ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵓⵖⴰⵍ ⵜⴰⵍⵡⵉⵜ ⵖⴻⵔ ⵍⵉⴱⵢⴰ ⴷ ⵎⴰⵍⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵃⴻⵜⵜⴻⵜⴻⵏ-ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵍⴻⵣⵣⴰⵢⴻⵔ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵓⵖⴰⵍⴻⵏ ⵜⴰⵍⵡⵉⵜ ⴷ ⵡⴻⵔⴽⴰⴷ « ⵙ ⵍⵄⴻⵊⵍⴰⵏ » ⵖⴻⵔ ⵍⵉⴱⵢⴰ ⴷ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ. « ⵏⴻⵜⵜⵡⴰⵙⵙⴻⵇⵏⴻⵄ ⴷⴰⴽⴽⴻⵏ ⵉⵃⴰⵔ ⵍⵃⴰⵍ ⴰⴽⴽⴻⵏ ⴰⴷ ⴷ-ⵉⵍⵉⵏ ⵡⴻⵔⴽⴰⴷ ⴷ ⵜⴰⵍⵡⵉⵜ ⴷⴻⴳ ⵜⴻⵎⵏⴰⴹⵜ-ⵏⵏⴻⵖ, ⵍⴰⴷⵖⴰ ⴷⴻⴳ ⵍⵉⴱⵢⴰ ⴷ ⵎⴰⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⴷⵉⵡⴻⵏⵏⵉ (ⵃⵉⵡⴰⵔ) ⴳⴰⵔ ⵍⴻⵣⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴻⵏⵔⴰⵔ ⵏ ⵜⵖⴻⵍⵍⵉⵙⵜ (ⴰⵎⵏ).
« ⵏⴻⵜⵜⵡⴰⵍⵉ ⴷⴰⴽⴽⴻⵏ ⴰⴽⴰⵍⴰ (ⵎⴰⵙⴰⵔ) ⵏ ⵜⴰⵍⵡⵉⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⵉⴼⴰⴽ ⵢⴻⵔⵏⵓ ⴰⴷ ⵢⴻⴵⴵ ⴰⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⴷ ⵢⵓⵔⴰⵔ ⴷⴷⵓⵕ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴰⵍⴰ ⵏ ⵜⴰⵡⵍⵉⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵎⴰⵍⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵄⴰ ⴰⵙⵙⵉⵔⴻⵎ ⴷⴻⴳ ⵓⴽⴰⵍⴰ-ⴰ ⴰⴷ ⵢⴰⵡⴻⴹ ⵖⴻⵔ ⵢⴻⵙⵡⵉ-ⵏⵏⴻⵙ.
ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴱⴷⴻⵔ-ⴷ, ⴷⴻⴳ ⵓⴷⵉⵡⴻⵏⵏⵉ-ⵏⵏⴻⵙ ⴷ ⵢⵉⴷⵉⵙ ⴰⵎⴰⵔⵉⴽⴰⵏⵉ, ⵜⴰⵎⵙⴰⵍⵜ ⵏ ⵜⵓⵏⴻⵙ, ⵜⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⵉⵏ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ.
ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴱⴻⴷⵔⴻⵏⵜ-ⴷ « ⴰⵎⵉⵀⵉ (ⵅⴰⵟⴰⵔ) ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ ⵖⴻⴼ ⵍⵊⴰⵍ ⵏ ⵜⴻⵎⵙⵉⵙⵉⵜ (ⵃⵉⵍⴼ), ⵓⵎⵉ ⵏⴳⴻⵔ ⵜⴰⵎⴰⵡⵜ ⴷⴻⴳ ⵡⴻⵏⵔⴰⵔ, ⴳⴰⵔ ⵜⵔⴻⵎⵎⵉⵖⵜ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ».
« ⵏⴻⵙⵄⴰ ⵜⴰⵙⵍⴻⴹⵜ (ⵜⴰⵃⵍⵉⵍ) ⵜⵓⵛⵔⵉⴽⵜ ⵖⴻⴼ ⵜⴻⵎⵙⴰⵍⵜ-ⴰ ⵢⴻⵔⵏⵓ ⵏⴻⵙⵙⴰⵡⴻⵍ ⴰⵟⴰⵙ ⵖⴻⴼ ⵜⵜⴻⵊⵕⵉⴱⴰⵜ ⵢⴻⵇⵇⵏⴻⵏ ⵖⴻⵔ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵙⵓⴷⴷⴻⵙ ⵜⵉⵎⵍⵉⵍⵉⵜ ⵖⴻⴼ ⵜⵓⴽⴽⵙⴰ ⵏ ⵜⵉⴹⴹⵓⵔⴼⴰ ⴷ ⵜⴻⵎⵍⵉⵍⵉⵜ ⵏⵉⴹⴻⵏ ⵖⴻⴼ ⵜⴻⵊⵔⵉⵎⵜ ⴷ ⵜⵔⴻⵎⵎⵉⵖⵜ ⵙ ⵉⵏⵜⴻⵔⵏⴻⵜ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵉⵅⴻⴱⴱⴻⵔ-ⴷ ⴷⴰⵖ ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⴷⴻⴳ ⵍⵣⴰⵢⴻⵔ, ⴷⴻⴳ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵖⴻⴼ « ⵜⵓⴳⴷⵓⵜ (ⴷⵉⵎⵓⵇⵔⴰⵟⵉⵢⵢⴰ) ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵎⵙⴻⴷⴷⴰⵢⵜ ⵜⴰⴳⴻⵊⴷⴰⵏⵜ ⵏ ⵜⵓⴽⴽⵙⴰ ⵏ ⵜⵉⴹⴹⵓⵔⴼⴰ ».
« ⵏⴻⵎⴱⴰⴷⴷⴰⵍ, ⴷ ⵡⴻⵛⵔⵉⴽ-ⵏⵏⴻⵖ ⴰⵎⴰⵔⵉⴽⴰⵏⵉ, ⵜⵉⵎⵓⵖⵍⵉⵡⵉⵏ ⵖⴻⴼ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵜⴰⵎⴰⵜⵓⵜ ⵜⴰⴳⵔⴰⵖⵍⴰⵏⵜ ⵉ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ ⴰⵢ ⵢⵓⵖⴰⵍⴻⵏ ⴷ ⵜⵓⴳⴳⵣⴰ (ⵜⴰⵀⴷⵉⴷ) ⵉ ⵓⵎⴰⴹⴰⵍ ⵢⴻⵔⵏⵓ ⵢⴻⵃⵡⴰⵊ ⵜⵉⵔⵉⵔⵉⵜ ⵜⴰⵏⵎⴰⴹⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
