Asebter amenzawi

Tessejhed Isṛayil amḥaq-nnes i Yifalesṭiniyen d weqfal n Ugemmaḍ Utrim d ɣezza

LQUDS yettwaḍḍfen– Sjehden yiɣallen isṛayiliyen, ass n ljemɛa, amḥaq-nsen deg yikalen ifalesṭiniyen s weqfal n yikalen n Ugemmaḍ Utrim d tesfift n Ɣezza, ɣef wakken ay d-nnant teɣbula (maṣadir) tifalesṭiniyin.

Akk tinqiḍin n uɛeddi n tesfift n Ɣezza llant medlent yernu ad qqiment akka arma d ass n lḥedd ɣef tis 12:00 n yiḍ (tis 9:00 s wakud n Greenwich), ɣef wakken ay d-nnant teɣbula-a.

Seg yidis niḍen, ssuggten yiɣallen isṛayiliyen tiẓdamin-nsen ɣef temdinin, tuddar d yegriren (muxayyamat) n yezrazaɣen (laǧi’in) n Ugemmaḍ Utrim.

Ḍḍfen yiɣallen isṛayiliyen n tuḍḍfa sin n yilemẓiyen ifalesṭiniyen, Nader Bacha d Mohamed Sabih, deg taddart n Hamza, deg ugafa-amuḍan n Lquds yettwaḍḍfen. Yettwaḍḍef daɣ, deg teẓdamt niḍen, Ramdane El Qawasma deg temdint n Lxalil.