Asebter amenzawi

Mass Bessaieh d adiplumati uẓwir ay yeḍḍfen acḥal d amkan unnig deg uwanak

LEZZAYER TAMANEɣT – Mass Boualem Bessaieh, ay d-yettwasemman, ass n ssebt, d aneɣlaf n uwanak (dawla), d aneṣṣaḥ uzzig yernu d agensas udmawan n uselway n tegduda, yexdem acḥal n yiseggasen d adiplumati yernu yeḍḍef acḥal d tikkelt imukan unnigen deg uwanak.

Ilul Mass Bessaieh deg 1939 deg Lbeyyeḍ, yernu yuɣal d argaz yettwassnen ama deg tsertit, ama deg tsekla.

Amjahed-a aqbur yella d amaslaḍ (ɛuḍw) deg tmarit tamatut n Useqqamu Aɣelnaw n Tegrawla Tadzayrit gar 1959 d 1962.

Asmi ay tewwi tmurt azarug (istiqlal), yuɣal d anmahal (safir) adzayri deg wacḥal n tmura (Sswis, Vatican, Maṣer, Lekwit, Meṛṛuk), sakkin yuɣal d amaru amatu n weɣlif n tɣawsiwin n wezɣar deg 1971.

Deg 1979, yudef ɣer unabaḍ (ḥukuma) yernu yuɣal d aneɣlaf deg wacḥal n yeɣlifen. Yettwasemma-d, naqal, d aneɣlaf n usselɣu (iɛlam), sakkin d aneɣlaf n tnazent, sakkin d aneɣlaf n yedles, uqbel ma yuɣal, deg 1988, d aneɣlaf n tɣawsiwin n wezɣar.

Mi yeḍḍef aɣlif n tɣawsiwin n wezɣar, yettekka deg useqqamu n kraḍ n yidisan gar Lezzayer, Meṛṛuk d Tgelda Tasaɛudit ay d-yekkan seg yiwen n ṛṛay ay d-yeffɣen deg tqacuct taɛṛabt n Tgemmi Tamellalt (Meṛṛuk), yernu yettwassebded-d useqqamu-a i lemcawṛat ay yessawḍen ɣer wemtawa (ittifaq) n Taief ay ifuken amgaru (ḥarb) aɣarim n Lubnan.

Deg 1997, yettwasemma-d d amaslaḍ n Useqqamu n Weɣlan yernu yettekka deg tis-kraḍt taselwayant, sakkin yettwafren d aselway n tesmilt n tɣawsiwin n wezɣar deg texxamt tis snat n wemni (barlaman).

Deg Ctembepr n 2005, isemma-t-id uselway n tegduda d aselway n Useqqamu amenḍawan.

Yura-d Mass Bessaieh aṭas n yedlisen n tsekla d umezruy, gar-asen yiwen n wedlis ɣef Lamir Ɛebdelqader.