid aruradan n yiseggasen 2005-2025

Ma yella d ayen yerzan tawilayt n Msila, yenna-d uneɣlaf dakken tawilayt-a tekcem deg usenfar-a, tuqqna-s ubrid aruradan ataram-agmuḍ ad tili seg tɣiwant n Busɛada s 80 n yikilumitren.

Isded-d dakken tazrew yerzan asenfar-a attan tetteddu, ad tekfu deg kraḍ wayyuren ineggura n useggas 2016.