Asebter amenzawi

Lezzayer d Yiwanaken Yeddukklen wekkden-d dakken yessefk ad d-tuɣal talwit ɣer Libya d Mali

LEZZAYER TAMANEɣT - Ḥetteten-d Yiwanaken Yeddukklen d Lezzayer dakken yessefk ad d-uɣalen talwit d werkad « s lɛejlan » ɣer Libya d Mali, ɣef wakken ay d-yenna, ass n lḥedd, uneɣlaf n tɣawsiwin n Lmeɣreb, Abdelkader Messahel. « Nettwasseqneɛ dakken iḥar lḥal akken ad d-ilin werkad d talwit deg temnaḍt-nneɣ, ladɣa deg Libya d Mali », ɣef wakken ay d-yenna Mass Messahel i tɣemsa deg tgara n temlilit tis 3 n udiwenni (ḥiwar) gar Lezzayer d Yiwanaken Yeddukklen deg wenrar n tɣellist (amn).

« Nettwali dakken akala (masar) n talwit ay la d-yettilin deg Libya yessefk ad ifak yernu ad yeǧǧ anabaḍ (ḥukuma) n tdukli taɣelnawt ad yurar dduṛ-nnes », ɣef wakken ay d-yerna.

Deg wayen yerzan akala n tawlit ay la d-yettilin deg Mali, yenna-d dakken yesɛa assirem deg ukala-a ad yaweḍ ɣer yeswi-nnes.

Yenna-d dakken yebder-d, deg udiwenni-nnes d yidis amarikani, tamsalt n Tunes, tin n Uneẓruf Utrim d tin n temnaḍt n Ssaḥel.

Yenna-d Mass Messahel dakken snat-a n tmura bedrent-d « amihi (xaṭar) yellan deg temnaḍt ɣef ljal n temsisit (ḥilf), umi nger tamawt deg wenrar, gar tremmiɣt d tejrimt yettwassuddsen ».

« Nesɛa tasleḍt (taḥlil) tucrikt ɣef temsalt-a yernu nessawel aṭas ɣef ttejṛibat yeqqnen ɣer yimenɣi mgal tremmiɣt », ɣef wakken ay d-yenna, am wakken ay d-yesmekti dakken Lezzayer tessuddes timlilit ɣef tukksa n tiḍḍurfa d temlilit niḍen ɣef tejrimt d tremmiɣt s Internet.

Dɣa, deg temsalt-a, ixebber-d daɣ dakken ad d-tili deg Lzayer, deg Ctembeṛ ay d-yetteddun, yiwet n temlilit ɣef « tugdut (dimuqraṭiyya) s yisem-nnes d tamseddayt tagejdant n tukksa n tiḍḍurfa ».

« Nembaddal, d wecrik-nneɣ amarikani, timuɣliwin ɣef tsuddest (istratiǧiyya) tamatut tagraɣlant i yimenɣi mgal tremmiɣt ay yuɣalen d tuggza (tahdid) i umaḍal yernu yeḥwaj tiririt tanmaḍalt », ɣef wakken ay d-yenna.