ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⵀⵕⴰ ⵏ ⵜⴻⵊⵎⵉⵍⵜ ⵉ ⴰⵎⴰⵔ ⴻⵣⵣⴰⵀⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵛⵏⴰⵏ-ⴷ ⵢⵉⵛⴻⵏⵏⴰⵢⴻⵏ ⵏ ⵛⵛⴻⵄⴱⵉ, ⴰⵣⵉⵧⵓⵣ ⵔⴰⵉⵙ, ⵎⵧⵀⴰⵎⴻⴷ ⵛⵀⴻⵜⵧⵓⴰⵏⴻ ⴷ ⵏⴰⵙⵔⴻⴷⴷⵉⵏⴻ ⴳⴰⵍⵉⵣ, ⴷⴻⴳ ⵜⵙⴻⵀⵕⴰ ⵏ ⵡⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ, ⴽⵔⴰ ⵏ ⵜⴻⵣⵍⴰⵜⵉⵏ ⴰⴽⴽⴻⵏ ⴰⴷ ⵔⵔⴻⵏ ⵜⴰⵊⵎⵉⵍⵜ ⵉ ⵢⵉⵡⴻⵏ ⵙⴻⴳ ⵢⵉⵎⴻⵇⵔⴰⵏⴻⵏ ⵏ ⵓⵥⴰⵡⴰⵏ-ⴰ ⴰⵖⴻⵔⴼⴰⵏ, ⴰⵎⴰⵔ ⴻⵣⵣⴰⵀⵉ.

ⵜⴰⵙⴻⵀⵕⴰ-ⴰ ⵜⴻⵍⵍⴰ-ⴷ ⴷⴻⴳ ⵜⵣⴻⵇⵇⴰ ⵏ ⴻⵍ-ⵎⵧⵓⴳⴳⴰⵔ ⵢⴻⵔⵏⵓ ⵢⴻⵙⵙⵓⴷⴷⴻⵙ-ⵉⵜⵜ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⴻⴷⵍⴻⵙ ⵏ ⵓⵙⵙⴻⵍⵖⵓ (ⵉⵄⵍⴰⵎ). ⴷ ⵏⴻⵜⵜⴰ ⴰⵢ ⴷ ⴰⴱⴰⵔⴰⵣ (ⵃⴰⴼⵍ) ⴰⵎⴻⵣⵡⴰⵔⵓ ⴰⵢ ⴷ-ⵢⴻⵍⵍⴰⵏ ⵙⴻⴳ ⴳⴰⵔ ⵢⵉⴱⴰⵔⴰⵣⴻⵏ ⵏⵉⴹⴻⵏ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⵜⴻⵏ-ⴳⴻⵏ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵏ ⵡⵓⴷⵎⴰⵡⴻⵏ ⵏ ⵓⵥⴰⵡⴰⵏ ⴰⴷⵣⴰⵢⵔⵉ, ⵢⴻⵔⵏⵓ ⵢⴻⵍⵍⴰ-ⴷ ⵓⴱⴰⵔⴰⵣ-ⴰ ⴷ ⵜⴰⴳⵏⵉⵜ ⵉ ⵡⴻⴳⴷⵓⴷ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⵉⵙⴻⵍ ⵉ ⵜⴻⵣⵍⴰⵜⵉⵏ ⵎⴻⵛⵀⵓⵕⴻⵏ ⵏ ⵓⵏⴰⵥⵓⵔ-ⴰ ⵏ ⵛⵛⴻⵄⴱⵉ ⵢⴻⵙⵄⴰⵏ 71 ⵏ ⵢⵉⵙⴻⴳⴳⴰⵙⴻⵏ, ⴷ ⵡⵉⵏ ⴰⵢ ⵢⴻⴱⴷⴰⵏ ⴰⵎⴻⵛⵡⴰⵕ-ⵏⵏⴻⵙ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1960.

ⴰⵣⴰⵍ ⵏ 60 ⵏ ⵢⴻⵎⴼⴻⵕⵕⴵⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵓⴱⴰⵔⴰⵣ-ⴰ, ⴳⴰⵔ-ⴰⵙⴻⵏ ⵜⵉⵡⴰⵛⵓⵍⵉⵏ ⴷ ⵡⵉⴷ ⵉⵃⴻⵎⵎⵍⴻⵏ ⵛⵛⴻⵄⴱⵉ, ⵢⴻⵔⵏⵓ ⵡⵜⴻⵏ-ⴷ ⵢⵉⵏⴰⵥⵓⵔⴻⵏ ⴷⴻⴳ ⵓⵀⴰⵏⴰⵢ-ⴰ ⴽⵔⴰ ⵙⴻⴳ ⵜⴻⵣⵍⴰⵜⵉⵏ ⵢⴻⵜⵜⵡⴰⵙⵙⵏⴻⵏ ⵏ ⵛⵛⴻⵄⴱⵉ ⴰⵎ « ⵙⴰⵍⵍⵉ ⵟⵔⴰⵛ ⵇⴻⵍⴱⵉ », « ⴰⵛ ⵄⴻⴷⴷⴻⴱⵏⵉ », « ⵍⵖⵓⵔⴼⴰ ⵍⵄⴰⵍⵢⴰ » ⴷ « ⴷⵉⴽ ⵛⵛⴻⵎⵄⴰ », ⵢⴻⵔⵏⵓ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵣⵍⴰⵜⵉⵏ-ⴰ ⵢⵓⵔⴰ-ⵜⴻⵏⵜ-ⵉⴷ ⵎⴰⵀⴱⵧⵓⴱ ⴱⴰⵜⵉ (1919-2000).

ⵜⵓⵕⴽⵉⵙⵜ ⵜⴻⵍⵍⴰ-ⴷ ⴷⴷⴰⵡ ⵜⵎⴻⵀⵍⴰ ⵏ ⵔⴰⴱⴰⵀ ⵙⵍⵉⵎ. ⵉⵏⴰⵥⵓⵔⴻⵏ ⴰⵣⵉⵧⵓⵣ ⵔⴰⵉⵙ ⴷ ⵎⵉⵀⴰⵎⴻⴷ ⵛⵀⴻⵜⵧⵓⴰⵏⴻ ⵡⵜⴻⵏ-ⴷ ⴷⴰⵖ ⵜⵉⵇⵙⵉⴷⵉⵏ ⵏ ⵓⵎⴻⵍⵃⵓⵏ ⴰⵎⵖⴰⵔⴱⵉ, ⴷ ⵚⵚⴻⵏⴼ ⵏ ⵛⵛⵏⴰ ⴰⵢ ⵉⵛⴻⵏⵏⵓ ⴰⵟⴰⵙ ⴰⵎⴰⵔ ⴻⵣⵣⴰⵀⵉ.